ابرة الظهر.

انا ما جربته بس مادري ما انصحج بها لاني سمعت انها تسبب شلل مؤقت

انا جربتها خلال ولادتي اللي صارت قبل ثلاث شهور لانه الطلق طول معاي كثير
ونصحتني بها الدكتورة علشان تقل معاناة الولادة
والحمد لله كانت مريحة بالمرة معاي
وفي النهاية ولدت عملية لانه الولادة تاخرت فابرة الظهر خففت علي وايد من الم الطلق
ولحد الان مافي اي مضاعفات ولله الحمد
وانتي وقرارك
بصراحة اي شي يخفي الم الطلق كنت مستعدة اسويه علشان كذه اخذتها

انا كنت ناويه اخذ ابره الظهر
و سألت الدكتوره الي اراجع عندها
قالت لي اذا تبينها بحولج على اخصائيه التخدير علشان تشرحلج عنها و تحجزين عندها
بس قالت لي نصحيه شخصيه مني لا تاخذينها لان اي غلطه بسيطه ممكن تسبب شلل نصفي و الخطأ وارد مهما كانت نسبته

و بصراحه انا خفت و قررت اني ما اخذها

شكراااااااااااااااااا لكم جزيلا...اختي عروس الشرق طمنينا عنك الله يخلييييييك...:o

حتى انا سألت الدكتوره عنها ومانصحتني فيها وقالت حكتبها في ملفك ونعطيكي اذا طولت ولادتك او تعسرتي ......

انا اسمع عنهااا..وايد ناس يفضلونها عشان تخفف الالم..بس لاحظي ان اي غلطه ممكن تسوي شلل لاسمح الله..اذا الكمبيوتر يغلط فمابالج بالانسان؟؟مابي اخوفج بس ابعد عن الشر وغنيله ..صج بتتعبين بدونها بس تعب دقايق ولا تعب اكثر من دقايق...انا اعرف ناس خذوها والحمدلله مشت معاهم وحبووها وايد بس قالولي ان بعد ماتخلصين ولاده بتحسيين بالم في الظهر والارداف ويمكن يتم الالم 1-3 ايام..على حسب كل وحده... اللي اعرفه ان اثرها يظهر عقب سنيين لانه يسبب الالام في الظهر...

انا اقوول اذا واايد مصممه على سالفة الابره, ليش ماتستخيرين والخيرة فيما اختاره الله..ومن بعدها توكلي على الله...اما اذا ماكنتي مصممه فابعدي عنها احسن...والله يسهل عليج ان شاء الله ويقومج بالسلامه

هلا الغالية lazozat2001
كيف الحال
إن شاء الله بخير
الولادة طبيعية ما تحتاج إبرة الظهر ابدا
لأنه بتأخر الولادة و بالتالي تتعسر و ممكن في النهاية يقررون عملية قيصرية

:up:


:smile:

انا بعد مانصحج ابهاا لانه الي استخدموهاا مامدحوهاا :down::down:

اختي انا جربت الابرة والحمدلله كانت مرررة مريحة وانصحك بيها...
لكن لازم لما يحطها الدكتور ما تتحركي ابدا ، انا الدكتور خلاني اجلس واحضن مخدة وانحني شويه على قدام .. والحمدلله دحين مافي اي مشاكل ابدا لا الم في ظهري ولا اي شي.. مع العلم انه انا كان عندي شوية مشاكل في ظهري وكل يوم اتهزاء من ماما لاني ما اجلس وظهري مسقيم :pain: .. اتاكدي انه الدكتور كويس واسالي عنه و اتوكلي على الله وبالسلامه..:smile:

وايدين الحين ياخذون ابرة الظهر .... واللي محطيه في بالها ما تاخذها واونه بتتحمل الالم صدقوني بتطلبها لانه هاذيج الساعه محتاجه اي شي يخفف عنها ..... الله يسهل علينا اجمعين ويخلينا ما نحتاج لا ابره ولا غيرها .....