الكوشة على العريس والا العروس

والله انا بحكم اللي اشوفه ان الكوشه تصير على العروسه بس انا من رايي لو هي بتدخل بس من غير زوجها يعني بتكون لها بتجلس هي فيها اتوقع تدفع من عندها لكن لو بيجلسون اثنينهم فيها لازم يشاركون بعض بالدفع بس انا اتوقع لو على العريس عادي عنده مو مهم كوشه ولاشي لانها شي مو اساسي بالنسبه له هو اهم شي يبغا عروسته بس انشاء الله حتى من غير زواج

واللة انا راى الشخصى ان تكون الكوشة على العريس فهذة الكوشة لم تعمل لكى يجلس عليها احد الضيوف بل عملت لشريكة الحياة التى اختارهاهذا من ناحية ومن ناحية اخرى لايجب على اهل العريس او اهل العروس التدخل فى هذة الامور بل تكون بالتفاهم بين الزوجين وان متاكدة ان العريس لايمانع بان تكون الكوشة علية لكن احيانا الضغط من اهلة يجعلة يتنكر من الكوشة وايضا يجب على عروسة ان لاتبالغ فى سعر الكوشة فهى اكثر الناس معرفة بامكانيات زوجها المادية

على حسب اذا الزواج على العريس اتوقع المفروض هو اللي يتكفل بالكوشه اما اذا كان على العروس فهي اللي تتكفل بالكوشه
والامر راجع لهم هم يتفقون على هالشي
وماراح يختلفون على الكوشه:rolleyes:

[CELL=filter: shadow(color=deeppink,direction=90);][ALIGN=center] بسم الله الرحمن الرحيم
السلام عليكم ورحمة الله وبركاته
اعتقد ان المسأله سهله جداً
اهم شئ التفاهم بين العروسين علي كل التفاصيل
وعدم تدخل الاهل فيها
و اعتقد اذا الاثنين متفهمين مش ممكن ابداً يختلفوا علي موضوع فرعي
و الله يوفقكم بلاش الاسراف في الاعراس
العرس كل ما بيكون بسيط بيكون احلي
و تمنياتي للجميع بالتوفيق ان شاء الله تعالي[/CELL]

إذا كانوا أهل العرسة بيعملون فرح لحالهم وحيتكفلون فيه و أهل العريس فرح لحالهم فكل واحد يتحمل التكاليف تبع كل شي
أما إذا كان الفرح كله على العريس أو شراكة فيه فالكوشة طبيعي تكون على العروسه
أنا في فرحي الكوشة كانت علي ... مش كفاية العريس اللي صرفة .. كمان نزيد عليه الكوشة ؟؟

أما إذا هو تحملها من نفسه هذا خير وبركة ..:) :)

تسلمى يا ( قلب جرئ ) على هالرد المثالى فانا اشاطرك الراي افهم شى
التفاهم بين الزوجين وعدم تدخل الاهل وفى المقابل ان لاتبالغ العروس بالكوشة

تحياتى لجميع المشاركين
عنوودى
ام هوزان
احلى بنوتا

هلا اختي...
المعرووف ان تكاليف العرس كلها على العريس(الله يكون في عونه) والكوشه من ضمن هالتكاليف بس اذا العروس حبت اتزيد في الكوشه في الديزاين او اي شي ثاني هي الي تدفع الفرق...
ومرات اهل العريس يقولون للعروس انتي اختاري الكوشه الي اتعجبج والدفع عليهم بس يحددولها الميزانيه... واغلب الاعراس الحين بدل لاتكون فرحه بين الطرفين اتحسين اهل العريس اف صوب واهل العروس اف صوب ولا كنه بينهم نسب..!!

والله يااختي احنا عندنا بقطر وخصوصا بعيلتنا المعرس يدفع 80 الف والقاعه عليه او 100 الف والقاعه على العروس
اما عن الكوشه على العروس والطق عليه هذا المتعارف عندنا
لكن الاهم انتي شوفه كوشه رخيصه وحلوه لاتسوين مشاكل بسبب كوشه بتقعدون عليها ساعتين ان كثر

شكراا اتمنالك كل خير

والله يااختي ذوق صدقتي ماتحسين هالايام الاعراس كانهم نسب وصاروا اهل كل واحد مع هله بروحهم ولا كان هذا عرس وفرح ووناسه

بصراحه عندنا اشوف ان الكوشه ع العروس لان اهي الي بتنسق فيها وعلى ذوقها لكن الطاولات على العريس

بس طبعا يكون فيه تناسق بلالوان مع الكوشه وحتى القاعه عليه وكل شي بلعرس بس انا علي كوشتي

ومصورتي وبس

هذا الي اعرفه عندنا بصراحه اهو احلا كذا اذا تبون الجد ..

والله إحنا في المدينه المنورة عادتنا تكون الكوشه على العروسه وإذا سووها أهل العريس لازم يخبرو أهل العروسه

احنا عندنا المفروض الصالة والضيفة عالمعرس

وفي ناس النص بالنص وفي ناس كل شي عالمعرس ماعدا فستانها ومكياجها وحنتها

انا من وجع الراس الي شفته في زواجات اهلي طلبت الحفلة مفصولة اريح لراسي

بالنهاية العروس هي الي تنحرق اعصابها وتدفع وتزبط

سبحااااااااااااااان الله كنك كاتبه مشكلتي
انا زواجي عقب اسبوعين بإذن الله وحنا عندنا العريس يشيل كل الفرح والعروس ماعليها غير فستانها
واهلها يجو مثل الضيوح اللهم يستقبلو مع اهل العرس معازيمهم معززين مكرمين
والحين قبل اسبوع صارة مشاكل اخت زوجي تقول تشيلون المصوراتيه والكوشه
وحنا والله مو قصر فلوس الحمدالله الخير واجد
لاكن عيب والله ماقدر شيقولون علي هلي وعماتي
قلت لأخته اذا ماتبين تسوين انا ماراح اسوي اي شي
قالت زين اجل شيلي المصوراتيه حقتك هم بعد هذه عندنا عييييييب هم المفروض يجيبونها
قلت عادي اشيلها
هي تفكرني مثل الحضر لان امي حضريه
والحضر عندنا عادي العروس والعريس كله سوا النص بنص
وحنا بدو

وبس بنهايه قلت لهم سكرو على الموضوع وغصب بتسويها
واذا ماسوتها
والله المعازيم لا جو بيقولون قشله اهل العريس ماسو كوشه هو اهل العروس
عاد هي بكيفها

اللي يقهر انهم ماخذين قاااعه فخمه وكل شي جات على المصوره والكوشه وقامت
تطلع المشاكل
الله يعين يارب
بس الحمدالله قالي زوجي ان اخته راحت وحجزتها وكل شي
بس من يوم المشكله ماعد كلمتها ابد


عموما انا برئي ان العروس ماعليها غير بفستانها وبس واذا كرما منها جابت المصوره وترا هي افضل لها
عشان تتحكم بالعروض والتصوير واذا اهلها يبون يتصور
والله الشي اللي مو بفلوسك احس احراج
انا الملكه شلتها من اللى ولا حطو ريال
تحياااااااتي :
حبيبت عبودي

شوفي ياقلبي حنا قبايل عندنا العروس عليها الكوشه والمصوره والله ويش الرجال الي يرضي حرمته تصور

ولا يجيبها بفلوسه ههههه ماعاد الى هي والمعرس عليه الصاله والعشاء وتزين الطاولات

والى تصور لازم تجيب المصوره هي هو ويش دخله هو يجب المصور له في العرس

واشوف مافيها شي ان العروس هي عليها الكوشه

واذا اهل المعرس سوا الكوشه من طيبهم خلاص بس الايام هاذي اشوف المعرس لان يكون مظغوط من كل شي

لانه هي الي تبي تجلس

مرسي كتييييييير على الموضوع
بالنسبة الي احنا عندنا عادات مابعرف اذا عند غيرنا كل تكاليف العرس على العريس وبما فيهم الكوشة
بس يوم الاملاك الكوشة عادة على أهل العروس وبرأيي هاد هوا الصح

موضوع قديم

يغلق