بنات كيف تعتني بالشعر المملس
ر
07-02-2004 | 11:20 AM
بنات كيف تعتني بالشعر المملس:pain:
ا
07-02-2004 | 12:18 PM
عفوا اختي شنو يعني المملس ؟؟؟؟؟؟
ر
07-02-2004 | 12:26 PM
يعني الي عمل له تمليس او فرد:up:
ا
07-02-2004 | 12:38 PM
ممممممممم والله ماادري
اسفه حبيبتي مااجدر افيدج :(
ان شاء الله الي جربت التمليس وعرفت شلون تحافظ على شعرها تنفعج
اسفه حبيبتي مااجدر افيدج :(
ان شاء الله الي جربت التمليس وعرفت شلون تحافظ على شعرها تنفعج
s
07-02-2004 | 02:20 PM
السلام عليكم ورحمة الله وبركاته
للشعر المعالج كيميائياً
بما أن مواد تمليس الشعر وتجعيده تسبب تلف الشعر وتقصفه، إليكِ بعض الارشادات النافعة للعناية بالشعر المعالج كيميائياً
تجنبي غسل الشعر وتعريضه لهواء المجفف الكهربائي مدة أسبوع
لا تقومي بعمل تسريحات عالية ( الشينيون.. ولا تجدليه يعني تسوينه ضفيرة..) في أول شهر
اقتني شامبو ناعم للشعر وملطف قوي مع مراعاة عدم التسبب بترهله اغسلي الشعر عد اللزوم فقط
عالجي الشعر بحمام زيت مكثف اسبوعياً لترطيبه في العمق.
مشطي الشعر بنعومة خاصة عندما يكون مبللاً
ابعدي أدوات تصفيف الشعر من خلال الحرارة على الأقل 15سم عن الشعر مع الحفاظ على حرارة متدنية
اضيفي القليل من مصل السيليكون السيروم الذي يساعد في تنعيم الشعر ويضفي عليه لمعاناً جذاباً
اتمنى أكون أفدتك
تحياتي
للشعر المعالج كيميائياً
بما أن مواد تمليس الشعر وتجعيده تسبب تلف الشعر وتقصفه، إليكِ بعض الارشادات النافعة للعناية بالشعر المعالج كيميائياً
تجنبي غسل الشعر وتعريضه لهواء المجفف الكهربائي مدة أسبوع
لا تقومي بعمل تسريحات عالية ( الشينيون.. ولا تجدليه يعني تسوينه ضفيرة..) في أول شهر
اقتني شامبو ناعم للشعر وملطف قوي مع مراعاة عدم التسبب بترهله اغسلي الشعر عد اللزوم فقط
عالجي الشعر بحمام زيت مكثف اسبوعياً لترطيبه في العمق.
مشطي الشعر بنعومة خاصة عندما يكون مبللاً
ابعدي أدوات تصفيف الشعر من خلال الحرارة على الأقل 15سم عن الشعر مع الحفاظ على حرارة متدنية
اضيفي القليل من مصل السيليكون السيروم الذي يساعد في تنعيم الشعر ويضفي عليه لمعاناً جذاباً
اتمنى أكون أفدتك
تحياتي
ر
07-02-2004 | 02:37 PM
مشكووورة حبيبتي:clap::up:
ن
07-02-2004 | 10:54 PM
هلااااا اختي
بخصوص الشعر المملس :
بصراحه ولا مره ملست شعري ( مااحتاج لان شعري ناعم الحمدلله ) بس عندي الاهل ( خواتي ) دايما يملسون شعورهم كل 6 ولا 8 اشهر .
عندي ملاحظات للي تبي تهتم بشعرها بعد التمليس :
1 - ترك الشعر بعد التمليس فتره اسبوع بدون غسيل ( لين ماالشعر يدهن بنفسه ) .
2 - اهم شي اختيار الصالون بدقه واللي بتسوي التمليس لازم تكون خبيره بالشي هذا لان اي خطا بتكون نتايجه كبيره وخطيره .
3 - مهم عمل حمام زيت ولا حمام كريم للشعر على الاقل مرتين بالشهر .
4 - تزيت اشعر بنهايه الاسبوع ضروي .
5 - استخدام بلسم بعد الشامبو ( ترا هالنقطه مهمه لانه بدون هالبلسم مستحيل تقدرين تمشطين شعرج وبيكون متعقد ) .
6 - بما ان الشعر المملس يفرد الشعر وهذي نقطه ايجابيه بالتمليس بس له نقاط سلبيه وهي بنهاية الشعر بيكثر التقصف وبيكون الشعر باطرافه مثل الاشواك ( ولا فيه حيويه ) وبتكون اطرافه يابسه عشان جذي وانتي تسشورين شعرج لازم تلفين نهايته ( بالرول ولا بالقصدير ) وبعدين لما تفتحين هالفات ماراح يبين انج مملسه شعرج .
7 - لازم تقصين نهايه الشعر ( تواسينه كل فتره ) .
8 - في نقطه مهمه لازم ماتصبغين شعرج الا بعد فتره من التمليس ولا بيتساقط . بس لو مثلا كنتي حابه تسوين الاثنين مع بعض يعني تصبغين شعرج وتملسينه اول ابدي بالصبغ وبعد اسبوع ولا اثنين تقدرين تملسينه ( مو العكس ) ولاتنسين بكل الحالتين لازم تتركين شعرج فتره 4 ايام بدون غسيل لما يدهن ( التمليس على قولتهم يحب الشعر المدهن وحتى الصبغ ) .
هذي الملاحظات اللي عندي حاليا واتمنى اني اكون افدتج ...
تحياتي
نوارة قطر :smile:
بخصوص الشعر المملس :
بصراحه ولا مره ملست شعري ( مااحتاج لان شعري ناعم الحمدلله ) بس عندي الاهل ( خواتي ) دايما يملسون شعورهم كل 6 ولا 8 اشهر .
عندي ملاحظات للي تبي تهتم بشعرها بعد التمليس :
1 - ترك الشعر بعد التمليس فتره اسبوع بدون غسيل ( لين ماالشعر يدهن بنفسه ) .
2 - اهم شي اختيار الصالون بدقه واللي بتسوي التمليس لازم تكون خبيره بالشي هذا لان اي خطا بتكون نتايجه كبيره وخطيره .
3 - مهم عمل حمام زيت ولا حمام كريم للشعر على الاقل مرتين بالشهر .
4 - تزيت اشعر بنهايه الاسبوع ضروي .
5 - استخدام بلسم بعد الشامبو ( ترا هالنقطه مهمه لانه بدون هالبلسم مستحيل تقدرين تمشطين شعرج وبيكون متعقد ) .
6 - بما ان الشعر المملس يفرد الشعر وهذي نقطه ايجابيه بالتمليس بس له نقاط سلبيه وهي بنهاية الشعر بيكثر التقصف وبيكون الشعر باطرافه مثل الاشواك ( ولا فيه حيويه ) وبتكون اطرافه يابسه عشان جذي وانتي تسشورين شعرج لازم تلفين نهايته ( بالرول ولا بالقصدير ) وبعدين لما تفتحين هالفات ماراح يبين انج مملسه شعرج .
7 - لازم تقصين نهايه الشعر ( تواسينه كل فتره ) .
8 - في نقطه مهمه لازم ماتصبغين شعرج الا بعد فتره من التمليس ولا بيتساقط . بس لو مثلا كنتي حابه تسوين الاثنين مع بعض يعني تصبغين شعرج وتملسينه اول ابدي بالصبغ وبعد اسبوع ولا اثنين تقدرين تملسينه ( مو العكس ) ولاتنسين بكل الحالتين لازم تتركين شعرج فتره 4 ايام بدون غسيل لما يدهن ( التمليس على قولتهم يحب الشعر المدهن وحتى الصبغ ) .
هذي الملاحظات اللي عندي حاليا واتمنى اني اكون افدتج ...
تحياتي
نوارة قطر :smile:
ر
08-02-2004 | 09:25 AM
تسلمو عيوني :up: