شو رايكم تساعدوني في تنظيف مكان وصخ!!!

ر

رومانسيه

مشرفة سابقة

24-01-2002 | 02:02 PM

السلام عليكم يا جماعه
انا عندي اقتراح و ماادري اذا بتوافقون عليه...
طبعا الكل يعرف الجات و يعرف شو يستوي فيه
بصراحه انا اشوف الجات يدمر شبابنا و بناتنا ...انا عندي فكرة واعتقد
الجات فيه وايد بلاوي..كلام تافه و كلام عن الجنس...توزيع ارقام و تبادل صور خليعه
و البنت الي ترفض تعطي رقم تيليفونها تكلم الشباب عن طريج المايك...
يعني مجتمع فاسد ..و الولد يطلع من الجات و ميمعله اكثر عن 100 ايميل كلهن ايميلات بنات و البنت نفس الشي
يا جماعه في بيوت اتدمرت من الجات...و في مشاكل وايد تستوي بسبب الجات..و شبابنا الله يهديهم بدال ما يضيعون وقتهم في شي مفيد ياخذون عليه الاجر يضيعون وقتهم على شي تافه
لو كل واحد فيهم فكر انه ممكن يموت وهو في هالموقع ..جان استوا الجات مكان مفيد

الناس برا تحارب و ميته من اليوع و الجماعه ما يفكرون الا في الجنس و الغزل
شو رايكم تساعدوني في تنظيف هالمكان ممكن مجموعه بنات يدشون باسم الله اكبر او اذكر ربك و ننصحهم و نوجهم بس بدون ما يعرفون انج بنت..و اللي ما تقدر و تخاف على نفسها من الفتنه ممكن تكلم اخوها او زوجها....و الاجر من عندالله

مع السلامه

ا

العروس

عروس مبدعة

24-01-2002 | 10:26 PM

فكرتج حلوة عزيزتي
وجزاج الله الف خير عليها

بس يبيلها انسان له قدرة بلاغيه .. يقدر يقنع .. ويفحم الانسان الي يناقشه .. الي عنده استعداد يدش الجات و ينصح وله القدرة على ذلك .. جزاه الله الف خير :)

بارك الله فيج عزيزتي

ا

المعرس

عروس متألقة

01-02-2002 | 03:02 AM

اختي العزيزه الجات انواع فيه منه المفيد وفيه الغير مفيد

اذا انتي تقصدين الجات علي الايرسي اصلاً مايستخدم هالبرنامج غير الجهال والناس الفاضيه والحمدلله ان البرنامج هذا بكبره انا حاذفه من الجهاز وكذالك الايسكيو كلهم علي بعضهم اللي يستخدمون هالبرامج جهال وسمحولي اقول عنهم (حثالة) الشبكة العنكبوتيه

اما برنامج الجات اللي انا استخدمه اهو الماسنجر وانا اشوف انه مفيد بالنسبه لي ومفيد للجميع.

وعسى الله يستر من الانترنت بكبرها

ا

ام الفرسان

عروس رائعة

01-02-2002 | 11:06 AM

رومانسية الغالية

في حياتي لم ادخل التشات ولم اعرف مايحصل فيها

ولما فكرت ادخلها دخلتها بالمنتدى وماكان فيها شي

واحسست بمتعة وانا فيها لانو في تواصل مع الأخرين

وبإمكان الانسان اللي يدخل التشات ان يجذب الاخرين

لأفكار كثيرة هو يحب ان يناقشها وهكذا يستطيع الافادة والاستفادة

والا اشلون :( :( :( :( :(