أخيرا طابت جروحي

أخيرا ..
طابت جروحي..
أخيرا..
انتهى نوحي
رجع خلي يراسلني
ورجعت للجسد روحي..

* * * * * *

مثل
ماللطفل
دمعه تذوب
قسوة المخلوق..!
أنا لي
عاطفه وحياة
ذابت
والسبب مخلوق!!

* * * * * *

يعلم الله ان لي
قلب تركته بين يديك..
لو رماني الموت في قبري
بقى نبضي وياك.

* * * * * *
أبيك تدري صوتك العذب لاغاب,,
أحس نفسي تنكسر من غيابه..

أدمنت صوتك وان تثيقلت كذاب..
من يعشقك لاغبت يفقد صوابه..

علمتني ان الوفا طبع الأحباب
ورسمت عمري وردتين وسحابه..

* * * * * *

إن جيت "يمك"
شارد الفكر ضايق..

مع بسمتك تنزاح
لوعات الأعماق..

وفي غيبتك تثقل
علي الدقايق..

والوقت مع غيرك
فلا عاد ينطاق..

واليوم أقولها لك
دون الخلايق..

ماعيني "لغيرك"
من الخلق تشتاق..!

* * * * * *

في غيابك صار لي شي كثير..
قصتي قصه وكيف ابدا بها..
طال ليل كان بعيوني قصير
وكل ذكرى دق فكري بابها..
وصفي أصبح بعد غيبتكم خطير..
والليالي ماحسبت حسابها
ياوداد النفس ياحبي الكبير
يامناة الروح وأغلى أحبابها

* * * * * *

كيف الفرح لامن بدا يظهر
على غيمة حزن؟
وكيف الأمل والتشاؤم يتفق..؟
وكيف القمر والشمس في وقت واحد
تجتمع..
كيف انت وكيف أنا؟؟
وكيف الطريق يضمنا؟
بس المهم إني اقول:
حبك أمل
حبك فرح
حبك وسام أتقلده
وهذا الأهم..

* * * * * *

ان كان كل الكون له
شمس تضويه..
انت ضيا دنياي
ياكل كوني..

* * * * * *

أنا ولهان ياعمري..
ونار الشوق مشتده..
عرفت شلون من دونك
أحس بضيقة الوحده!!

* * * * * *

طال البعاد ولوع القلب فرقاك..
ومن غيبتك صاب المولع مضره..
أسهر طوال الليل وأعيد ذكراك..
وأراجع الماضي وبالقلب حره..
يذكر زمان فات بالخير وياك..
الله يعيده لو بالأيام مره ..

* * * * * *

خلك في قسوتك
و مع الصبر خليني
ان كان هجرك يرضيك
انا اللي يرضيك يرضيني

* * * * * *

ياخلي على موج الزمان
وكثرت زلات البشر
الخوف صار الأمان
والأمان كل ماله صغر

* * * * * *

كل جرح فات لي منك هديه...
وش بلاك تخاف من رد الهدايا...

* * * * * *

اضحك مردك بيوم تواجه الدمعه
اما على جيتي و لا على فراقي

* * * * * *

فمان الله ياحب ماكمل المشوار
عرفنا مفرق الدربين و لايحتاج تكميله

* * * * * *

أتعبت نفسك عشاني وانت ماتدري
اني بدونك بديت احس بالراحه

* * * * * *

انا ماهمني حزني ولا للفرح مشتاق
و لكن ليه يادنيا اذا بضحك تبكيني

* * * * * *

كم كنت اداوي من كان مجرح
و اليوم ادور من يداوي جروحي

* * * * * *

بعد هذا الشقا كله
تبيني لرجعتك اشتاق
حسافه جيت متاخر
بعد ما ماتت اشواقي

* * * * * *

قالوا من انت؟
قلت انا اللي من معهد الاحزان خريج
غفلت عن رمح الزمان وطعني

* * * * * *

دنيا غريبه للاسف
الدمع فيها مايجف
هذي حياة اللي يحب
يقضي حياته في تعب

* * * * * *

افضل بصمتي اموت
وما اشكي لك حالتي
جرح السكوت ارحم
ولاتضحك على دمعتي

* * * * * *

أتمنى أن تنال رضاكم
واعجابكم:shy:

* * * * * *

تحياتي: ســـــــــاره

* * * * * *