من تخبرني عن محلات إلينا بدبي

السلام عليكم ورحمة الله وبركاته

شخبارج رانيا واشلون الحمل وياج انشاء الله تمام. شوفي اختي انا سمعت عن محلات ألينا سكر بس بعدني ما زرته. اللي اعرفه ان المحل اصله لبناني ومفتوح من 25 سنة وصارلهم تقريبا 3 اشهر فاتحين محلهم بدبي وعندهم تقريبا 12 ماركة مختلفة لمستلزمات البيبي وعندهم تنوع في الالوان والاسعار مناسبة للجميع وكل هذي الماركات مثل ما هم يقولون تتميز بانها طبية عشان تحمي البيبي بس ما ادري اذا ممكن يسوون توصيل للبحرين بعطيش الرقم واتصلي فيهم

الموبايل 00971504659835 او 0097142667744

السلام عليكم ورحمة الله


بصراحة اول شيء بقولج ام زوجك ذوقها والله راقي لاني زرت المحل من يومين حبيبتي والله عندهم مفارش حلوه تخبل .....وتعرفين انها راقية مب حيالله مثل بيبي شوب او مذكر كير اعلى عن مستواهم ......مب قصدي الاساءه بس عشان اوصلج المعلومه صح ....وعطوني كتلوجاتهم .....ما عندي سكان ولا جان راويتج .انزين فيه منزات حلوه والله هيه شويه يمكن تكون غاليه يعني في حدود2000 درهم وفوق بس اتحسين انها تستاهل وتعمر عند الين 5 سنوات ممكن البيبي ينام فيها .وفيه طبعا احجام اصغر بس ما سالت عن اسعارها .

تعرفين يالغالية رانيا عندهم حتى الابجورات ...واااايد حلوه والشنط اللي تحطين فيها اغراض البيبي وفيها قطعه خارجيه تقدرين تبدلين عزج الله حفاظ البيبي عليها سعرها بتقريبا 355.

عنوانهم ديرة في شارع بور سعيد الغاليه حتى انا تراني حامل وهذي اول مره ومهتمه بهذي الاشياء فلا تبخلين عليه بالمعلومات عن البيبيات

واتمنى ان انكون اصدقاء :shy:

يا ليت يا بنات تتعاونون

يامرحبا بك ياأخت طمطومة، أسعدتني مشاركتك وإنشاء الله نتعاون آنه وأنت وكل البنات علشان البيبيات الحلوين، الله يقومنه بالسلامة ويرزق كل من يتمنى..
إنشاء الله شريتي من عندهم حاجيات حلوة، بس عن الكاتلوج ماعندك فكرة لو طلبته بالبريد يرسلون لي وله لا؟؟؟؟


الأخت فوانيس .... أسعدني مرورك وإنشاء الله نتعاون لما فيه مصلحتنا.

حبيبتي انا باجي دبي بعد شهرين وحابة تعطيني عنوان المحل بالتفصيل لاني مادل وايد في دبي

حبيبتي أم ياسمينا آنه من البحرين مو من الإمارات، بس كنه شايفين المحل بالتلفزيون بس مثل ماذكروا الأخوات هو في ديرة بشارع بورسعيد، بس ماعرف بالضبط وين، لأن أهلي بالشارقة وعارفة أماكن كثيرة فيها ومنها محل الطفل Baby Shop بس بدبي ماعندي فكرة، ساعدوها يابنات...

هلا الغالية رانيا

ما عندي فكرة عن المحل اللي في بور سعيد؟
الغالية محل إيانا أظن في مركز الغرير

لأنه قبل العيد أخذت لأولادي ملابس من عندهم

و الماركة إيطالية و أسعارهم كانت متوسطة

يعني مب غالي و لا رخيص

لأنه الأسعار كانت أسعار مهرجان دبي

فهل هالمحل اللي تقصدينه و لا لأ؟

و أعتقد يبيع ملابس للبيبي و أغراض

بس ما ركزت إلا على ملابس الأولاد من عمر 3 سنوات و طالع

و أنا في الخدمة

:smile:

الأخت فوانيس، مادري يمكن تقصدين محل ثاني، بس الأخت طمطومة قالت أن المحل في ديرة، شارع بورسعيد وأن هي زايرته.

يمكن تشابه في الأسماء أو فرع آخر لهم، خبرونا يابنات...

صبرج علي يا رانيا:o

إن شاء الله أشوف شو سالفة محل إيانا:rolleyes:

و أرد لج خبر:up:


(u)

المحل اللي أنا أقصده هو

إيانا(a)

و

ألينا

غير:o

ما عندي فكرة عنه
بس اتصل فيهم و أسألهم

:up:

هلا (u)رانيا(u)

إتصلت بالمحل

و تشعجت أزوره أنا و أختي لأنها حامل

و عندهم مستلزمات البيبي من الولادة إلى 5 سنوات

و كل الأسعار عندهم

و على البريد بيطرشولي الكاتالوج

و إذا وصل بحاول أنزل بعض الصور


:up:


:smile:

اعتقد ان المحل بعد وكالة هايونداي اعتقد اني ماره عليه
وهو في شارع بور سعيد

بالضبط يا عيون وساع

إن شاء الله في أقرب فرصة بزوره



:smile:

مشكورة يافوانيس، على أهتمامك بالموضوع، وإنشاء الله يوصل الكاتلوج وتنزلين الصور، وآنه حابه آعرف كم يكلف لو طلبت نقل للبحرين...

رانيا(u)
تقصدين نقل للأغراض بعد ما تختارين؟؟

(u)

أيوه ياأخت فوانيس، يعني لو كنت أريد أن أشتري السرير والخزانة وسطح التبديل مع الستارة وباقس المستلزمات من نفس القماش، كم يكلفني نقله للبحرين....

الغالية على حسب شركة الشحن

عندج بالإمارات
بريد الإمارات
أسعاره زينه بس البضاعة تتأخر اشويه

و عندج أرامكس
شركة خاصة بس ممتازة و سريعة و أغلى من بريد الإمارات

هذي تجربتي شخصيا معاهم


:up:

رانيا حبيبتي(a)

وصلوني الكاتالوجات:smile:

جنان :cool2:

كل شيء يجنن

بإذن الله أرتب الصور و أكبرها و أنزلها في موضوع أغراض البيبي