ارفعك بيدي للسما ترجع تطيح00قلي شسوي فيك لا صرت واطي

لا جيت افكر بالوجيه المفاليح000وفرقت بين الناس عالي وواطي

فكرت بك ضمن الوجيه المشافيح000متقلطن ببساط ما هو بساطي

علاقتي وياك تحتاج توضيح000من شفت في بعض الامور اختلاطي

مثلك خطا يحتاج وقفه وتصحيح000بين مثل تفريق مآخذ وعاطي

ربيت من صغري على هبة الريح000ولبست لي ثوبن كمومه خياطي

يوم انت تلعب في يدين المراجيح000انا انطح الضيفان وافرش سماطي

ما عابني لا صرت ضمن المجاريح000اغلا جروحي بين الاضلاع ساطي

العيب لا سقت القدمدون تصريح000وخليتها بدرب الرديين تاطي

والمشكلة انك تحرث النار وتصيح000اركد قبل لا فك عنك رباطي

خابرك ماتبعد قريب المراويح000زايد عن العالم بكثر الهياطي

اكبر طموحك لا تعطرت بالريح000تطلع تمشى بين شاطي وشاطي

عندي سؤال وخابرن فيه تجريح000لكن ضروري تسمعه بانبساطي

ارفعك بيدي لسما ترجع تطيح000قلي شسوي فيك لا صرت واطي




هذي القصيدة اسمها000هبة الريح000

الشاعر : ثامر الدقباسي000000


شراااااااايكم فيها0000000000000