بنات الله يجزاكم خير خير ... أدخلو وساعدوني

السلام عليكم ورحمة الله وبركاته

انتى لو تشدي حيلك وتدورين هنا وهناك راح تلاقين الي تبينه بالمنتدي

بس وش تقولين بالكسل مو مشكله الي قريته هنا انك تاخذي السدر مع

كميه من الروب(الزبادي) وكميه من الزيت زيتون وكميه من اليمون

وتحطينه على جسمك لين ينشف بعدين تفركينه بيدك وتغسليه وشوفي

النتيجه انا استخدمته مرتين بس احس في شي متغير فينى شويه بياض

شوفي انا مااحدد الكميات احط على البركه انتى حطي لين تصير الخلطه

مو ثقيله ولا خفيفه بس اذا مثلا صارت خفيفه زيدها سدر اذا العكس زيديه

ليمون او روب

تقبلى تحياتى

الصامله :up::up::up:

مشكوووووور يالغاليه الله يسعدك ويفرج لك كل كربه وينور وجهك بنور الأيمان

ماقصرتي ياحياتي مع انك قلتي عن كسووله بس مو مشكله :D2

عشان لي مصلحه عندي ابسكت :D2

على فكره صامله وش معنى أسمك وهو أسم مستعار من خيالك او هو أسمك الحقيقي

لان معنى كلمه صامله عند أهل حايل والقصيم لها معنى حلوو عندنا

نقوول فلانه بنت صامله وفلان ولد صامل اي محافظه على الصلاه والشرف

صفه صامله عندنا ماتطلق الا على المحافظ على الصلاه والشرف :D2

ماتحسون اني دخلت بموضوع ثاني غير موضوعنا :D2

وبعدين ليش ماعبرني غير صامله ..؟؟

وين الباقين ؟؟؟

ليش مايردون ؟؟؟

لايكون زعلانين مني ؟؟؟

بنات وش فيكم ترا ولله ماتسوى علينا كلها كم كلمه الي بتكتبونها لي

ردوو لا تطنشوون

انتظر ردودكم وتجاربكم عشان نستفيد

تحيا1111111تي
ريمونا

مشكوره على دعائج

بالنسبه لاسمى معناه انه الشخص صامل على شي

ادري مافهمتى بس شلون افهمج انه ثابت في رايه يعنى يصمل معاكي

لاخر شي مدري وصلتها والا لا

ريمونـــــــا

انا دخلت بس علشان أقولتش انه كلامتش عسل والله وشكلتش اني بعد عسل ... والله ضحكتيني:D2:D2:D2:D2:D2

تضحكين شهاده

واتقبلها منك بسه صدر بس صح كلامى لما صعدت له يضحك يعنى من

حقج تضحكيين انتى قلتيلي عسل انا شقولج ايييييه انتى قشطه

المراعي شعليه احسن نوعيه من القشطه

ايه عرفت وش معنى صامل عندكم ياصامله يعني مثلا ... مثلا .. ابي اضرب

لك مثال عشان افهمك اني فاهمه ... مثلا ...

مثلا انا قلت يبه طفشانه ودي نتمشى او اقول ودني السوق ..

يقول ابوي مافي سوق ... انطقي ... عاد اقوول انا يبه تكفى ودي ضروري

يقولي ابوي .. اقولك اطنقي ونثبري مافي سووق اذا مظطره روحي

أشري من بقشه ( بقشه اي بسطه ) أم سعيد .. اقوله بصراخ يبه

ودنييي ..عاد يقولي تبين تسكتين انتي او بالفنجال على جبهتك

عاد انا أقول يبه ودني او ترا ابصيح ولجكم بصياحي ... يقولي ابوي

صيحــــــي الين تشبعين الحمد لله ان البكاء والصياح ببلاش موب بفلوس

:confused: :confused: :confused:

أصرار ابوي على موقفه يسمى صامل بالعامي ... صح ؟؟

اقوول شهاده .........

شهاده بالله قربي شووي .... قربي وهاتي اذنك اليمين ابمصعهااا :D2

ليش ماقلتي لي شلون استعمل السدر صحيح ان الغاليه صامله ماقصرت

بس برضوو أطمع انك بعد تزيديني ....

تعالي قربي أذنك عشان غير هالمره ماتتعودينهاااا :D2

ترا امزح عليك شهاده حتى لو مازدتي على كلام صامله شي يكفي

تشريفك يالغاليه لي موضوعي ... تشريفك نور متصفحي

<--- يااهي تعرف تحكي وتجامل هالبنت

الف شكر لك يالغاليه على المرور

وتمنى البنات الباقيات مايقصرون معاي

تحيا11111111تي

ريمونا

أأأأأألف شكر لك فدائيه على المرور

والحمد لله على السلامه ... اذكر ان أخر مره قريت لك مشاركه يوم كنتي حامل وكتبتي موضوعك تقولين انك حاسه بالطلق وتبغين تروحين للمستشفى .... بشرينا يالغاليه عن صحتك وصحه المولود ... وش طلع المولود قمر ... او بدر قصدي بنت او ولد

تحيا111111تي

ريمونا

[c] [/c]
[c] السلام عليكم [/c]
[c] [/c]
[c]
ريمونـــــــا

بالنسبة للخلطة اللي تبينها اشوف الخوات

ما قصرن معاج ولكن ليش العبالة؟

استعملي الملح الخشن في تنظيف الجسم

وبتشوفين نتايجه ان شاءالله :)

لا تنسين تدعيلي :D2


؛؛؛؛ عطر االامارات ؛؛؛؛ [/c]
[c] [/c]
[c] [/c]

انا شفت بالمنتدى

هني

وصفه

انه السدر يخلطونه مع روب و يحطونه على الوجه و يصير :up:

صدق يا عسل (ريمونـــــــا)
انا نسيت من كثر الضحك على اسلوبتش الحلو اني اقولتش على الوصفه الى عندي سامحيني ياعسل انا اللحين تذكرت اني ما كتبت.....:D2:D2

المهم الوصفه خذيتها من وحده من بنات المنتدى الغالي ....
سوي هالقناع يوميا ((لازم يوميا))
شوية سدر مطحون
+
ماء

مافيه مقادير معينة لكن ضيفي الماء شوي شوي وبالتدريج الى ان يصبح قناع ثقيل

اتركيه 10 دقايق او اقل للبشرة الحساسة ثم اغسليه جيدا بالماء الدافئ بعد ماتزيلينه حضري هالقناع فورا

2 م ك حليب ابو قوس بارد
+
قطرات ليمون تقريبا م ص

ويترك الى ان ينشف ثم يزال بالفرك الدائري ثم يغسل الوجه جيدا ويشطف بماء الورد


اتمنى اكون افدتش ... وسووووووووووووري عسل

وعلشان غلاوتش هذي مشاركه ثانيه بش انا ما جربتها بس حبيت اقولتش عنها

(مرحبا يا اخواتي
عندي لكم وصفة، انا جربتها شخصيا،صدقوني تراها وايد مفيدة، انا فيني حب شباب وطبعا مرات لما تروح الحبة تبقى بقعة بنيه، عاد خصوصا اسفل الخدود طبعا لان هذا المكان دايما يتغطى بالشيلة، المهم ما خليت مستشفي ولا دكتور جلدية ولا دواء ، وقبل ثلاثة اسابيع، امي قالتلي ان صديقتها قالت لها خلي بنتج تستعمل روب وسدر وتخلطهم في الخلاط مع بعض وتحطهم على وجهها نص ساعة ، ومع المداومة عليه كل البقع بتروح وبتكون بشرته حلوة .
صدقوني يا بنات صارلي استعمله ثلاثة اسابيع وبعض البقع راحت وبعضها فتح لونها يعني بتروح قريب.
انا الحين قاعدة اكتب لكم وانا حاطة الخلطة بوجهي.)

شهادة
اشكرج حبيبتي ماشاءالله عليج ملمه بالخلطاااااااات :clap:

بـــــــــــنت المتنبي

شهـــــــــــاده الغاليه

فاطمه

الف شكر على مروركم والله يعطيك العافيه يالغاليه بنت المتنبي على المعلومه

ونتي ياشهاده الف الف الف شكر وربي مو عارفه كيف أشكرك على أهتمامك بالموضوع والله لايحرمني منك يالغاليه

تيحا11111تي

ريمونا

استبدليها<<<متأثره بالمطبخ الصحي:D2
بدل الصابون<<<<<ابجننننننك:D2:D2:D2
يعني خذي نص ملعقه صغيره وزيدي عليها ماء
واخلطيها..راح تطلعلك رغوه ..واغسلي وجهك
كل صباح..
وتحياتي