بعد الفرح .. كيف اعمل بالتسريحه... واليوم الثاني ؟؟؟

ينقل لركن العروس

بعدني ما تزوجت لكن انا الصراحه ما اتحمل التسريحات لفترة طويلة بالاضافة انه بيكون عليها سبراي وبييبس الشعر ويخليه واقف بالاضافة انه رفع الشعر للاعلى لفترة طويلة بيتعب الراس وجلدة الراس بتصير توجعني

علشان كذا انا الصراحه راح أتسبح :D2
واليوم الثاني صدقيني السشوار سهل وايد حاولي تتعلمي عليه شوي
تقدري تسوي له سشوار خفيف
او اذا شعرك من النوع اللي ممكن يعطي طعجة (تجعيد) بشكل سريع تسبحي وحطي عليه موس او جل وخليه يعطي طعجة بس انصحك بموس يكون يعطي شكل مجعد ورطب بنفس الوقت وحيطلع حلو جدا :)

على فكرة السشوار سهل وجيبي مثلا بكلة شعر يعني جباصة او مسكة شعر يكون فيها ريش وحركات وارفعي فيها جزء من شعرك لفوق بتعطي شكل حلو جدا واكيد يعتمد على كل وحده وذوقها واللي ترتاح له


ويا ليت نسمع بقية البنات اللي تزوجوا كيف سووا وشو عملوا عشان نستفيد منهم خاصة انه عرسي ان شاء الله بعد 8 شهور او 9 شهور

ام عبد الرحمن

او تسوين تسريحة يوم الزواج ما يحتاجلها اسبراي وايد حتى لا يكوش شعرك لما تفتحيينها ( french twist or something) و بس هذا بعد حسب نوع شعرك و طوله

ام عبد الرحمن يعافيك ربي ويوفقك يالغاليه والله انا كنت احسب الزواج سهل




وطلع :o محرج.......:confused: ومبكي :down: ومتعب بس الله يسامح الي كان السبب



المهم انا بخليها تسوي التسريحه بوصله مو بشعري وش رايكم


:o ومو لا زم استحم اول يومممم


:D2:D2:D2

sultam01


تسلميلي يالغاليه



بس لا زم سبريه عشان الطرحه تمسك عدل


وانا والله شايله هم شعري حيل

:shy: فديتك

السلام عليكم

هلا اختي لا تشيلين هم خلي شعرك طبيعي مثل ماهو احلى ولازم تتسبحين أول يوم اتوقع ضروري

انا ما عندي خبره بس داخله اطالعكم :shy::shy:

:D2:D2:D2

:cool2:

بنات حتى أنا عرسي قريب بإذن الله وقاعده أحاتي التسريحه لأن لازم سبراي والمشكله شعري طويل وماأقدر أحط وصله لأن حرااااااااااام:down:

طيب وشو الحل تكفون يابنات عطونا رايكم:confused:

مرحبااااا

وين المتزوجات .. تكفوون علمونا وش سويتوا

لان زواجي بعد 5 شهور :o

ومحتاجين نصايحكم


تحياتي

:shy:

مي تو

يالله يالمتزوجات وينكم !؟
قولوا لنا شسويتوا ؟

امونة
انا كمان عرسي بعد اربع شهور وما ادري ويش اسوي بشعري
قولولي
:o:s2فعلا انها مشكلة

والنهايه ترى العد التنازلي بدا وأنتو مارديتو علي :pain:يعني يرضيكم أروح عند زوجي وأنا زعلانه منكم:confused::confused:

هلا بنات

و مبروك مقدما لكل المقبلين على الزواج


التسريحه لازم لها سبري و شد و تفش علشان تطلع حلوه و بعد على حشب نوع الشعر ..و بعد العرس لازم بتفتحين شعرج

بس اول شي و اهم شي انج ما تفتحين شعرج جدام زوجك ...لان اني ما تعرفين شو مشويه الكوافيرا بشعرج.. و لا تقولين بخليه يساعدني صدقيني بتندمين ندم ...يا ان انتي بنفسج تفتجين شعرج باي مكان بعيد عن انظار زوجك ...

و بعد ما تفتحينه بلليه بالماي ...لا تحاولين تمشطينه اول ما تفتحينه لان شعرج بيتقطع من الاسبيري..و احسن طريقه ان تبللينه و بعدين قبل الشامبو ..حطي واااايد بلسم اترسيه بلسم و حاولي اول شي ان تعدلين شعرج بايدج و بعدين ابدأ تمشطينه و هو مليان بلسم ..بهذي الطريقه بيكون اسهل و بيفتح معاج اسرع ..و بعدين اغسليه عادي يالشامبو ...و حمام الهنا

بالنسبه لليوم الثاني ..ممكن تسوين مثل ماقالت الاخت ام عبدالرحمن ...تترسينه موس و جل و بيطلع كانج مسوتنه بيرم ...

او اذا ممكن تتفقين مع الكوافيرا تجي الصبح تسوي لج شعرج ..و جذي ترتاحين من الهم ...و يفضل ان يكون شي بسيط و مفتح ....

او ممكن تلفينه بالرولات و تخلينه ...و تفتحينه بعدين و بيكون حلو ..و اذا بتحطين رولات مب لازم تكوني تعرفين تسشورين اوكي لان بالنهايه كل بينلف بالرول ...و بعدين افتحيه و ممكن تلمين نص شعرج او تلمينه من الجنب و انتي شوفي شو يطلع احلى ...

و من الحينه جربي بعد ما تغسلين شعرج حطي موس و جل مثل ما قالت ام عبد الرحمن ...و مره ثانيه جربي الرولات ..و شوفي شو بيطلع احلى و سويه

و بالتوفيق و ربي يتمم لج على خير و يسعدج و يهنيج ان شاااااء الله

تحياتي
:smile:

مشكوره كثير حبيبتي على ردك وايد حلو لكن إذا تسبحت كل الزينه الي تعبت عليها من مكياج وتعطير جسم.......الخ كله بيروح وأنا أساسا متزينه عشان مين:eek2: وبعدين شقوله أقوله روح عني أبغى أتروش فشيله هذا غير إن راح ياخذ وقت إلين أفك شعري وأتروش وأعطر جسمي مره ثانيه... أنا أذكر في حفلة خطوبتي قعدت ساعتين أفك شعري من التسريحه:confused: يعني إلين ماأخلص من شغلي كله بيكون راح في سابع نومه:s2

علشان هذا السبب بالذات انا افضل ان يكون في احد يساعد العروس يعني اختها او اي احد من اهلها

لان جذي بيساعدونها في فتح شعرها و يشلون الطرحه و الفستان روحه هم لين ما تتخلص منه ..و جذي ممكن تستغل الوقت ..يعني اول ما تخلص التصوير ايون خواتها و يساعدونها

و وايد ينات يقولون عيل انا مخسره نفسي و متعدله حق منو مب حق زوحي ...ترا هو بيشوفج من الكوشه لين التصوير ...و الناس بعد العرس تعبانين يبون يرقدون و ما يصير تنامين و بالتسريحه و مكساج الصالون ...و خاصه كل الرجال او اغلبهم ما يحبون المكياج الوايد ...

يعني بعد ما تخلصين ممكن تحطين مكياج خفيف ...لون واحد على العين و روج فاتج حلو ..و مسكره على الخفيف .. خليج بسيطه ...الدنيا ليل و الناس بتنام

و اختي فوفو اذا شعرج طويل ...تقدرين تقولين للكوافيره ان ما تفنش لج شعرج اذا ما يحتاج ((اقصد ان تفشها انها تمشطه بعكس اتجاه علشان تسوي الي تبيه)) ..و جذي تقدرين تفتحينه و تحاولين ان تمشطينه بشوي شوي عليه لين تقدرين تشيلين اثار الاسبيري ..اذا ما تبين تغسلين شعرج


:smile:

مشكوره أختي كثير على ردك المشكله إن أنا ما عندي إلا خوات صغار وأنا البنت الكبيره وأمي ماتقدر تترك المعازيم وتجي معاي الفندق (يعني أنا فيها فيها) بس الله يعين إدعيلي ربي ييسرلي أموري:s2
وأي أحد إذا عنده فكره لا يبخل علينا(u)(u)

السلام عليكم ورحمة الله وبركاته


أنا سرت الفندق بمكياجي وتسريحتي وقلت لزوجي يساعدني عشان يحس بالتعب اللي احنا نتعبه عشانهم..

العفو اختي فوفو و نحن بالخدمه

على فكره انا بنت خالتي كانت معاي و ساعدتني ...هي كانت تفك لي شعري و انا امسح المكياج ....

تذكرت افضع شي يوم تمسحين المكياج وجهك كله يصير كحل و بلاولي ...ما انصح اي عرووووس تمسح مكياجها جدام زوجها ابدا


و ربي ييسر لج امورج ان شاء الله و يتمم لج على خير ان شاء الله ..و تطلعين احلى عروس في احلى عرس ان شاء الله ...و لا تشيلين هم ابدا و لا تفكرين واااااايد و لا تحاولين تربكين نفسج ابدا ...و خااااصه و انتي طالعه على الكوشه


بالتوفيق للجميع ان شاء الله
:smile: