صدق اللي يقول اللي مدلعينها اهلها في البيت مايدلعها زوجها؟؟؟؟؟؟؟؟؟؟

ما ادري والله اختي عسوله


اكثر الرجاجيل قبل الزواج غير وبعده غير - قبل الزواج يوريك نفسه احسن راجل بالعالم- طبعا ما يوريك عيوبه - بس بعد الزواج يظهر كل شي على حقيقته...

اختي انا كنت زيك كذا ايام الخطوبه - كنت خايفه من بعد الزواج - وما كنت اصدق اي شي يقوله لي..


لكن بعد الزواج اتغيرت نظرتي فيه وفي الزواج بشكل عام

الحين ما احس ان الزواج مسؤؤليه قد ماهو راحت بال وسعاده ما تنوصف

والله يوقفك مع خطيبك - وما اضن انه يضغط عليكي بأي شي دامه عارف قدر الدلال اللي كنتي فيه ببيت اهلك

ولا اوصيك اختي - مثل ما هو يدلعك دلعييه




وبالتوفيق

سلام....


شوفي أنا كنت دلوعة أهلي....

وبعد ماتزوجت دلعني زوجي أكثر...

خصوصاً بعد ما حملت...

هذه تجربتي...ولا تخافي أنت سوقي الدلع عليه..وعوديه ع الدلع...

بس زي ما تبغيه يدلعك...لازم تدلعينه بعد...

عشان يصير دلع متبدل...

وأسألي مجرب...:up:

::cool2: حتى أنا بعد مدلعه واجد عند أهلي وخصوصا حبيبي بابا مررررررررررره مدلعني ولو أبي القمر يجيبه لي الله يخليه لي هو وماما ياااااااارب :smile: حتى كثير من أهلي وقراب مرره يغارون ويقلون ليه مدلعها وحاطها فوق لأني طبعا أكبر وحده وحنا خمسه في عين العدو بنتين و3 أولاد الله يحفظ (a)
:down: بس مثل ما قالت أختي عسوله والله أني أفكر في هالشي كثير لدرجه أني أذا قمت أفكر في هالشي أقهد أصييييييح:confused::confused::confused: من الخوف والتفكير مع أني مو مخطوبه ولا شي بس هم هالشي ذابحنييييي :confused: تكفوووووووون طمنوني قولولي عنكم اذا أنتم تدلعتم في بيت أهلكم و بعدين أزواجكم دلعوكم بليز طمنوني:confused:

الأهل يدلعون مره

والزوج يدلعك مليوووووووووووون مره

انا كنت عايشه ببيت بلحاااااالي الوحيده هناك واي شي كنت اتمناه يتحقق قبل لاأطلبه وبعد ماتزوجت جاء زوجي اللي يقولي شبيكي لبيكي اطلبي وتمني انا بين ايديكي :D2

انتي خلي اختيارك لشريك حياتك يكون صح وبتشوفين الدلع الحقيقي :clap::up::shy::smile:

الأهل يدلعون مره

والزوج يدلعك مليوووووووووووون مره

انا كنت عايشه ببيت بلحاااااالي الوحيده هناك واي شي كنت اتمناه يتحقق قبل لاأطلبه وبعد ماتزوجت جاء زوجي اللي يقولي شبيكي لبيكي اطلبي وتمني انا بين ايديكي

انتي خلي اختيارك لشريك حياتك يكون صح وبتشوفين الدلع الحقيقي

كلام أختي فدائية صحيح 100 %

:eek2: ... والله انا برايي الرياييل يختلفون بعضهم الي يدلع وبعضهم الي

مايدلع .. وما اعتقد انه دلعك في بيت اهلج ممكن ياثر على هذي الناحية


كثر مانه شخصية الريال لها دور ... وانتي وشطارتك يا حلوة :cool2:

و الله أنا في رأيي يختلف الدلع من رجال لآخر ، أنا الصراحة في بيت أهلي كنت الكبيرة و ما كنت مدلعة مرره ، و لكن الحمد لله زوجي مدلعني على الآخر و في نفس الوقت انا ما أقصر في حقوقه و في واجباتي يعني هو يقولي لا تطبخي و مو لازم تغسلي الصحون اليوم مثلاً بس انا ما أقدر و أحس انو لازم اقوم بواجبتي الزوجية مقابل الدلع إللي باشوفه:shy:

لما تزوج بخبركم بنات

بس اعتقد حسب الرجل نفسه

الله يهني الجميع يارب

ههههههههه سؤالك حلو حياتي

انا كنت البنت الوحيدة بالبيت وسط 6 شباب بس جات اختي الصغيرة بس الحمد لله ما تغير شي

وزوجي الحمد لله يدلعني أكثر من أهلي

وأزيدك من الشعر بيت أبوي وأمي واخواني زادو بتدليعي بعد الزواج حتى زوجي ينقهر من اخواني خخخخخخ :shy:

لا تخافي ان شاء الله بتدلعي أكثر وأكثر بعد

بنـــــــــــــــــــــات الله يبشركم بالخير....لانو انا نفس الشي خايفه انو الدلع الي اتدلعته عند اهلي ما الاقيه عند زوجي! بس سؤال...هل في راحه بعد الزواج؟ يعني هل تحسوا براحه اكثر عند زوجك؟ اكثر مما كنتي عند اهلك؟
و مشكورين :)

hebaaa

اول شي مبروك ما باقي شي على عرسك الله يوفقك يا رب ويهنيك

لا حياتي لا تخافي ان شاء الله بترتاحين ببيت زوجك أكثر بعد بالعكس بيكون تركيزه واهتمامه فيك انتي بروحك يعني أكيد بترتاحين ان شاء الله

بس بالاخير يعتمد على نوعية الزوج

malaak
الله يبارك فيكي اختي...و من جد ريحتيني :)

مشكوره عل رد :)

العفو حياتي

وطمنينا عليك بعد الزواج :smile:

عسووووووووووووولة

ليش تشغلين بالك بامور.. مستقبليه ما يعرفها الا رب العالمين؟؟؟

ليش ترهقين تفكيرك وتزعلين مع روحك... خليها على الله.. والخير يصير ان شاء الله

لا تنسين....هالمقولة

لا تفكر فلها مدبر

وربي يسعدك ان شاء الله

«®°·.¸.•°°·.¸¸.•°°·.¸.•°®»انا اقول هي مسالة نصيب وحظ يعني انا كنت بكر ابوي يعني الكبيرة وكنت حييل مدلعة لدرجة اني لو اطلب شي من ابوي يوافق حتي لو انه مو مقتنع بس عشان ما ازعل انا ما ابالغ الله يخليه لي حتي بعد زواج لما اكلم امي عن شي خاطري فيه وزوجي مو راضي او ماجل فكرته او حتي مايدري علي طول يجيبه لي ودايما كل شهر يعطيني مصرف واقوله يبي انا مو قاصرني شي يقول مايخالف يا فرووحة (اسمي افراح)

اما زوجي الحمدلله مايقصر بس مو مثل لما كنت عند اهلي يعني في شغلات والله يشهد كنت متعودة عليها قبل الحين زوجي مايرضي فيه مث المكياج لما اطلع وطلعات الرفيقات حق المجمعات والسينمات او حت في البيت مايحبها وحييييل يغااارر ودايما يحب يشوفني اشتغل في البيت يعني اغسل اطبخ مع ان في بيت اهلي عندنا خدامتين وامي وابوي ماكانوا يحبون اسوي شي (ما ابالغ)

اما حماتي (اخت زوجي) العكس في بيت اهله كنت نفس الخدامة الن ماعندهم خدم تطبخ وتغسل وتمسح يعني 24 ساعة شغل حتي تلفون اذا تكلمت فيه تحصل زفه وخناق وماكان عندها رفيجات الأنها ماتقدر تحتك وياهم لاموبايل لاتلفون لاطلعه ولادخله الحي مشاء الله صارلها سنة متزوجه وزوجها الله يخليه لها مدلعها اخر دلع اللي تبيه يسويه لها حت الراتب ياخذ مصرفه والباجي لها ودايم يحب راسها حتي جدامنه

المهم انا اقول مرات اللي مدلعه عند اهله تنذل عند زوج واللي مذلولة عند اهلها تنعز عند رجال


وشكرا«®°·.¸.•°°·.¸¸.•°°·.¸.•°®»

لكل من ساهم في انجاح مواضيعي بكلمة شكر ولا تعليق
وجودكم معايه اكبر فخر لي
وان شاء الله كل البنات دلع في دلع في دلع



ادعولي خواتي بالزوج الصالح اللي يعوض عليه
ويسعدني

اختي ما بتصدقين انا كنت دلوعه كيف ... ما اعرف اقطع الدياي .. و لما اقعد للغدا ابوي يقولي تعالي عندي و يقعد يقطع لي اللحم و الدياي و السمج ..
و اذا سمج يتأكد ما فيه عظم ... و وقت النوم يقولي يلا انتي تعبانه سيري نامي .. و خواني يضحكون يلا يا ماما باجر روضه .. و خذي من الطنازة و الدلع ...

و لما تزوجت ريلي ما يعرف يدلع لانه دفش ههههههههههههه بس مع هذا الحمدالله مب مقصر معاي .. و يدلعني بطريقته .. اللي يقدر عليه يسويه

و دايما اردد عليه هذا البيت
دلعوك اهلك و انا فيك ابتليت

يقولي هيه والله

انا الصراحه فبيت اهلي كانت طلباتي منفذه بس مو دلووعه مثل اختي الي قاعده فالبتي الحين وابووي وامي مدلعينها عالاخر يعني انا ماشفت نص دلعها

بس زوجي الله يحفظه لي يدلعني اخر دلع حتى اخواني واخوانه يغارون مني ويقولون ياابختج بهذا الريل واايد مبزنج واي وحده من هلي تدعي فصلاتها وهذا الي تفاجأت فيه من فتره انه يكون نصيبهن مثل زوجي فديته يعني ماعرف اوصف لكم دلع وحنان وحب ومو مقصر بشي اييب لي الشي قبل ما اطلبه

وانا ااييد مقووولتج لانه اختي الكبيره كانت مدلعه عند ابوويه بس زوجها مقصر وااايد وانا العكس
الله يسعد خويتي واي بنت زوجها مقصر وياها