أبي نصيحتكم تكفون

اختي غادي (اذا صح كتبته) شفت محد رد عليج قلت يالله انا ارد ولو اني اخاف احكم بهالاشيا لاني دايم اؤمن انه الواحد ما يقدر يعمم

شوفي حبيبتي معج حق صح الريال ما ينجبر ويقدر يسوي اللي يباه بس في ناس تخاف على مشاعر اهلها ومهما كان حبه لحبيبته لا بد يكون حبه لامه اكبر وانتي ما تعرفي شي من الامهات تخير الواحد بينها وبين اللي يباها فشو تتوقعي يختار؟ اصلا بيكون قليل اصل اذا ما اختار امه..... طبعا انا هنا ما اطلع اعذار لانه فعلا يمكن يكون يتحجج واعتقد صديقتج الوحيده اللي تقدر تحكم على هالشي من شخصيه الولد...

أهم شي انها سوت اللي عليها ومالها غير تقوله هذي انا في بيت اهلي واذا تباني تعال ولا ترمي روحها عليه ولا على اهله.... صح الالم موجود بس شو ممكن تسوي.... ترا اذا هو يتحجج فهو ما يستاهل وتحمد ربها انها تخلصت منه ... واذا هو صادق شاللي ممكن هي تسويه؟ ولا شي غير انها تسلم امرها لله بس اهم شي لا تكمل معه وتتركله الطريق مفتوح لبيت اهلها وبس... وعسى الله يهدي سرها وينولها اللي في بالها اذا فيه خير لها :smile:

:o

والله يمكن مضلوم الولد

فعلا اميه ما وافقت

تخيلوو لو قالت ازوجك بس ما راح ارضى عليك

والله يضرب الحب وسنينه

ادوس على قلبي لجل عيون امي بصراحه

لكن احاول اقنعها والأم قلبها حنين

بعدين انا والله العظيم والي رفع سبع سموات

إنه يبي يتزوج وحده يحبها وهي تحبه

ووعدها بالزواج

بس المشكله كلها في ابوه مو راضي يزوجه

يقله روح اخطب لوحدك يعني ابوه مو راضي على زواجته

وهو يبي يسويها بس عارف إنه محد راح يرضى به طالما ابوه

على قيد الحياة

يعني لا تضني إن كل شاب يقدر يسوي الي يبيه

في اشياء فعلا يقدر يسوي الي يبيه

لكن في اشياء مثل الزواج ما يقدر

الزواج ماهو لعبه

بس هو فهم البنت المووضوع والي صار فيه

وقلها تزوجي بس هي الي ماهي راضيه

تقله ما ابي اتزوج انا مع إنها جولها خطاب كثير

بس الواحد اش يسوي ما باليد حيله

:confused:

هذا رأيي وقصة شخص اعرفه

تحياتوووووووو

الســـــاهــــــــر

خلاص يالساهر لا تصيح والله العظيم مصدقينك :confused:

وربي حتى انا كتبتلها فوق انه محد بيختار حبيبته على امه بس هي بعد لا تضيع روحها... وعسى الله يوفقها

بس انت لا تصيح تراك غرقت مشكله البنت دموع :D2

باااااااااي

مرحبا

اختي الريم .. اشكرك في البداية لانك تفاعلتي مع مشكلتي ورديتي علي:confused: لان البنات ماعطوني رايهم

بس كلامك صحيح اكيد محد يغضب امه واللي يسويها مافيه خيراصلا بس انا اشوف ان مافي ام قلبها قاسي واكيد لو شافت الولد متعلق بالبنت ويبيها مارح تكسر خاطرة لانها مهما كان بتحن على ولدها ..

اما بالنسبة لاخوي الساهر .. اوكي ممكن ابوه مارضى ونفس الشي ينطبق على ردي للاخت الريم الاهل مارح يكسرون خاطر ولدهم ابد ..

اللي بقوله في الاخير انه لنفرض فعلا ماقدر يجبر اهله ويقنعهم اش ذنب هالبنت يوعدها ويعشمها بالزواج ويخليها تتعلق فيه موحرام .. طالما هو موضامن اهله ومومتاكد من ردهم ليش يوعدها هذا رأيي بصراحة اللي صار مايعفيه من الذنب طالما وعدها مفروض يكون قد المسؤولية ويتحمل الثقة اللي عطته اياها .. والا اشرايكم ؟؟

Ghadi

انا في البداية كنت احاول اخفف عنها بس سالتني سؤال حيرني قالتلي هل معقول فعلا احد اهله يمنعونه في ولد ينجبر في وقت هذا إذا كان البنت لو تمسكت في شخص وكانت تبيه اهلها مايقدرون يردونها فمابالك الولد صارت تقولي احسه يضحك علي وهذا بس كلام وحجة يقولها لي وانا صرت محتارة واتمنى مساعدتكم تتوقعون فعلا كذاب ومافي ولد ينجبر الحين او انه ممكن فعلا امه قوية وكلمتها ماشية وقتها اش الحل وشلون يقدر يقنعها ويخليها توافق ..

اتمنى ماتبخلون علي بالرد ولكم مني الف شكر وتقدير

ــــــــــــــــــــــــــــ

مستحيل اختي بزمننا هذا الام ترفض ,, بس ابي اقولك شغله
ام الولد ترفض لان البنات متروسين داخل البيوت ,, ولايمكن فيه ام
ترفض على ولدها الزواج ,, الا اذا كانت البنت موووو قد مقام تلك العائله ,,
اوكي ,,

السلام عليكم

شووفي عيوني:o

انا من راي انه مستحيل اي ام ترفض السعــاده للولدها

فلما ارفضت انه يتم الزواج بينهم اكييييد حيكوون فيه اسباب

عشان كذا الافضل من الولد والبنت انهم يرحوون لها ويستفسرون

منها عن اسباب الرفض:smile: .. لانه لازم كل شي في هالموضوع

يكون بالتفاهـــم :up:


تحياتي

أختي العزيزة ghadi...


شوفي أختي...المواضيع هذه بالذات حساسة كتير....يعني لو البنت تدخلت في الموضوع و كلمت أم الولد و استعطفتها...راح ترسم صورة سيئة كتير عند أهل الولد...


البنت تجلس في البيت معززة مكرمة...يجيلها الولد لحد عندها....


أما الولد...فهي مسؤوليته إنه يقنع أهله....مش مسؤولية البنت...إذا فعلا رايد البنت و عايزها يحاول بكل اللي يقدر عليه....و يستفسر من والدته عن السبب و يحاول يحله....


و إذا في النهاية صار رفض قاطع ( لو إني أشك لأن قلب الأم دايما يريد السعادة لإبنها ) ...يبقى خلاص....صديقتك ليس بيدها حيلة لفعل أي شيء...و الأمر يكون انتهى....


بمعنى آخر...أنه لا نصيب بينهما....و عليها أن لا تربط نفسها به أكثر من ذلك...


هي لا تملك لنفسها و له إلا الدعاء أن الله يجمع بينهما على خير...و خليها دايما تتذكر ( و عسى أن تكرهوا شيئا و هو خير لكم )


الله يوفقهم يا رب لما يحبه و يرضاه....




.................................................

القضية الثانية من أهم قضايانا : عزوف الشباب و الشابات عن الزواج..

اخواني واخواتي

وكل اللي ردوا علي بالموضوع وساعدوني باقتراحاتهم وآرائهم اشكركم جزيل الشكر وكنت عارفه مارح تخلوني بروحي في هالمشكلة استفدت حيل من نصائحكم وراح اقولهم لصاحبتي وان شاء الله ربي يعطيها على قد نيتها وييسرلها امورها

مرة ثانية مشكورين كلكم

Ghadi

مرحبا اختي Ghadi ..

حبيت ارد وافيدك اكثر من واقع تجربه ..

انا اختي ولد عمي يحبها ورايدها للزواج وما في شئ يمنع أبداً إلا موافقة زوجة عمي .. تخيلي لم قال لها انه يبي يتزوج الي يحبها قامت تبكي على شان تستعطفه .. وهو وافق على كلامها فترة بعدين ما قدر ..لان مافي مبرر .. لكن بعدها اختي رفضت لان ما تقدر تاخذه وامه مو موافقه ..وخافة من النتائج ..

وهي مبررها انها تكره امي مع انها هي طول عمرها هي الي ظلمت امي .. بس ما اقول إلا حسبي الله ونعم الوكيل ..

هدمت حياة ولدها بيدها ..!! .. يعني معقول في هذا الزمن في امهات يرفضون لشئ في نفسهم !!!!!!

.. بس اتمنى اني اكون فدتك بشئ ..

تحياتي ..

السلام عليكم ورحمة الله وبركاته

هلا أختي الـ ghadi

يمكن وايد تأخرت في المشاركة بس والله من فتره طويلة مادخلت المنتدى عشان الاجازة

كل عام وانتوا بخير.....

تعرفين الغالية وأنا قاعدة أقرأ قصة صديقتج حسيت كأنج تتكلمين عن صديقتي....

أنا كنت كاتبة قصتها في المنتدى من فتره!!!

سبحان الله الناس أجناس بس المشاكل والله وحده!!!

المهم صديقتي مرت بعلاقة حب قوية لمدة سنتين مبنية على هدف الزواج!! بس لنفس المشكلة أول جدته مارضت لأنه فسخ خطوبته من بنت عمه لأنه يريد صديقتي اللي يحبها!! وبعد فتره 3 شهور يمكن رضت جدته وطلعت أمه!!! أمه راضية على البنت بس مش راضية على سلوكيات الولد وانصدمت فيه أنه مو محوش فلوس للزواج!!

فردت عليه روح جمع فلوس وبعدين راح أخطبلك!!

اللي أمه ماتعرفه إنه هو مديون المهم صديقتي حالتها المادية ميسوره!!بس قبل الموضوع هذا هي كانت تساعده مادياً حتى لو ماكان يرضى!!

المهم كانت وااااايد تصير مشاكل ويبتعدون فترة إللين يوم العيد....

تخيلوا مااتصل فيها عشان زعلانين ولأنه اعتقد إنها هي إللي لازم تراضيه!!

اتصلت بعد العيد وقالت له خلاص أنا أريد أنهي كل شئ بيني وبينك وأي شي عندك يخصني رجعلي إياه!!

وهو بكل سهوله قال أوكي!!

ومن القهر قالت له أوكي مدام كل شئ انتهى ممكن ترجع لي فلوسي!! قال إنشاءالله!!

بس انجرح!! هو مضغوط وهي عارفه هذا الشئ!! بس قال لها إنتي ماقدرتي ظروفي وأنا كنت بفتح موضوع الزواج مره ثانيه بس لأنك حسستيني إنه الفلوس أهم شئ عندك وإنه علاقتنا علاقة فلوس!! هذا حقج بس خلاص كل شئ بينا انتهى!!

هو المفروض يرجع لها أغراضها اليوم بس هي غلقت موبايلها ومايقدر يوصل لها بأي طريقة!!

شو رايكم؟؟

قالت إنه راح توريه إنه الفلوس عمرها ماكانت همها!! واللحين ماتريدهم ولا تريده!!

بس والله الله يسامح الشباب يخدعون البنات حرام!!

صح الأهل إلهم ذنب شوي!! بس بعد هم السبب!!

ودايماً الضحية البنت!!

أول شئ قال أمه وتحت ضغوط المادة من طرف أمه أنهى الموضوع بسهوله على الرغم من حبه لها!!

بس آخر كلمها قالها وحلف إنه ماراح يتزوج طول عمره!! بس بعد ماراح يتزوجها لأنه زعل منها!!!

هي حيرانه الله يعينها بس تصبر عمرها وتدعي طول الليل والنهار!! والله يفرج همها!!!

سوري أدري طولت عليكم بس كنت أريد أقول إنه لاتوثقون في الحب!!

بس شو رايكم؟؟؟

اختي اساهي والله مو متخيلة في امهات ممكن يهدمون سعادة عيالهم على حساب مصالحهم الشخصية لاحول ولاقوة الا بالله شي رهيب ..

وبالنسبة لك اختي العذراء والله قصتك صح100% محد مفروض يثق في الحب اغلب الشباب قاموا يتسلون بالبنات المشكلة فعلا ممكن يحبها ويتعلق فيها لكن لحظة زعل ينسى كل شي ويتذكر بس عيوبها الله يعين صديقتك ويصبرها ..

أنا والله حاولت افهمها واقنعها ببعض الامور بس اخاف المسالة تتعقد مثل حالتك لان الحين طلعت سالفة جديدة الام قالت ماعندها مانع لو ابو الولد موافق والاب للحين محد تجرأ يكلمه بالموضوع والام موراضية تكلمه هي يعني الله يستر مبين الشغلة خاربة الله يعين والبنت نفسيتها تعبانه حيل الله يصبرها ويعينها ..

Ghadi

الله يعين جميع البنات اللي مروا ويمرون بقصص الحب (الوهم)

والله نفسيتهم تكون :down: بس خليها تتقرب من الله وتصلي وتدعي إن الله يعمل اللي في خير لمصلحتها!!

أنا أحاول أخلي صديقتي تغير جو وتطلع وتغير روتين حياتها!!

وهي غيرت موبايلها ولا راح تخلي في أي وسيلة اتصال بينها وبينه!!

لازم الواحد يقوي نفسه بنفسه!!

أختي العذراء....طالما هم صديقاتك فعلا...فالواجب عليك شيء قبل هذا...عليك أن تنبهيهم من خطر هذه العلاقات بمجرد أن تحسي أنهم سيتورطوا فيها....


و ذلك أفضل بكثير من مواساتهم يوم تنقلب الأمور عليهم و تظهر اللأمور على حقيقتها...


أختي حاولي فهميهم خطر هذه العلاقات و اقنعيهم بالإبتعاد عن التفكير فيها و انتظار ابن الحلال الذي سيأتي بمنتهى الإحترام و يطرق باب بيتهم طالبا يدها من والدها...و قد حل كل مشاكله و رتب كل أموره...




.................................................

صح يا أخت مرموم بس المشكله إنهم مايجون اللي لما يقع الفاس في الراس مثل مايقولوا!!!


لأنهم في اللحظات الحلوه اللي يعيشونها مايسألون أبد عن أحد ولا يشتكون وهذي طبيعة الانسان!!

بس مشكوره الغالية على النصيحة ومن اليوم بحاول أطبق نصيحتك كلمة الخير أبديها....

السلام عليكم ورحمة الله وبركاته ،،،

اختي العزيزة ghadi في البداية أقول الله يجمعهم مع بعض إن شاء الله ويوفق بينهم . بس لازم في البداية تعرف وجهة نظره وردة فعله إزاء موافقة امه أو رفضها وعلى هذا الأساس تبتدي تفكر يعني إذا كان بيرفض الزواج لرفض امه فمن البداية لازم توقف معاه لحد اهني وخلاص بس إذا كان متمسك فيها سواء وافقت امه او لا هني لازم هي تفكر في الموضوع وتخلي في بالها المشاكل اللي بتصير هل هي من النوع اللي بيقدر يستحمل هذي المشاكل ويتأقلم معاها أو بتنهار في أول مشكلة تصادفها .

الشي الثاني اللي حبيت اقوله انها لازم تنظر لنفسها هل المشكلة فيها أو لأن شخصيتها وأطباعها غير عن أهله وامه عشان جذي الأم رافضه وهني لازم تحاول تخليه يصارحها في كل شي عشان تعرف تتخذ قرارها عن اقتناع وأني بالنسبة لي أتصور أنه إذا فعلاً هو متمسك فيها بحاول يقنع امه فيها.

والله ولي التوفيق


اختك ( حلم المستقبل)

صباح الخير اختي حلم المستقبل

كلامك عين العقل ولازم تتاكد اذا هو متمسك فيها او لا بغض النظر عن راي امه او ابوه بس الشي اللي يمكن تستغربين له ان الام للحين ماتعرفها ولاشافتها حتى وماظنها رفضتها لشخصها بس الله واعلم اش اللي تفكر فيه يمكن عشان البنت من قبيلة ثانية وهي تشوف ان الطبايع تختلف ومستصعبة فكرة الارتباط يمكن والله ..

الشي الاهم مرات يقولها انا مستحيل استغني عنك ولاراح اقبل شي يفرقنا ومرات يقولها اذا امي مو موافقة اخاف لو ارتبطنا وهي موراضية تصير مشاكل ويجبرونا نفترق بصراحة انا من كلامها عنه احس شخصيته مهزوزة هذا ماعجبني والله واقول اللي اوله كذا اش يضمن في الاخير يصير كل شي تحت شور امه مو حلو هالشي راح تتعب معاه ..

انا قلت لها صلي استخاره وحددي موقف واللي فيه الخير ربي بيكتبه لك وان شاء الله ربي يوجهها للصح ..

Ghadi