نصائح مجربة للبشرة والشعر والجسم

أولاً : الشعر :

يومياً وكل ليلة ، أدهن شعري بخليط من زيت الخروع وزيت اللوز ، ( ربع كوب زيت الخروع + 3/4 كوب زيت اللوز ) ومو شرط أخلط نفس الكمية ، بس هذي النسب بينهم ..
والصبح قبل لا أغسل شعري ، أمشطه بالعكس..
صار لي أسبوعين من استخدمت هالخلطة ، صار شعري يهبل ، شنو نعومة ، وشنو لمعان ، و استغنيت عن الاستشوار ، وهذا اهم شي...

ثانياً : العيون :

أحط زيت الخروع على رموشي بفرشاة الماسكرا، وأدهن منطقة حول العين بزيت اللوز ، والنتيجة عيوني صارت أحلى ، وهذا اللي أحس به لما أقعد من النوم..

ثالثاً : الجسم :

استخدمت هالطريقة فترة وتركتها مو لأني ما شفت شي ، بس كسل مني، بعد ما أسبح أدهن جسمي بزيت Baby Oil و هو رطب ، وبعدين أجفف جسمي ، وحسيت بطرواة ونعومة ، لكني ما استمريت فيها لأني غيرت مرطب الجسم اللي استخدمه والنتيجة تقريبا نفسها وهذا اللي خلاني اتكيسل، مع أنه الأولى أحسن ، لكن الكسل وما يسوي..


وبس ، هذي الأشياء اللي استخدمها ومازلت مستمرة على خلطات الشعر ، وانشالله بعد الامتحانات بسوي لي برنامج كامل لأجازة الربيع ، وانشالله بقولكم شنو هو والنتايج اللي شفتها