محتاره في الوان غرفتي

اذا اخترتي السيرميك بلوون محايد بيكون طبعا اسهل لج عشان تختارين اللون اللي يعجبج حق باقي الغرفه..بصرااحه انا واايد احب اللون البيج..احسه راقي ومايقدم يعني تخيلي سيراميك بيج مع صبغ بيج وسبوت لايت وغرفه خشب وسجاده صغيروونه..بس انتي تبين شي طفولي فممكن تسوويين اللون الوردي بدرجتين..درجه غامقه في النصف السفلي ودرجه فاتحه في النصف العلوي طبعا ممكن السفليه تكووون اغمق بوايد من العلويه بس بشرط انج لما تنسقينهم مع بعض اتحسيين ان التون مال لونهم واحد..وتحطين بوردر (شريط حائط)بين اللونين على ان يكوون السيراميك البيج الميل للوردي...وانتي وشطارتج...على فكره ..ترى الاصفر والازرق الوان ملكيه خصوصا اذا اخترتي اللون الاصفر الغني والكحلي الغني....)وانتي حسب مافمت تبين نفس غرف الاطفال..ممكن تختارين الليموني مع الرمادي الفاتح بس في هالحاله يتتقيدين بنوعيه الاثاث..او مثل ماقلتيالليموني بس مع الازرق الفاتح وتحطين في هالحاله السقف على شكل سما وسيراميك بيج او ابيض او خشب..بتطلع قريبه من غرف الاطفال..بس مثل ماقلتلج الوردي واايد بيصير حلو ومثل غرفالاطفال بس حاسبي في اختيار درجات الالوان اللي بتنسقينهم مع بعض:))

مشكوره sh على الرد
صراحه شجعتيني على الاصفر والازرق
تدري لقيت سيراميك في عدة الوان مدموجين مع بعض وهو الابيض وللازرق والبيج
اظنه ينفع مع الازرق والاصفر
وابغى اراء ثانيه

بصراحه أذا حابه تكون الغرفه بناتيه أنصحك بألون هادئه

مثل الودري أوالبنفسجي أوالأزرق السماوي

وتدخلين عليها بيج أو أبيض

يعني ألوان فاتحه أما الأرضيه فتقدرين تختارينها غامقه

يعني مع الوردي والأبيض ممكن تدخلين أرضيه زرقاء أو كحليه أو رماديه

بس أذا حابه ألوان معينه طبعاً أختاريها عشان في النهايه هي غرفتك الشخصيه!

كاتب الرسالة الأصلية : نبض الحيارى

السلام عليكم ورحمة الله وبركاته

كنت ابغى اسوي بويه عاديه بس لونين يعني كل جدارين متقابلين لون
مثلا ليموني وازرق او بنفسجي وردي

بعدين ابغى اسويه البويه المعتق كمان قالو موحلو هذي غرفة نوم مو غرفة استقبال لازم تكون البويه هاديه

كمان نفسي اسوي رسومات بالسقف مثل سحب او ايش شي ثاني

هذي غرفه ملكيه لونها أصفر وأزرق والسقف أزرق سماوي:





وشوفي البنفسجي والأبيض في هذه الغرفه:

مشكوره اختي KiM على الرد
صراحه اللونين الاصفر والازرق مره حلو شكلي راح اسويه
بس ابغى صور اكثر
والوان اكثر
لانها هذي غرفه راح انام والعب فيها واسوي كل شي

الأزرق والأصفر


أوكيه

أولاً حاولي تستخدمي اللونين على أن واحد منهم رئيسي والثاني ثانوي

يعني على سبيل المثال أختاري الأصفر لصبغ الجدارن والثاني لبقية الديكور كلون للستاره مثلاً وبقية الأكسسوارات أو العكس

وأذا كان لون الحائط أصفر راح يناسب أنك تعملين السقف سماوي أذا حابه









وايش رايك مثلاً تعملين الستاره "كاروهات" أزرق وأصفر

وأنا أحس ان الكاروهات طفولي








وتحطين مخدات اللحاف بعضها مشجره أزرق وأصفر وبعضها كاروهات نفس قماش الستاره وبعضها ساده











وهذا لحاف أزرق وأصفر





هذا بناتي أكثر




وممكن تحطين على المساحه الفاضيه من الأرضية سجاده تجمع اللون الأصفر والأزرق





وهذي تصلح لغرفة بيبي :o





أو تدخلين على السيراميك قطعه فيها شكل بالون الأصفر والأزرق

أو أذا حابه تعلقين لوحات على الجدار تجمع اللونين








ممكن تستخدمين أبجورات مثل هاذي





أو هاذي




أما أذا حابه تحطين بوردر على الحائط ويكون بناتي طفولي في نفس الوقت حاولي تبحثين عن بوردر فيه فراشات بالون الأصفر والأزرق او بشكل قمر ونجوم مثلاً




و لو أستخدمتي اللون الأصفر للصبغ أبتعدي عن البوردر بالورود الزرقاء (لأن الورد الأزرق سيبدو غير طبيعي) لكن لو أخترتي الأزرق للجدران سيكون مناسباً ان ستخدمي بوردر بورود صفراء


وممكن بعد تستخدمين ورق الجدران بدل الصبغ






:o:o:o

أتمنى أن تجدي بعض الفائده من هذه الأفكار

السلام عليكم ورحمة الله وبركاته

هلا أختى الغالية اختيار موفق عزيزتى فعلاً اللون الأزرق مع الأصفر رائع جداً

وهذه الصوره تبن لج لون الأرضيه المقترح الذي يدخل على اللون الأزرق



وهذه صوة تبن لج اللون الأزرق مع اللون الأصفر وأفضل اختيار درجة أفضل من هذه الدرجة



وهذه الصورة أسفل تبين لج تناسق اللون البنفسجي مع الأصفر



وهذه صورة توضح تناسق اللون البنفسجي والون الأصفر بشكل أوضح



وطبعاً هذه الأختيار من اللون الأزرق والأصفر حلو بس أهم شي التنسيق
مثلاً خلي الغرفة بلون واحد اختاري أزرق السماوى أو الأصفر خليه الأصفر الجدار
والسقف خليه سماوى ووتقدرى والفرش خليه سماوى
والستائر أصفر على بيج

السلام عليكم ورحمة الله وبركاته

وممكن تطبيق هذه القاعدة في طلاء الجدارن الجوانب لون
على حسب اختيارك اذا ودك بأن يكون الأورق هة الغالب أو الأصفر



وهذه صورة توضح لج تدخيل اللون الأبيض في الأكسسورات مثل الستائر والفراش وحتى المنظر المنظر الى في الصورة الى فوق السرير ذهبي
والرسمة الى في المنظر يدخل فيها اللون الأزرق بشكل بسيط
ولأحظي لون الأرضية

ياحياتي عليك ي kim صراحه ماقصرت والله العظيم ماني داريه كيف اشكرك
الصور شدتني اكثر لللون
راح اسويه باذن الله رغم انه اختي تقلي قديم
لانها هي تبي تسوي خربزي واحمر يعني الجدران والسراميك كلها خربزي اما اباقي كله احمر من السرير للدولاب الى الستاير وكل شي
وابغى اسئل سؤال ايش البوردر ؟؟؟
واخيرا اشكرك مره ثانيه

مشكوره اختي نور الهدى على الرد الكثر من الرائع
فعلا فرحت بالصور وردودكم الرائعه
مااستغربها عليكم
الله يريحكم دنيا واخره
اليوم طيران راح اختار البويه والسيراميك
شكرا لكم
ومن عندها اضافات بليز لاتبخل علي

البوردر
الشريط الاصق في منتصف الجدار
يعني يطلع كأنه اسواره بالجدار..روعه هالشريط لو تحطينه
يخلي منظر الغرفه احلى
فيه الوان وأشكاااال فيه ساده وفيه كأنه بارزه الرسومات اللي فيه
كان ودي احط صور لكن الموقع اللي المفروض اخذ منه مقفل
وان شاء الله بوافيك بصور لما القى

مشكوره اختي ياتاعبني على الرد
ياليت لوعندك صور لاطارات حلوه ضعيعها هون

الصراحه البنات كفو ووفو ما شاء الله

:up:



انا بقول لج عن غرفتي

لونها بيج .. بس مو درجه فاتحه.. درجه متوسطه

ولون السجاد هم بيج

وطوفه وحده لونها بنفسجي متوسط

والأثاث بني محروق




ونصيحه اختي

اذا تبين تحطين لون داكن خليه في طوفة وحده بس

لان ممكن يعطي احساس بان الغرفة اصغر :pain:


والباقي خليهم لون فاتح


يعني ممكن تستخدمي الليموني مثل ما قلتي بس لـ 3 جوانب والطوفة الباقية تحطين ازرق داكن :up:

تشكري حبيبتي على الرد
فكرتك عجبتني

العفو عزيزتي نبض الحيارى

:smile:

وشكراً لأختي ياتاعبني على توضيح معنى البوردر

عزيزتي نبض

في هذه الغرفة لاحظي أن حائط واحد فقط مصبوغ باللون الأزرق وهو الحائط الذي يستند عليه السرير أما البقية فهي باللون الأبيض الذي يمكن أن تختاريه ليكون أصفراً ولو نظرتي في الصورة جيداً للاحظتي أن لون الستائر أصفر وكذلك الكمدينو وأطارات الصور أختيرت باللون الأصفر المذهب




وهذه غرفة باللون الأزرق والأصفر
لاحظي الصوفا الزرقاء صاير لونها الأزرق بارز وحلو على الحائط الأصفر
وكذلك الستاير شكلها حلو
وفي الستاير ممزوج مع الأزرق لون درجته بين الأزرق والبنفسجي
ولحاف السرير أبرز هذا الون المائل للبنفسجي




وهنا لاحظي لون الحائط اصفر لكن فاتح جداً والأرضية زرقاء

مشكوره اختي كيم على الرد
فعلا عجبتني الصور وتسلميلي
طيب ابسالكم
شفتوا برنامج بيج براذر الي في قناة 2
المهم لون الغرف عندهم حلوه وبطريقه رائعه بس ماادري هل هو ورق او بويات
المهم طريقه الجدار
مربعات وكل مربع بلون
درجات الازرق
ازرق غامق ويفتح الين الابيض
عجبتني الحركه ايش رايكم

السلام عليكم كيفكم ياحلوين

مششششكور على الصور

تجننن بس غرفتي لونها اصفر

ولون السرير بني ماني عارفة

كيف ازبط الغرفة يعني لون المفر

والسجاد مستنية ردودكم لا

تنسوني بليز ردي علية .....

الاصفر مع الازرق حلو لكن احسه ماينفع للبنات انا يعجبني اللون الاخضر الوسط الي مايكون فاتح اوغامق (طبعا يكون ساده موتعتيق) وتختارين غرفه النوم بلون ابيض اما المفرش يكون ملون فوشي تركواز اخضر روحي ايكيا وماتتعبين وخذي ارفف وحطي عليهاصناديق بهذه الالوان وانشالله تعجبكي الفكره

مشكوره اختي نور الهدى على الرد الكثر من الرائع
فعلا فرحت بالصور وردودكم الرائعه
مااستغربها عليكم
الله يريحكم دنيا واخره
اليوم طيران راح اختار البويه والسيراميك
شكرا لكم
ومن عندها اضافات بليز لاتبخل علي