قصــــــــ قصيده ـــــــــه...

:confused:

:confused:

:confused:

ليش قلبج يا بعد عمري حزين والله مو بلايق عليج هذا الزعل

يا حلاتج يوم انتي تضحكين افتحي قلبج وقولي وش حصل

من تجرء من قطف هالياسمين من حرمه الزين قبل لا يكتمل

منكسر قلبه وشعوره بكلمتين ويدري قلبه للعتب ما يحتمل

منهو ارخص قيمت الغالي الثمين ويدري انه في عيوني له محل

ومن يقول الحب ما يقطر حنين ومن يقول انه وسط قلبي ذبل

يالله قومي يلا لاتتكيسلين خلي حلمي وياج يوصل لي زحل

يالله قومي يلا لاتتشاورين خلي حبنا يكون للعالم مثل

قالت اصبر قلت انتي تامرين وطالعتني بعين يملاها الوجل

ولا إرادين ذرفت دمعتين وقالت ان الزين ابد ما يكتمل

قلت قوليلي ترى سرج دفين ما بخبر حد لو مهما حصل

بس دخيلج ما ابي هالدمع يبين مو بعشان شي بس والله ما احتمل

طالعتني وقلت لها شتطالعين مافي داعي للعواطف والخجل

هذا مو بوقته في ويهي تسرحين جاوبي احساس قلبي الي سال

قالت الشده بعد فترى تلين والفرح يقبل اذا باقي امل

والشقى لازم في يوم انه يهين والصعب ياتيه يوقت يكون سهل

قلت لها قوليلي ولا تلمحين ما احب اسمع كلام به جدل

قولي شالموضوع اذا انج تسمحين وخلي الخوف الي فيني يرتحل

قالت اهلي ساوموني بدرهمين وقررو انهم يزوجوني بعجل

يا خطبني شخص قدي مرتين ويابو الماذون والعقد اكتمل

وافقوا لنهم بماله طامعين وبالتجارة والمراكز والفلل

ليش لاء دام انهم الي رابحين يمكن انهم يطلعون بكم محل

قالت الحقني ومدي هاليدين ضاع فكري وطار من راسي العقل

من لي غيرك اشتكيله يالظنين عطني رايك عطني لو ذرت امل

صرت انا وياك ضمن التايهين والحزن في دربنا توه استهل

ليش يادنيا في ويهي تعبسين حظي المايل متى بس يعتدل

قالت تكلم ولو بس جملتين لاتم ساكت ترى وردي ذبل

قولي اي شي قول لو كلمتين وانت الي بس لامره امتثل

صدمتي كانت معاها صدمتين صدمتي كانت في هالمره دبل

كنت بسالها شرايج تملجين دام خذنا الدبله والحب اكتمل

ما نطقت بشي وانا ميت حزين والدمع من فوق وجناتي همل

قمت اشاهق ما ابي نوحي يبين جني خيل باعلى صرخاته صهل

قمنا نطالع بعض عين بعين ما تكلمنا الين الليل حل

قالت انطق لاتقول انزين انزين وانا ساكت والفرح عني رحل

كنت اضن احنى لبعضنا مكملين ما دريت ان الحظ عاند بالفعل

كنت انا وحدي في عالمها سجين وكنت اقول الحظ اخيرا اعتدل

قلتلها اذكر كلامج لين الحين يوم تقولين تراك احسن ريل

صحت فجاة وقتلها تتذكرين يوم كنا نخطط لشهر العسل

قلت عشاني قومي ولا تزعلين وارضي بالواقع ودام انه حصل

اسمج بيبقى في قلبي دفين والقمر لازم في يوم يكتمل

والله بفرح دام انتي تفرحين يالله قومي خلينا بعرسج نحتفل

وصعتني كف على الخد والجبين وقالت انت قاعد تكلم طفل

قلتلها وصوتي بنبراته حزين اوعديني هالزعل اخر زعل

لانه قلبج ينعرف يوم تزعلين والله مو لايق عليج هذا الزعل

ومهما ناديج ابد لاتجاوبين قصة الحب انتهت مات البطل

افترقنا بعد كل هذي السنين وللاسف حبنا في هالمرة فشل

انتهى مشوار احلى عاشقين كل في بدربا ولكن ما وصل

كل واحد ينسى مع مر السنين لكن الذكرى امرها مو سهل

لين اخر يوم في عيني تسكنين وصورتج تبقى مثل بدر اكتمل

في بعض الاوقات اقعد مستكين بس افكر لين يذبحني الملل

بالفعل قطفوا زهور الياسمين قطفوا الزهره قبل ما تكتمل


من قو له