الحصول على شعر جميل

السلام عليكم بنات.. إشلونكن؟؟

في حنايه هنديه تخاف الله و أنا واثقه من كلامهه.. وأعرف و الله أعلم إن هي ما تكذب..

المهم.. سألتهه من باب الفضول عن سر شعورهم الطويله و الغليظه و أي زيت تستخدم.. قالت لي الحقيقه اللي كلنه ما نبي نعترف إبهه وهي إن شعورهم من الأصل جذيييييييييه, نعمه من الله النعومه والشعر عندهم يطول في الإسبوع ذراع <ما شاء الله> .. بس خبرتني عن وحده من أهلهه كانت زايرتهه الخليج من قرابة السنه, تقول إن شعرهه قصير و منتف و مقصف وحالته حاله< بالنسبه لشعرهه طبعاً> وآنه صكيت شيلتي عدل لا تقول شي. . تقول إن السنه هذي ردت زارتهه و الشعر فرق السمه و الأرض, الطول والغلظ و اللمعه.

ما أبي أطول عليكم السالفه..

تقول إن قريبتهه إستخدمة < زيت تاتا + بياض البيض+ قطرات ليمون> تخلط مع بعض و تخليه في راسهه 2 إلى 3 ساعات.. وتغسله عادي بالشامبو.. وما تستخدم زيت ثاني غيره, و هالعلاج داومت عليه سنه كامله.. و النتيجه على كلامهه شعر تتمناه كل بنت