هدية العيد

يا بنات ابغا افكار جديدة لهدية العيد و الصراحة فكرة الفلوس مو حلوه! :down:زوجي هو اللي بيصرف علي كيف انا اعطيله فلوس ، في عيد الفطر جبت لزوجي بلوزة و جاكيت و هذا العيد ما أبغا اجيبله أي شي ينلبس ، ايش رأيكم؟

هذي كلمات انا احبها وكتبتها حق زوجي في بطاقه العيد اللي طاف:
يا حبيبي مني لك الروح مهداه ... والله لو به غيره اغلى هديته
ماقلت لأحد غيرك الروح تفداه ... انت الوحيد اللي بروحي فديته
او تكتبين كلمات اغنية شيرين وفضل شاكر(كل عام وانت حبيبي)
او باشوفلج بعدين اوراقي وبارد عليج

هلا اختي

جيبي له خروف تريحينه من الاضحيه

ترى امزح :D2


البنات مارح يقصروا معك افكارهم مره حلوه


تحياتي لك

في محلات الساعات الماركة شغلات جدا رائعة للهدايا ..

مثلا مسابيح من الاحجار الكريمة و اسعارها تتفاوت حسب نوع الحجر ..

أو أقلام الماركة جدا فخمة و فيها أنواع تقدرين تحفرين اول حرف من اساميكم عليه .. أو اسمه هو كامل .

لكن أتوقع لو تهدينه شي أنتي تعرفين أنه محتاجه بيكون أفضل .

بالتوفيق اختي .

انا اهديته امس هديه العيد ساعه ماركة مون بلان حلوة وسعرها حلو وطبعا فرح فيها وايد..وكان يبي يلبسها اليوم بس انا قلت له خلها مرة وحدة للعيد..

شو رايج في بوك؟
العيد الي فات شريت له عود و دهن العود من القرشي..
مع نعال بشوتي ..

[QUOTE=redflower]يا بنات ابغا افكار جديدة لهدية العيد و الصراحة فكرة الفلوس مو حلوه! :down:زوجي هو اللي بيصرف علي كيف انا اعطيله فلوس ، في عيد الفطر جبت لزوجي بلوزة و جاكيت و
هذا العيد ما أبغا اجيبله أي شي ينلبس ، ايش رأيكم؟[/QUO


الغاليه مش لازم مبلغ كبير لو شي بسيط ريال مثلا وعليه الكلمات ترا الفكره وااااااااااااااايد حلوه لا تفوتك.....................

الغالية العيد إلي مضى كانت هديتي لزوجي عبارة عن فازة وفيها شوكلة لأنه أموت فيه ومن بين الشوكلة حطية بيزات وكنت لفتنهم بشريطة يعني كل ورقة نقود لوحدها من الخمسات والعشور وبعد دراهم وغير جي حطية له بعد كروت تيلفون
واااااااااااااااايد ستانس على الحركة ويسألني كيف يات في بالج

(^)بصراحة افكاركم حلوة حيل بس انا زوجي بيحج شنو اهدية(^)

السلام عليكم أخواتي
أنا لا أعلم ماذا يحيركم و من خلال ماعلمته انكن حائرات في نوع الهدية التي تقدمينها لزوجك (مال و ساعات ...)الهدية التي تقدمنها هي راحة البال و السعادة و الحب و ألإخلاص و ربما الهدية البسطة تكون أثمن و من أغلا و أخيرا أختم قولي بقول النبي صلى الله عليه وسلم ’تهادوا تحابوا’
أختكم الزهراء