الله يبلغها الفردوس اللي تعطيني نصيحتها ورأيها

مساء الخير أخواتي ..... أنا معلمة والحمدلله لي تقريبا في الخدمة 20 سنه وبفضل الله لي إنجازات وتقدير وشكر من أكثر من جهة في ادارة التعليم ،،،، بالنسبة لوضعي في المدرسة كان ممتاز جدا ومديرتي تقدرني جدا وزميلاتي يحبوني كثير وهذا بفضل رب العالمين ،،،، ولكن شاء الله ان تنتقل ابنة عمي لنفس المدرسة اللي انا فيها حاليا وما أخفي عليكم العلاقة بيني وبينها رغم انه يكتنفها الاحترام والتقدير الا انها علاقة جافة وما أحس ابدا انها قريبتي ... والوضع يمشي عادي ومافيه اي خلافات الى ان حصل في بوم خلاف بيني وبينها وهي طلعت هي الغلطانه من وجهة نظر الزميلات ومديرتي ..... وبصراحه تألمت كثيييييير من بعد هالموقف لانها كانت مشكلة كبيرة وفيه اكثر من طرف ومرت علي ايام ما عرفت الراحه والنوم بسبب هالمشكلة وبسبب توتر علاقتي ببنت عمي رغم اننا تصالحنا وتصافينا في جلسة صفاء ..... ورغم اني متأقلمة بوضعي في مكان عملي الا اني فكرت أنتقل لمدرسة أخرى وأريح بالي وذهني ونفسيتي من التأثيرات اللي مريت فيها من بعد المشكلة اللي حصلت بيني وبينها بصراحة وجود اي قريبة لي في مكان العمل يسبب لي مشكلات انا في غنى عنها ومواقف سخيفة جدا .... فكرت كثير وقلت ليش أقيد نفسي بمكان معين وايش يميز هالمدرسه عن باقي المدارس .... وليش احنا دائما نظرتنا محدودة ومقيدة بالمكان اللي تعودنا عليه لسنوات .... دائما أقول لنفسي " التغيير حلو " وواثقة ان رب العالمين راح يعوضني بزميلات وصديقات أحن وأفضل وأصدق ..... الله يجزيكم الفردوس قولوا لي وش آرائكم بكل صدق لو وحده منكم في نفس وضعي ايش القرار اللي ممكن تتخذونه للحصول على هدوء البال والراحه النفسية ....