وينكم يابنات ماتدرون وش صار لي ؟ قماشة ..فاطمة .. غرابة ..البقية

ف

فتــــــــــون

عروس مشاركة

16-01-2004 | 09:52 AM

السلام عليكم ورحمة الله وبركاته

كيف حالكم يااخواتي كلكم ؟؟ انشاء الله ماعليكم ؟؟

وربي اشتقت لكم كثير وفاقدتكم اكثر .. والله ماصدقت

الأيميل اللي جاني بعودة المنتدى ..

هاه بشرروا احد حمل ؟؟ احد تزوج ؟؟ احد ولد ؟؟
الفترة والله كانت طويلة علي بس تدرون جايبة لكم اخبار عني

جديدة مادريتوا فيها ... واقسم لكم بالله احساسي ماينوصف هاللحظة
اللي بكتب فيها.... خذوا عندكم

غاليتي و القريبة الى قلبي اخيتي قماشة زري ...
وبقية البنات بدون استثناء ...
تتذكرون في موضوع قماشة ذكرت اني المشكلة صارت عندي
من ارتفاع هرمون الحليب وصرفولي العلاج في 9 /9 رمضان هذا
وقالت لي الكتورة ..احرصي في اكله ونشوفك بعد شهر انشاء الله
نحولك على عيادة العقم والأنجاب والله يكتب اللي فيه الخير ..
طلعت منها واقوول اللهم امين..
عاد انا في شعبان جلست اقرأ سورة البقرة على نفسي 15 يوم
متواصلة اختمها يوميا ختم كامل اقراها كلها هذي نصيحة جارة لي
جزاها اللله عني خير الجزاء..

ثم...
جاء رمضان الله يشرفه وجلست اختم القران واصلي القيام يوميا
وفي شعبان الحمدلله اصلي القيام مثل ماذكرت اخت لناهنا كعلاج
للعقم ..صلاة اخر الليل نص ساعه والاستغفار نص ساعه.. سويتها

وبديت اكل علاج الهرمون حسب الوصفة ..وبعد 9 ايام من العلاج
نزلت الدورة علي 18 /9حمدت الله على ماجاء منه..

واسمريت في الصلاة ..ويشهد الله علي ان كل دعوة
اخص بها نفسي اشركتكم فيها معي جميعا ..

المهم ...

تتذكرون علاج العقم : اداء العمرة والدعاء خلف المقام بدعاء زكريا ذكرتها
وحده من الاخوات هنا..

ابشركم رحت في رمضان وسويت عمره وقلت لعل الله ينفع بها..
وفي وقت الدورة اكلت العلاج بالتمر اللي ذكر هنا في المنتدى
( 7 تمرات + و3 ملاعق رشاد + 3 ملاعق زيت بكر على النار) وشربتها
على موية زمزم الثلاث الايام الاولى من الدورة ...

<<<<<<<<<<<<<<<< شفتوا الحماس كيف؟:shy:

المهم ...

موعد الدورة القادمة في 16 شوال ..طبعا على حسابي
لأنها تقدم معي يومين .. واعراضها موجودة صدري يألمني مع الحلمة
وماغص خفيف ...جاء 16 مانزلت

جاء 17 مانزلت :s2
جاء18 مثل الشهر اللي قبل برضو مانزلت:cool2:

وبديت استبشر خير

جاء 19 مانزلت :clap::clap:

فرحت كثير وكان موعد الكتورة في 20 تحويل لعيادة العقم
خفت اكون اخف بنفسي ..والا لأني افكرفيها تأخرت
وماقلت زوجي شي ..قمت من بكرة الصباح بدري على اساس
موعد الدكتورة ..وقلت زوجي وقف شوي على المركز الصحي
عند بيتنا ..ووريتها الملف معي انه عندي موعد بعد ساعه من الان
والدورة تأخرت عندي يوم واحد ابي تحليل دم ورفضت ..
قلت ضروري قبل لااروح يحولوني ..قالت لا بول اذا مابين نسوي
دم...
ناديت زوجي يكلمها على اساس انه زوجي علاقته طيبه معهم
حسب مجال عمله ..لأن المركز عندنا بالسكن وزجي يخلص لهم اشغال
قلت بتسمع كلامه ..قالت روحي جيبي طيب بول وتعالي:pain:

رحت وانا ضايقة منها ..وجبت لهاالبول .. وعطيتها وحطته بالتحليل
وزوجي جالس على الكرسي وانا واقفة امشي واروح

<<<<<<< مرة متحمسة ابي اخلص اروح لموعدي لايفوت

المهم...

جابت الممرضة التحليل وشافته الدكتورة ..وتطالعني وتطالعه

ثم صرخت مبروووووووووك
انا تبوني :eek2::eek2: بلمت مرة
اطالعها مومصدقة قلت وريني..شفته ؟؟؟ من زغللة عيوني مااشوف زين

قلت مابين قالت ماتشوفين ..خلاص روحو روحو لموعدكم وقولي لهم
حامل .. قلت ماراح يصدقوني حكومي لازم ورقة ..

لفت لي التحليل بمنديل وقالت خذيه لهم يشوفونه

اخذته ورحت ودخلت على الدكتور ة ..وشافته ..وقالت الحمدللله
علاجك تدرين مااخذ شهر قبل ..؟؟ قلت الحمدلله
قالت افتح لك ملف حمل عندنا ..قلت اوكي

بس قالت الموعد الجاي بعد اسبوعين تجين تسوين تحليل حمل ثاني
نحطه مع الملف هذا ضروري قلت خلاص ..وطلعت

اقسم لكم بالله طالعه طايرة من الفرحة والارض احسها ماتشيلني
وربي العالم اول ماجيت البيت على طول لجهاز الكمبيوتر جايه
ابي ابشركم ..وربي يعلم ذاك اليوم وش كنت .. ولما شفته مغلق
ضاقت بي الدنيا تمنيت ايميل قماشة بالذات ابشرها ..

وجيت من بكرة ونفس الحاله
وجيت عقبه نفسه كذلك
اليوم ارابع ...صحيت من النوم ..رحت الله يكرمكم دورة المياه
بأغسل الصلاة لقيت شي بني ... مسحته وطلعت
ومن بكرة طلع ثانية واكثر.. رحت لمستوصف اهلي عشان تعطيني
مثبت ..واخذته واكلته 3 ايام وبرضوه ينزل ماوقف

ومن بكرة المفاجئة الكبرى يوم الاحد 26 شوال الله لايعيده

صحيت من النوم ووش القى ... ووش اشوف ؟؟؟

دم دم كثير واحمر ...ضاق صدري وربي لي اسبوع من حللت
وانا مااتحرك من فراشي الا للصلاة بس ..

رحت لمستشفى الملك خالد الجامعي / الاسعاف العصر وسوت
لي تحليل حمل وبين فيه ..خشت علي من تحت قالت الرحم متسكر
تعالي بكره الصباح اسوي اشاعه واشوف الوضع ..طلعت واناانزف
بدون علاج يذكر ..

رحت البيت وصليت اخر الليل ودعيت ( اللهم لك الحمد فيما اعطيتني
ولك الشكرفيمااطعمتني ..فاللهم ان كان لي خيرافيه فأبقه لي
وان كان فيه شرا لي فأصرفه عني )

وسريت فراشي ومانمت وبكرة قمت لقيت الدنيا مايحتاج طافحه

اول ماجلست نزلت قطعة لحمة صغيرة .. سحبت السيفون عليها
ورحت لهم المستشفى سوت اشاعه ومابين شي ..سوواشاعه
مهبلية اول ماسووها ويضرب الدم في غرفة الاشاعه

مومتخلية حجم ذاك الدم وعمرالجنين اقل من شهر

المهم..

قالوا تعالي بعد الظهر وخذي النتيجة في الاسعاف.. رحت وجيت
تخيلو الدكتورة حضرتها في مكتبها فوق كلمتني بالتليفون تحت
مو متنزلة تنزل ..قالت مافيه كيس ولاجنين ..يعني طاح
والله يعوضك بغيره ..قلت وبس اروح قالت ايه خلاص

تخيلوا وربي من نزل البني واحس الم في ظهري مثل طلق الولادة
لحد لحظة ماكنت عندها قلت والم ظهري طيب قالت كلي باندول

طلعت ورحت البيت على اساس مانمت ذاك اليوم مواصله من
الالم والتفكير
..
الثلاثاء ..خلاص ماعاد اقدر اتحمل الالام رحت مستوصف اهليه
اول مادخلت قالت وجهك ليش شاحب كذا معك دم ..قلت مسقطه
كشفت علي وانجنت لما عرفت انهم مااعطوني حبوب تنظيف ولا
مضاد ..
قالت : ايش الأهمال هذا ..اذا مافيه تنظيف لازم حبوب ..روحي خذي الحين مغذي وابر تنظيف وابر مسكنه للألم وابر مضادوهذا تحليل سويه وتعالي
قلت ليش ؟ قالت وش سبب اسقاطك ؟ قلت ماادري نايمه وصحيت
الا الدم فيه ؟؟ قالت خلاص سوي التحليل وانااقولك

طلع التحليل ...

فصيلتي O سالبة ..قالت وزوجك قلت موجب ..انهبلت
قالت : انتي مااخذتي ابربعد ولادة طفلك الاول قلت لا
ولااعطوكي المستشفى (الملك خالد ) ابرة بعد التسقيط
قلت لا قالت متأكدة قلت اكيد

تدرون وش صار سبب تسقيطي فصيلتي اللي مااحد نبهني عليها
ابره بسيطة كان لازم اخذها بعد ولدي .. اعطتني هذي تقرير

ورحت في الليل انا وزوجي لمستشفى الرياض الطبي لأنه رفض اروح
الجامعي مرة ثانية ..ودخلت اول ماشافت الدكتورة التقرير قالت تنويم
قلت لا ماابي تنويم ..قالت ضروري عشان الأبرة هذي مسؤولية

الصباح اعطوني الابرة وطلعت والحمدلله انا بخير الحين:smile:

وحية ارزق ..:D2

عطوني اخباركم بالتفصيل الممل .. لأني مرة مشتاقة لكم

اختكم ومحبتكم
فتـــــــون

ا

التوأم

عروس متألقة

16-01-2004 | 10:21 AM

الحمد الله على سلامتج اختي فتون والله قطعتي قلبي ودموعي تصب

على فكره ذكرتيني بنفسي وتقريبا بنفس التواريخ ونفس المهزله اللي

صارت لي بالمستشفى ونفس جع الظهر واسلوب اللا مبالاه من الدكاتره

والبرود اللي يردون فيه عليج بالخبر (( مافي حمل ولا كيس يعني انتي

سقطتي )) .. المهم

الحمد الله والشكر على كل حال المشكله يا اختي فتون انا هالسؤال

سالتني دكتوره في اول اسقاط لي بعد ولادة طفلين انتي شو فصيلت

دمج ؟؟؟ وقلت لها B قالت لو كانت Oسالبه كنت بعرف شو سبب الاسقاط

المهم اسقاطي الاخير هو كان الاسقاط الخامس ... :(

وربي يشهد لولا ايماني بالله ومعرفتي بان الله ان اراد شي يقول له كن

فيكون ولو علمي بان الله رؤوف رحيم لكان صارت حالتي (( تعيسه ))

بس الحمدالله الحمداللهعلى كل حال

وانشاء الله يارب الله يعوضج خير وتحملين وتبشرينا واكيد مابتروح عمرتج

وصلاتج وقيام الليل وقرأت القرآن دون ما يعوضج الله بشي يفرح فيه

قلبج ... آآآآآآآ مين

:shy::shy: ودي احصل توأم عيونهم حلوين مثل هذيل

ا

البررريئه

عروس مشاركة

16-01-2004 | 11:04 AM

وعليك السلام والرحمه اخت فتون والله يعينج ويصبر قلبج ويعوضج بصراحه حزنت جدا يوم قريت موضوعج وهذا ابتلاء واختبار من رب العباد لعباده المؤمنين والله المستعان

ا

الفجر الباسم

عروس جديدة

16-01-2004 | 11:11 AM

الحمد لله على سلامتك أختي واسال الله العظيم انه يعوضك بالذرية الصالحة التقيه ياااارب واحتسبي النونو لله:shy:

ف

فوانيس

مشرفة سابقة

16-01-2004 | 11:20 AM

السلام عليكم و الرحمة
هلا فيج أختي فتــــــــــون
شخبارج ألحين إن شاء الله طيبة و مرتاحه
الله يعوض عليج بالخير يا رب
قدر الله و ماشاء فعل
بس ساعات إهمال الأطباء يسبب للواحد عقده :confused:
و ضروري جدا جدا انك تاخذين الإبرة بعد الإسقاط لأنه دمك سالب
أتمنى انه تبشرينا قريبا بحملك :smile:

ل

لمسات

عروس مبدعة

16-01-2004 | 11:41 AM

بسم الله الرحمن الرحيم

السلام عليكم ورحمة الله وبركاته

مرحبا فتون وحمد الله على السلامة الغاليه وماتشوفين شر

والله يافتون وانا يالسه اقرأ الي صارلج كنت حاسه بالي بيصير لج بالنهايه لأن وللأسف هذا حال الكثير من الحريم وتجربتهن مع بعض الممرضات والدكاتره العديمي المسؤوليه .. بس والله بيي اليوم الي يتحاسبون على اهمالهم هذا الي جنوا من وراه تحطيم قلوب ونفسيات الله يسامحهم بس

الله معاج الغاليه ومثل ماقالت الإخت
البررريئه

هذا ابتلاء من الله عشان يشوف مدى صبرج وثقتج فيه انه هو الله وهو على كل شيء قدير

والله ماني عارفة شقولج بالضبط بس صدقيني الله بيعوضج وبيرزقج بالذرية الصالحه ان شاء الله

والله يرزق اختي التوأم التوأمين الي تتمناهم واعيونهم تطلع حلوييييييين ان شاء الله ادعي انتي الله بس ..

على كل حال يافتون نحن أحوالنا بخير والحمد لله على النعمة الي عايشينها وبصراحه مب بس انتي الي اتولهت على المنتدى بس
كلنا والله اشتقناله

وفي النهاية تقبلي تحياتي وفائق احترامي

اختك لمسات
:smile:

ذ

ذوق

عروس مشرقة

16-01-2004 | 12:10 PM

هلا عزيزتي فتون سلااامات وماتشوفين شر اتوقعت اتكون النهايه اتبشر ابخير بس الحمدلله على كل حاال وماتشوفين شر كلها كم شهر ونسمع اخبار اتفرح انشالله...
انا مثلج في فصيلت الدم وقالولي لازم ابره خذت وحده وانا حامل والثانيه بعد الولاده بس تدرين ماكنت ادري حق شو خذتها اسالهم يقولوون ضروري عشان تحملين مره ثانيه بس مافهموني ان السبب في فصيله الدم...والله ستر...

ش

شهدالحب

عروس جديدة

16-01-2004 | 12:49 PM

السلام عليكم ورحمة الله وبركاته

الــــــف الحمدالله على السلامه فتـــــــون

واسال الله العظيم انه يعوضك بالذرية الصالحة التقيه يارب واحتسبي

واكثري من الاستغفاروالحمدفهو سلاح قوي

وتقبلي تحياتي

شـ(u)ـهـد

ف

فروحه الحلوة

عروس مبدعة

16-01-2004 | 01:13 PM

الحمد لله على السلامه اختي فتون ..والله يعوضج بالذريه الصالحه .. انت والاخوات اللي معانا في المنتدى ..

م

مرموم

نائبة المشرفة العامة

16-01-2004 | 01:27 PM

حمدا لله على سلامتك أختي فتــــون...

سبحان الله...ما حدث كان سبب من عند الله تعالى حتى تعرفي بموضوع فصيلة الدم و تعالجيه...

و طالما الحمد لله أخذت الإبرة ....يبقى إن شاء الله المرة الجاية خير و يثبت الجنين...و تقومي بالسلامة...:smile: و تجيبي أحلى بيبي للدنيا....

سبحان الله...عسى أن تكرهوا شيئا و هو خير لكم...

تحياتي لك أختي...و طمنينا عليكي دايما.....

b

bent^cute

عروس رائعة

19-01-2004 | 06:31 AM

بسم الله الرحمن الرحيم

تحيه وبعد...

حمدالله على سلامتك...

واسال الله العظيم انه يعوضك بالذرية الصالحة التقيه ياااارب ...

ويرزق الجميع الذريه الصالحه...

تحياتي

بنت كيوت

l

lazozat2001

عروس متألقة

19-01-2004 | 10:19 AM

kefek o5tee fatoon ???alla ye3wee9' 3aleeki enshaala we shafee3 nafee3 ya rab.....walla zakartenee belle sarlee lakeen al7mdulleah 3ala kol shi we al7amdulleh 3ala salamatek ......

ف

فتــــــــــون

عروس مشاركة

27-01-2004 | 02:37 AM

السلام عليكم ورحمة الله وبركاته

والله مثل ماتوقعتكم ... توقفون جمب الوحده وقفة الأخت
والقريبة الى القلب ..وفقكن الله جميعا ورزقكن بماتقربه اعينكن
واثابكن على دعواتكن خير المثوبة ..ولاحرمتم الأجربأذن الله

الأخت العزيزة.. التوأم

الله يسلمك ياغالية من كل شر
والله يفرح قليبك وقلب كل محرومة
بذرية تطيب لهانفسك وتقربهاعينك
عاجلا غير اجل بأذنه واحد احد
توأم يستقرون في رحمك وينمون
ويهون دربك في حملك ووضعك
انه قادر على ذلك ولايقدرعليه سواه
بأن يحقق مرادك وماادعوا به لك
اللهم لاصعبا الاجعلته سهلا ولاعسيرا
الا جعلته يسيرا ..يسر امر اخيتي وارزقها
بما تتمنى ياحي ياقيوم

سبحانك رب العزة عمايصفون وسلام على
المرسلين والحمدلله رب العالمين

اختك
فتووون

ف

فتــــــــــون

عروس مشاركة

27-01-2004 | 02:42 AM

السلام عليكم ورحمة الله وبركاته

اختي العزيزة .... البريئة

الله يسلمك من كل شر
وجزيتي خيرا على ردك ..وعلى كلماتك النبيلة
لاحرمك الله الأجروالمثوبة انشاء الله

اختك
فتووون

ف

فتــــــــــون

عروس مشاركة

27-01-2004 | 02:44 AM

السلام عليكم ورحمة الله وبركاته

اختي العزيزة ... الفجر الباسم

سلمك الله من كل مكروه ..واشكرك عزيزتي
على كلامك الجميل وجزيتي خيرا على امانيك
والله يسمع منك يارب واياااك انشاء الله

اختك فتووون

ف

فتــــــــــون

عروس مشاركة

27-01-2004 | 02:47 AM

السلام عليكم ورحمة الله وبركاته

اختي العزيزة .. فوانيس

الحمدلله ابشرك انا بخير وعافية
ومرتاحه ولله الحمد والمنه

يعني اشوا موانا لحالي اشتكي من اهمال
بعض المستشفيات ... حسبت حظي كذا
متعثر.. ولوانه متعثر على طول بس يالله:smile:

والله يسمع منك ويعوضني بداله واياك بأذن الله

اختك فتووون

ف

فتــــــــــون

عروس مشاركة

27-01-2004 | 02:56 AM

COLOR=blue]اختي العزيزة... لمسات[/COLOR]

الله يسلمك من كل شر ومكروه
ويعطيك الف عافية على الرد ومشكورة
ياغالية على كلامك اللطيف
والله يرزقك وكل محرومة بأذن الله
والله انكم من خيرة النساء وفقكن الله
ورعاكن في السراء والضراء

اختك فتووون

ف

فتــــــــــون

عروس مشاركة

27-01-2004 | 02:59 AM

اختي العزيزة ... ذوق

اولا الله يهون عليك انشاء الله ويسهل
امرك وييسر ولادتك واشكرك جزيل الشكر
ياغالية على ردك .. وسلمك الله من الشر

اختك فتووون

ف

فتــــــــــون

عروس مشاركة

27-01-2004 | 03:01 AM

اختي العزيزة ... شهد الحب

الله يسلمك من كل شر ومكروه
ومشكورة ياغالية على كلماتك
والله يرزقك وكل محرومة بالذرية
الصالحه انشاء الله ..والله لايحرمك
الاجروالمثوبة

اختك فتوون

ف

فتــــــــــون

عروس مشاركة

27-01-2004 | 03:04 AM

اختي العزيزة ..فروحة الحلوة

اللهم امين الله يسمع منك ويرزق
كل بنات المنتدى المحرومات بالذرية
الصالحه التي تقربهااعينهن
والله يسلمك ياغالية من الشر
وجزاك الله عني خير الجزاء

اختك فتوون