الصراحه.. إن قلبك ما يبينــــي

الصراحه.. إن قلبك ما يبينــــي
وإن قلبـــي ما يبيك
وش نسوي..؟

عاد هذي قدرة الله
شي مكتوب عليه
وشي مكتوب عليك
لا تقولي: ظرف ويتغير في بكره
لا تقولي

والله في النظره أشوفه
حتى في مدة يديك
العواطف.. مرها فصل الخريف
وأصبحت دنيا هوانا
في طريق الوهم تمشي .. للنهايه
وفي ظلام العمر قولي : وش نشوف؟
الصراحه.. إن قلبك ما يبيني
وإن قلبي ما يبيك

اتركيني في حياتي
للي يكتبه النصيب
وانسي مره
ذكرى أمسي
لا تقولي: كان في الدنيا حبيب
صفحه في الدفتر وجاها
من محاها
وهذا ماهو بالغريب

الصراحه
إن قلبك ما يبيني
وإن قلبي.. ما يبيك