السلام عليكم بنات.. شخباركم كلكم.. ان شاء الله زينين وطيبين.
اقول لكم مشكلتي وياريت تجاوبوني عليها.. ومسامحه لأن اسلوبي في الكتابه وايد زفت.. الله يهدي معلمه العربي.
المهم.. مشكلتي تكمن مع الوالد.. لما كنت صغيره كنت احبه واموت فيه.. لما صرت 13 سنه كانت علاقتي معاه طبيعيه.. لما صرت 17 سنه بديت اكرهه.. ولما صرت 19 سنه وعشان كلمه سمعتها من لسانه وتصرفاته الرهيبه صرت احتقره.. واليوم سمعت كلام من شخص كنت اتمنى تنشق الأرض وتبلعني.. لي الحين عاجزه عن تفسير المشاعر اللي احملها لهذا الوالد المحترم.
اتخيلو بنات.. انا تعرفت على شاب لما كنت اتدرب في شركه وهو يشتغل هناك والتقيته بالصدفه وهو اللي قال لي انه يصير ولد عمتي وهو اكبر مني بشهرين.. وصادف ان زواج بنت عمي وهو ما يدري وعطاني رقمه وقال اتصلي قولي لي وين الزواج وانا بس طرشت له مسج..وبعدين دق علي مرتين او ثلاث مرات كلمني عادي لأنه ولد عمتي ومثل اخوي.. اليوم اتصل وانا كلمته تخيلو.. يقول لي ابوج كان في بيتنا امس وكان يقول لي متى بتتزوج وانا ما رديت عليه.. بعدين قال لي اذا تبي ترى احنا حاضرين وبعطيك اي وحده من بناتي خذها هي بعباتها....
انا طبعا صرت جذي:o و :rolleyes: و :eek2: وبعد ما استوعبت الموضوع صرت جذي :confused: :confused: :confused: :confused: :confused:
وما قدرت ارد عليه.. بس قلت له ان صار لي 6 اشهر ما كلمت ابوي ولا ادري عنه ولا شي لأنه بصراحه كان يلمح ان انا اللي قايله لأبوي عنه.
يالله.. كنت اتمنى تنشق الأرض وتبلعني ولا اصير في هذا الموقف.. شنو رايكم بنات؟ شنو اسوي؟ قولو لي اي شي يصبري او بنتحر.
بذمتكم في اب يرخص بناته لهذا المستوى؟ كاني قاعده عله على كبده وهو والله صار له 6 اشهر ما شافني ولا حتى يقدر يفرق بيني وبين اختي التوام.من حقي لين كرهته او لأ؟
مو من حقي لين انقرف من كلمه "ابوي"؟؟
z
14-02-2004 | 02:33 AM
ا
14-02-2004 | 03:01 AM
اقول لكم مشكلتي وياريت تجاوبوني عليها.. ومسامحه لأن اسلوبي في الكتابه وايد زفت.. الله يهدي معلمه العربي.
المهم.. مشكلتي تكمن مع الوالد.. لما كنت صغيره كنت احبه واموت فيه.. لما صرت 13 سنه كانت علاقتي معاه طبيعيه.. لما صرت 17 سنه بديت اكرهه.. ولما صرت 19 سنه وعشان كلمه سمعتها من لسانه وتصرفاته الرهيبه صرت احتقره..
اولا ياختي ليش مره تحبينه ومره تحتقرينه ومره تكرهينه.....مهما تعددت الاسباب فهو ابوك
وثانيا بالنسبه لزواجك انت فاهمته غلط انا متاكده انتي مادخلتي قلبه عشان تعرفين ليش سوى جذي وليش ماتسالينه
وصدقيني البعض من الابا يعتقد انه اللي يسويه من مصلحت بناته ويمكن ابوك معتقد جذي وقال الرسول وبصراحه ماني حافظه الحديث ولكن معناه التمس لاخيك(70)عذرا فمابالك ابوك
حاولي تفهمينه
المهم.. مشكلتي تكمن مع الوالد.. لما كنت صغيره كنت احبه واموت فيه.. لما صرت 13 سنه كانت علاقتي معاه طبيعيه.. لما صرت 17 سنه بديت اكرهه.. ولما صرت 19 سنه وعشان كلمه سمعتها من لسانه وتصرفاته الرهيبه صرت احتقره..
اولا ياختي ليش مره تحبينه ومره تحتقرينه ومره تكرهينه.....مهما تعددت الاسباب فهو ابوك
وثانيا بالنسبه لزواجك انت فاهمته غلط انا متاكده انتي مادخلتي قلبه عشان تعرفين ليش سوى جذي وليش ماتسالينه
وصدقيني البعض من الابا يعتقد انه اللي يسويه من مصلحت بناته ويمكن ابوك معتقد جذي وقال الرسول وبصراحه ماني حافظه الحديث ولكن معناه التمس لاخيك(70)عذرا فمابالك ابوك
حاولي تفهمينه
s
14-02-2004 | 11:06 AM
هلا يا أختي ....
صراحة أنا فاهمة شعورك ومتفهمة الوضع إلي تمرين به ..... بس لا تنسيين إن هذا الوالد هو إلي تعب عليك ورباكي فلا تردين الإحسان بالإنكار والجحود يا الغالية لو فكرتي شوية ليش كنت تحبين الوالد يوم كنتي صغيرة و ألحين تغير الشعور تماماً يمكن تقدرين تجاوبين أسئلة ما لها حصر ..... المهم يا الغالية حتى و لو صار إن الوالد صار وما هتم فيكم ألحين لا تكوني ناكرة للمعروف وتنسين الأيام الحلوة معاه ..... صدقيني يوم واجهتي هذي المشكلة ما فكرتي بشي زين في الوالد كل إلي فكرتي فيه أشياء سلبيه ...... إذا كلمت الوالد وقلتي له إن تصرفه ضايقك وايد وتريدين إنه يوضح الأمر هذي مش مشكلة بس المهم إن أسلوبك يكون مأدب وفيه إحترام له عشان يسمعك.... و إذا إنتي تكلمين الريال قلي له إن أسلوب الوالد كان مو عايبش و إن هذا ما يمنع من الرفض له لأن القرار أولاً و أخيراً لش.... صدقيني كرهك للوالد ما بينفعك لا دنيا ولا أخرة ..( ولا تقل لهما أف ولا تنهرهما وقل لهما قولاً كريما) صدق الله العظيم....:smile:
صراحة أنا فاهمة شعورك ومتفهمة الوضع إلي تمرين به ..... بس لا تنسيين إن هذا الوالد هو إلي تعب عليك ورباكي فلا تردين الإحسان بالإنكار والجحود يا الغالية لو فكرتي شوية ليش كنت تحبين الوالد يوم كنتي صغيرة و ألحين تغير الشعور تماماً يمكن تقدرين تجاوبين أسئلة ما لها حصر ..... المهم يا الغالية حتى و لو صار إن الوالد صار وما هتم فيكم ألحين لا تكوني ناكرة للمعروف وتنسين الأيام الحلوة معاه ..... صدقيني يوم واجهتي هذي المشكلة ما فكرتي بشي زين في الوالد كل إلي فكرتي فيه أشياء سلبيه ...... إذا كلمت الوالد وقلتي له إن تصرفه ضايقك وايد وتريدين إنه يوضح الأمر هذي مش مشكلة بس المهم إن أسلوبك يكون مأدب وفيه إحترام له عشان يسمعك.... و إذا إنتي تكلمين الريال قلي له إن أسلوب الوالد كان مو عايبش و إن هذا ما يمنع من الرفض له لأن القرار أولاً و أخيراً لش.... صدقيني كرهك للوالد ما بينفعك لا دنيا ولا أخرة ..( ولا تقل لهما أف ولا تنهرهما وقل لهما قولاً كريما) صدق الله العظيم....:smile:
ح
14-02-2004 | 11:33 AM
بسم الله الرحمن الرحيم
بصراحة أختي zishto في أبوه وااااااااااااااااااايد بهذي الطريقة ما عندهم طريقة تعبير صحيحة :down: وأحياناً كثيرة يخلونك :o من تصرفهم بس يمكن مو عن قصد تعرفين إسلوبهم مثل ما نقول ( دقة أديمة ) يعني لا تاخذين عليه مهما يكون هذا الوالد ومثل ما في يوم من الايام أحرجك لا تنسين أن يوم من الأيام بعد أنقذك وصدقيني إذا حاولتي تبررين له في قلبك تصرفاته أكيد ما راح تكرهينه لهذي الدرجة .
وحاولي تنقلين له إعتراضك على تصرفاته بطريقة ما تسيئ له كأب وكرجل أو تخلين الوالدة تنقله على لسانك إذا ما تحبين تناقشينه وتقول له إن هذي المواضيع حساسه وما له داعي يتكلم فيها مع أي أحد حتى لو كان قريب لك .
والله يسوي اللي فيه الخير ويهدي سرك يااااااااااااااااااااااااااااااااااااارب
اختك ( حلم المستقبل )
z
14-02-2004 | 04:37 PM
الغاليه.. ليش كنت احبه وبعدين اكرهه.. لان لما كنت صغيره كان يعيش معاي وكنت مستانسه ان عندي ابو على الرغم اني كنت نادرا ما اشوفه.
لما كبرت شوي ابوي ترك البيت وطلع وانقطعت علاقته فيني بالمره.. اللهم يطرش لي مصروف كل بدايه شهر.. وحتى لو شفته في بيت امه بالغلط وصار بينا كلام الشي الوحيد اللي يعرف يقوله هو تهزيئي وانتقادي ومقارنتي بفلان وعلان وخواته نفس الشي وهو ما يرد عليهم. هذا غير الحش فيني 24 ساعه عند اللي يسوى واللي ما يسوى.. وانا ساكته ومحترمته ولا عمري قلت له كلمه تزعجه او تزعله ولا عمري تكلمت من وراه..
وطبعا هالشي اللي سواه مو لمصلحتي.. هو عمره ما فكر فيني ولا يعرف متى تخرجت او متى اشتغلت او متى اي شي.. الحين بعد هالعمر جاي يفكر في مصلحتي؟ ما اعتقد
شاين ستار.. حلم المستقبل..شكرن على الرد و الحمدلله انا مو ناكره للمعروف ومحترمه ابوي لأبعد حد.. ومستحيل اكلمه في هذا الموضوع ولا في غيره لأنه ينقرف اذا يسمع صوتي.
لما كبرت شوي ابوي ترك البيت وطلع وانقطعت علاقته فيني بالمره.. اللهم يطرش لي مصروف كل بدايه شهر.. وحتى لو شفته في بيت امه بالغلط وصار بينا كلام الشي الوحيد اللي يعرف يقوله هو تهزيئي وانتقادي ومقارنتي بفلان وعلان وخواته نفس الشي وهو ما يرد عليهم. هذا غير الحش فيني 24 ساعه عند اللي يسوى واللي ما يسوى.. وانا ساكته ومحترمته ولا عمري قلت له كلمه تزعجه او تزعله ولا عمري تكلمت من وراه..
وطبعا هالشي اللي سواه مو لمصلحتي.. هو عمره ما فكر فيني ولا يعرف متى تخرجت او متى اشتغلت او متى اي شي.. الحين بعد هالعمر جاي يفكر في مصلحتي؟ ما اعتقد
شاين ستار.. حلم المستقبل..شكرن على الرد و الحمدلله انا مو ناكره للمعروف ومحترمه ابوي لأبعد حد.. ومستحيل اكلمه في هذا الموضوع ولا في غيره لأنه ينقرف اذا يسمع صوتي.