مشكلة بنت خالتي ،،، ساعدوني

السلام عليكم ورحمة الله وبركاته

مشكورين جميعا على تعاومنكم وبالخصوص الدكتور والله لا يحرمنا من أمثالك

المشكلة هي أن بنت خالتي مريضة منذ ولادتها كان عندها انسداد في الأمعاء وعملوا لها عملية وما نجحت بعدين عملوا لها عملية في الأردن وفتحوا لها فتحة صناعية جنب الأمعاء والحمد لله ناجحة العملية وبعد كم اسبوع راح يخيطوا هذي الفتحة وان شاء الله بترد طبيعية صار لها كل هذا منذ ولادتها للحين وهي الحين عمرها 3سنوات يعني قضت الأشهر الأولى منذ ولادتها في المستشفى
بس مو هني المشكلة

:confused: المشكلة هي نفسيتها وحركاتها العدوانية أي شي تبيه وما تحصله تبدي تبكي و تقلع شعرات شعرها وتضرب راسها في الأرض أو في أمها وتخرب كل شي قدامها ومن تلاحظ أحد يركض وراءها علشان يمسكها إذا راحت لشي خطير تعاند تمسك أي شي قدامها وترميه ومرة راحت يم طنجرة حارة وما لمستها ولما أمها ركضت علشان تاخذها دخلت رجلها داخل الطنجرة وتحب الأطفال لكن فجأة تضربهم أو تسحب أي شي من عندهم ،، والمشكلة الأخطر أن أمها عصبية حتى صارت تضربها وتتشاجر معها كأنها وحدة كبيرة وتفهم ولما كانت أمها تضربها تصيح بس الحين تعودت على الضرب لما أمها تضربها ما تصيح بل تعاند أكثر وأحسها تعمل حركات مثل ترمي الأغراض وتضرب بدون حاسية وما تلعب بالألعاب ولا تفكر فيها لكن تحب تلعب بأغراض أمها
وأخوالها وخالاتها معلمينها حركات جنونية مثل العض وغيره.

الحركات اللي تسويها أكبر منها والكل خايف عليها
يعني كلهم مسببين مشكلة فحنا نقول يمكن بعض هذي الحركات العدوانية اللي تسويها بسبب المرض اللي عانت منه
والحين هي ساكنة معنا في الاجازة لأن أمها من النهار للمغرب في الشغل والمعهد ومو عارفة شلون أتعامل معاها حركاتها متعبتني

وأنا اعتمادي على الله ثم عليك

ومشككككككككككككككوووووووووووووور