ممكن مساعدة فورية

السلام عليك
يبنات فى مثل يقول من طمع طبع :confused:
اسمعوا قصتى وعساها تكون عبرة لكم
يبنات انا الصراحة لوني برونز مائل للبياض جسمي مع وجهي كلهم لون وأحد

وكان الكل يحسدني على الشئ هذا ويسألوني بالأخص عن وجهي كل ما تشوفني وحدة تقول أنتي شنو تستخدمين لوجهك صاير حته وحدة كله لون واحد ومورد
وهنا صارت الطامة الكبرى وصارت أختكم تبحث عن أجود انوع الكريمات هدا طبعا غير الدهانات الطبيعية والطع بوجهي تفكير مني بحماية بشرتي من أثار الزمن والكبر صرت استخدم كريم اليل وكريم النهار وكريم الحماية من الشمس غير انواع التونك والميلك والصابونات وعساني ما أقرا شئ بالمنتدى أروح جري اشتريه واستخدمه ويوم بعد يوم بشرتي من سيئ لأسوء تدرون ايش الي صار وجهي تعرفون خطوط الحمل الي تطلع بالبطن طلعت بوجهي بس لونها اسود غير البثور والنمش والرؤس السوداء والزيوان والله العظيم اني ميته قهر
أكيد بتسألوني ليش مادهبتي لطبيب جلدية لاني عارفة ان الخطوط هدى ما بتروح
يعني لو أنا حمدت ربي على النعمة الي أنا فيها ولا أسرفت على نفسي وعلى زوجي كان الحين انا بخير

الحين ابيكم تقولون لي فى ايش نفعتني الكريمات والماركات غير انها دمرت وجهي ونفسيتي بعد ماكنت اجمل الجميلات صرت أقبح بشر


والله العظيم اني نادمه ولا كتبت الشئ هدا الا عشان تأخدون من عبرة

صح الكريمات لراح تعطيك نتيجه حلوة بالاول بس بعدين راح تندمين




وسلامتكم


يريت بالمرة الي تعرف شنو اقدر اسوي لتشققات الي بوجهي تفيدني الله يجزيكم خير عني