الحمل هبه من الله يعطيها من يشاء

السلام عليكم ورحمة الله وبركاته

أنا أول مره أشارك وودي أذكر تجربتي مع الحمل.

أنا لي بالضبط سنه و سبعة شهور متزوجه, أول 3 شهور ما فكرت في الحمل وبعدين عاد بدا الوسواس.
عدت 5 شهور وأنا أحاول إلين كرهت نفسي وحملت. زوجي ما قدر يمسك نفسه وعلم الكل من الفرحه. ما ينلام مع إنه والله ما كان يفكر في الأطفال ولا يلمح لهم.
أنتشر الخبر مثل النار في الهشيم. والكل يقارني مع البنات اللي تزوجوا معي في نفس الفتره.

بعد 9 أسابيع بالضبط من بداية الحمل طلع النونو متوفي من البدايه ولكن ما طاح. أنا أصلاً ما حسيت بالوحم ولا أي حاجه, وهذا شي الكل لازم ينتبه له إن الحمل سبحان الله لازم يصاحبه أثر الحم ولو حاجه بسيطه, لأن الوحم يدل على التغييرات الهرمونيه المصاحبه لنمو الجنين.
الزبده تزامنت فترة التسقيط مع وفاة أخو زوجي (الله يغفر له ويخلده الجنه ويصلح له طفلينه). زوجي المسكين ما عبرني بس ما ينلام.

تعذرنا إنني أنفجعت بوفاته في الحادث بس ما كفت الإجابه للناس الفضوليين. زوجة المرحوم كانت معه في الحادث وكانت حامل بعدي ب3 أسابيع, وبالرغم من شدة الحادث وإنقلاب السياره وإنها طارت منها وطاحت على الأرض, حكمت ربي نجت المولوه وجات بألف صحه والحمد والمنه لله.


بعد التسقيط والتنظيف, وبدون ما يكون هنالك سبب واضح, وبعد 6 شهور من التسقيط والقيل والقال, وأحسن للرجال ياخذ مرة خوه اللي فيها خير وحملت بلأول من ليلتها والثانيه ما كملت رضاعة الأول, وسؤال أمه وأخته الدايم والملاحقات (الناس كأن ما عندهم إلا أنا ما حملت, طيب ولد عم زوجي زوجته ما حملت خلقه إلين ذلحين محد قال عنها شي؟) وبعد ما يأست وراجعت الدكتوره اللي قالت لي باقي بدري على أساليب الحمل البديله, أنت روحي وإنسي الحمل.

وفعلاً بقدرة القادر رحت وحاولت ونسيت ويوم عيد الفطر حللت في البيت بعد ما شريت أدق تحليل وب 90 ريال طلعت حامل!! تدرون أول من علمته من؟

أم زوجي!!! لكن حلفتها ما تعلم أحد لين أقول لها, والله يا أمي المسكينه ما علمتها إلا الأسبوع هذا وزعلت بس حتى هي حلفتها إلين يثبت النونو في الرحم ويبدا البطن يبان.

لكن السر للي تبغا تحمل وهذا من عند الدكتوره وأنا مجربته, ألوحده تتكل على الله وتريح بالها وتهدي أعصابها والرزق على الخالق.

يعني اللي ما تبي تحمل تقعد تفكر أحسن!!!:D2


طبعا الناس باقي يتكلمون ليه ما ياخذ زوجة أخوه ويستر عليها وعلى عياله مع إن عنده إخوان شباب عزاب!! بس زي ما يقولون حبكت علي أنا!!

لكن والله إن زوجي الله يوفقه وين ما وجه وجهه إنه يقول يا بنت الناس كأننا أول من تأخر, بس شكله ما كان يسمع السوالف اللي جننتني؟!؟!؟!:eek2:

وحتى يوم حملت ما كان متحمس إلين شاف نبض قلب البيبي في التصوير. وألحين يراقب أكلي لقمه لقمه وطلعتي الدرج ونزلتي.
ما أقول إلا الله لا يحرمني منه ولا يحرم النونو الجاي منه. آمين

هذاي قصتي بالمختصر المفيد, واللي تبي أي معلومه عن الحمل تسأل لأني صرت موسوعه في ال6 شهور اللي أنا فيها أحاول!!!!!!
:D2

(طبعاً لا عندي لا لمياء ولا سعد بس هاذي الأسمين اللي أخترناها والمسمي الله)