بنات هذا اول موضوع لي عندي مشكله و ابي مساعدتكم تكفوووووون ساعدوني:(

السلااااااام عليكم و رحمه الله

هذا اول موضوع اكتبه في المنتدى لكن عندي ردود على الموضوعات كثيره

اخواتي :
قد يمر الانسان بحاله من الضيق و قله الحيله و يتجمد مخه عن التفكير
غصب عنه..
واحيانا ما يقدر يفضفض لاحد لانه ما يقدر يتكلم او انه ما يقدر ينقل احساسه كامل..
واحمد ربي اني تعرفت على هالمنتدى اللي من جد محترم و حلو و مفيد و اسمحوا لي ادمنت عليه لانه من جد ممتع و مفيد..
ويا بنات صدقوني اني ارتحت للمنتدى و بناته و علشان كذا قلت اول موضوع لي ابي اكتب مشكلتي و لا تبخلون بالردود الله يوسع عليكم

مشكلتي هي مع بنت من اعز و اغلى و احب الناس الى قلبي تعرفتت عليها من ايام المدرسه و صداقتي معاها مستمره ل6 سنوات

وكان كل شي ماشي تمام ..كنا مثل الروح بجسدين.. و الله ان تضايقت الوحده منا حست فيها الثانيه من غير ما تشوفها..

كانت صداقه مخلصه الى اقصى من تتخيلون
صداقه دافيه و حميمه الى ابعد الحدود و كل ما تحمل الكلمه من معاني..
لكن بالفتره الاخيره و تحديدا من سنه تغيرت الامور تغيرات جذريه..
صارت ما تعبرني و تحاول تغيضني و احيانا تقولها بوجهي تقول صرت اكرهت اكلمها ما ترد علي ارسل لها رسايل على الجوال ما ترد و احيانا اكلمها و ما ترد و بنفس اللحظه اكلمها من جوال ثاني و ترد بسرعه يعني لو كانت مشغوله او مو جمب الجوال كان اعذرها..

صارت تطنشني تحاول تبتعد عني مع اني و الله ما سويت لها الا كل خير
وربي اني اعتذر منها و هي الغلطانه
واذا قعدت اسبوع و الا اسبوعين انا اروح لها في البيت و الا ادور عليها بالجامعه من مكان لمكان كاني ام مضيعه ولدها

يا بنات تعبت نفسيا مع البنت و انا و الله ابي صداقتي تستمر معاها حاولت بكل الطرق اني افهمها بس ما ادري البنت شفيها علي

بنات الله يخليكم على الله ثم عليكم ابي الحل لا تبخلووووون الله يوسع عليكم
ابي حل مع صديقتي ابي علاقتنا ترجعها مثل اول
وعلشان اكون صريحه معاكم هي تعرفت على شاب اصغر منها و صارت تموت عليه وما تنام و لا تقول الا على صوته يعني هل تعتقدون ان هذا السبب؟؟؟؟
واذا كان هذا السبب و شلون اتصرف معاها؟؟
بنات انا متاكده ان الحل عندكم لان البنات يفهمون على بعض كثير

بنات ممكن الرساله ملخبطه شوي ولكن هذا اللي قدرت اكتبه لاني من جد متضاااااااااااااااااايقه

ساعدوني الله يساعدكم