مشكلتى مع صديقة عمرى ,, الله يخليكم دخلوا وشوفى لى حل معاها

غريبه و الله صديقتج هذي :eek2:

بس اول شي شوفي و تذكري يمكن انتي مزعلتها او قايله لها شيء .
او حتى يمكن احد الصديقات المشتركات من بينكم قامت بنقل الكلام حتى لو كان الكلام مو صحيح لان صدقيني دايما يصير جذي .
و انتي ساليها و واجهيها ليش هي تسوي جذي يمكن تقولج شنو السالفه.
و ما بي اطول عليج اختي بس يمكن بعد في اصدقاء فروا عقلها :pain:

و اتمنى ان كل شي يرجع بينكم مثل قبل و احسن

تبين نصيحتي؟؟؟؟
روحي واسليها ليش اتسوى فيج جذيه يمكن سامعه كلام من ناس او واصلها كلام مزعلها منج

أنا مع الخوات لؤلؤة البحرين والبنات الغنادير

ما عندي شي اضيفه

وبالتوفيق

بسم الله الرحمن الرحيم

السلام عليكم ورحمة الله وبركاته

wallah feek el kheer koonek mo 3ayza tekhsreen sa7ebtek , bas b nafs el wagt a7eb enek tes2aleen roo7ek edha sa7ebtek hadhe merta7ah w heya ba3eedah 3anek aw tesawee hadha shee bas 3ashan te3agbek 3ala shay saweeteeh gabl .
w men el ejabah akeed ra7 tegarereen ,

ta7eyate elek,

هلا اختي

اتمنى ينزاح همك

انا مريت بنفس التجربه و الحين انا عايشتها اتمنى من ربي الكريم يفرج همي

وهمك و هم كل المهمومين


اقري موضوعي وشوفيه يشبه موضوعك و اقري الردود بصراحه البنات و اللي ردوا علي ما قصروا و انشالله تستفيدين

وانشالله تنحل مشكلتك و اكون ساعدتك لو بشي ابسط من البسيط


http://www.3roos.com/forums/showthread.php?s=&threadid=75619

السلام عليكم
اختي لاتهتمي عادي ولاتاخذي بخاطرك انا صاحبتي كذا واحنا مره اصحاب ولما جلست معها واتكلمنا ماكانت متنبهه لكل كذا يعني هذه طبيعتها انتي عليكي تتفهمي طبيعتها وتحاولي تفهمينها
انا افتكر انه تحددت شكبتها وعروفا البنات انا عرفت من البنات لماكانوا يسالونها عن الموعد مع انه الكل عارف انها صاحبتي وحتى هي ماتحب تكلم اي احد في مشكله معاها غيري فعشان كذا اذا كانت انسانه طيبه وبنت حلال وتخافون على بعض لاتهتمي لهذا الشيء والرسول قال التمس لاخيك سبعين عذرا
وبعدين لاتخبين بنفسك صارحيها لازم تحسسينها بضيقك ويعطيك العافيه اختي

[ALIGN=JUSTIFY]خواتي العزيزات

تذكرت شي صار لي قبل 7 سنوات تقريباً يمكن يكون مثل قصة الأخت شواطىء الفرح

كانت لي صديقة كانت في حياتي أعز وأغلى من الأخت كنا نطلع ونروح ونرد وناكل ونشرب وننام وندرس ونفرح ونحزن وكل شي في هالدنيا نسويه مع بعض

الكل كان يقول عنا توأم من كثر ما يشوفونا مع بعض ونلبس مثل بعض ونحس في بعض وما نرضى على بعض

المهم ... ما طول عليكم السالفة

في يوم من الأيام كنا طالعين في السيارة عشان نشتري ملزمة مهمة تفيدنا في امتحان نفس اليوم سمعنا عنها متأخر ورايحين نشتريها وفي الدرب صار لنا حادث فظيع تعورت فيه وايد (ما ظل فيني شي صاحي) الحمد لله رب العالمين والحمد لله أكثر ان صاحبتي ما صادها ولا شي

ترقدت في المستشفى لمدة 21 يوم 19 يوم منها كنت في غيبوبة كاملة واستغربت يوم فتحت عيني ما كنت أعرف ولا حد يمي ولا حتى أمي وهلي بس داخلي كنت أدور عليها يمكن ما كنت متذكره اسمها حزتها بس كنت أدورها في وجه كل اللي حوالي

وترخصت من المستشفى الحمد لله وما زلت انطر اني اشوفها طليت فترة 3 أيام ماعرف أي أحد ولا أتذكر أي شي صار (لحد اليوم انا مادري شصار بالحادث)

والمصيبة اللي لحد الحين ودي اعرفها ليش تركتني صديقتي .. ليش ؟؟

يعني بذمتكم كانت غلطتي إذا سبب تركها لي الحادث اللي صار !!

أو كنت متعمدة !! أو شنو بالضبط !!

المهم .. بعدها يوم رجعت الجامعة كل الشباب والبنات اللي معاي بالجامعة يقولون لي كنتي غلطانة يوم مشيتي يوم واحد مع هذي (..) كنتي غلطانة إذا كنتي بيوم اعتبرتيها صديقة

ولحد اليوم ... لين تشوفني تصد عني ولا تكلمني .. الصراحة قلبي يعورني من حركاتها ولا حتى قالت الحمد لله على سلامتج .. بس أحمد ربي ان عرفتها على حقيقتها ومثل ما يقولون (الصديق وقت الضيق) وانا وصلت للموت ولا شفتها يمي

وهذي قصتي مع أعز وأغلى صديقاتي (مع العلم ان ما كان لي صديقات غيرها) وهي السبب لأنها ما كانت تبيني اعرف أي أحد غيرها

شرايكم

والله ردودكم فرحتنى واشكركم من كل قلبى

لؤلؤة البحرين بحاول اسالها يمكن يكون اللى قلتيه صح واحد ناقل كلام واخت البنات الغنادير بحاول اسالها


نونة المزيزنة والله قريت قصتك مع صديقتك والله يكون فى العون


اما انت يا اخت gazala صراحة قصتك غريبة وبصراحة صديقتى طيبة وعمرها ما اذتنى بشى والكل يقول انها طيبة بس هذا الطبع الغريب اللى فيها

وخيول الفجر جزاك الله خير نبهتينى لشى ما كنت اعرفه وانا بحاول التمس لها العذر لانى ما ابى اخسرها لانها طيبة وايد

ما شاء الله أختي شواطئ الفرح...البنات ما قصروا معاك...


أختي الصديق نادر في هذا الزمان...إذا كان هناك ما يضايقك من صديقتك صارحيها به و أخبريها بكل مشاعرك...


الله يوفقكم مع بعض و ما يحرمكم من بعض أبدا...:smile:





.................................................


~'*¤!||!¤*'~(( مسابقــــة: مـواقف و مـشاكل زوجيـة تـحتاج مـنا إلى حـكمة و حسن تصرف...شاركينــــا ))~'*¤!||!¤*'~

السلام عليكم ورحمة الله وبركاته

كيفك اختي شواطىء الفرح


الله يصلح مابينك وبين صديقتك

بس بسألك هل هي هذا طبعها من عرفتيها؟؟؟

يعني هي من اول وهي انسانة غامضة وكتومة ..؟؟؟

ولا تغيرت من تالي؟؟؟

حاولي تحصرين المواقف الاخيرة قبل يحدث لها هالتغير

وحلليها في نفسك يمكن انتي غلطتي بدون ماتحسين؟؟؟

يمكن انتي من النوع اللي يدخل نفسه اكثر من اللازم ( واعذريني )
فهي تتضايق من هالشئ وتحب تحط حدود لصداقتكم!!

مثل ماقالوا لك الاخوات التمسي لها العذر

احيانا الشخص يسوي شئ من غير ماينتبه

يعني انا مثلن انقبلت في قسم معين داخل تخصصي

ولا تعمدت اخبي على صديقتي

وبلغت اهلي وفرحنا كلنا وكم وحده من صديقاتي عرفوا بالخبر

المهم وكنت دايم مع صديقتي هذي بس دايم انسى اقولها الخبر

مادري كيف يغيب عن بالي والله يشهد

لغاية ماجاء يوم وعرفت بالخبر

وزعلت مني :(

معاها حق تزعل

بس وربي ماكان قصدي وربي عالم بنيتي

--------
لذلك انتي لاتدققين كثير وحاولي تاخذين رايها في موضوعك

يعني جيبي شخصيات حتى لو خيالية وقيسيها على موقفك معاها

وشوفي رايها في الموضوع!! << اتمنى انك فهمتي :o

واتمنى ترجع المياة لمجاريها باسرع وقت

وخبرينا وش بيصير معاك

روحي واسليها ليش اتسوى فيج

احسن:up::up::up:

اهليين اختي كيفك؟؟؟

سوري maybe ردي ليكي متأخر...والبنات يعطيهم العافيه ماقصروا وردوا عليكي...بس حبيبتي في كلمه اقولها لك..

الحياه كل مالها تصر صعبه...كل يوم والتاني تطلع احداث تنكدالحياه (قمت اتفلسف:D2)...بس صدقيني ماراح يكون لك بالحياه الااهلك ..وقله هم الناس اللي يكونوا الله من عليهم بصديقات اللي يوقفوا جنبهم بمعنى الكلمه ...
ف اللي ابغى اوصلك اياه انو اذا كانت هذي البنت زي مابتقولي صديقتك المقربه فلاتخسريها على اشياء ماراح اقلك عاديه...بالعكس عندالبعض قد تكون من اهم علامات الصداقه(ان صديقتي تقلي هيا وين رايحه,, وفستان جواز اخوها من وين جايباه وغيره)انا ماالومك حبيبتي بس لاتخلي هالشي يخسرك صداقه جميله...الحل برأيي حاولي معاها لوعن طريق المزح مو بعصبيه او انك تهاوشيها يعني باجيبلك مثال انا هالسنه صديقةعمري حجت ...وطبعاطول ايام الحج وانا ماالكمها بس بيننا مسجات بحكم اني اسيبهاتتعبد..بس يوم العيد كنت اريدها تتصل وتعيدعليا يعني المكالمه ماراح تتعدى الدقايق ...بس ياقلبي عليها مااتصلت اكتفت بمسج عيدت عليا فيه وبس انا صراحةحزت في نفسي...استنيت الحج يخلص وترجع وقلتلها بدي الطريقه:واااو اخيرا رجعتيلي الله يتقبل حجك ويجعله حج مبرور بس الله يعافيكي لاعادتحجي خلاص مره بالعمرهو...ايش دا؟؟؟اول عيد يعدي عليا وماتعيدي عليا فيه..هيافهمت ضحكت واعتذرت وكه وخلاص مواننا عملناحكايه وزعله ..وقيسي على هالموقف كتير...يعني حتى هيا اتعلمت توصلي اخطائي ناحيتها او تقصيري بنفس هاي الطريقه...
طبعامررررررره سوري طولت عليكي (محاضره صارت مو رد:cool2:) ويارب ياااارب يبعدالشيطان عنكم وتفضلوا صديقات طووول العمر يارب

مشكورين يا بنات على تفاعلكم معاى

وحبيت ارد على الاخت حنين : صراحة انا من عرفيتها وهذا طبعها بس احس فى السنوات الاخيرة زاد وانا دايم احط هذا الشى فى بالى حتى ما اسالها ولا ادخل بامورها بس هى طبيعى تجى وتقول لى ودايم تردد انت اقرب انسانة لى


التمساحة اشكرك على الرد

ست الكل مشكورة عزيزتى على نصايحج لى والله لايفرقنا مثل ما قلت

بس بقولكم شى هى حاسة انى متغيرة والحين مكالماتنا قصيرة وايد وانا لما شكيت لكم الحال كنت حاطة فى بالى انى خلاص ما عدت اتحمل هذا الاسلوب ولازم تغيره ويمكن اروح بيتهم اليوم واتفاهم معاها

انا نتاكدة ما بلقى صديقة تعوضنى عنها وفى نفس الوقت ابى اكون مرتاحة معاها شو رايكم

:clap:بالتوفيق يا شواطىء الفرح بشرينا شو راح ايصيرك معاك بالتوفيق والله لايفرق بينكم


ان شا الله على خير :up:

بسم الله الرحمن الرحيم ،،،

مثل ما قال لك الجميع اختي ... أهم شي انك تصارحيها بكل اللي يدور في خلدك حتى ما يكون بينك وبينها اي غموض وحاولي انك تحسسينها انك واااااااااااااااااايد متضاقة من اللي صاير بينكم ... حرام انكم تخسرون بعض وعلى شنو عااااااااااااد لازم الصديقات تكون صريحة مع بعضها عشان تظل الصداقة مستمرة .

وتمنياتي لك اختي التوفيق .

اختك ( حلم المستقبل )