شوفوا حبايبي هذي الوصفة سهلة وايد ...
3 ملاعق طعام كستر
6 ملاعق حليب بودر
2 علبة قشطة
1 كيس جيلاتين مذوب في ربع كأس ماء حار
ككاو بودر كثر ما تحبون
الطريقة:
تحطين كل المقادير ماعدا الككاو فب الخلاط و تخلطينها لحد ما تصير مثل الكريمة.(الخلاط الكهربائي مش اليدوي).
صبي نصف الكمية في قالب ذو قاعدة متحركة وإذا ماعندك تقدرين تحطين ورق ألمنيوم في قالب بايركس بس أطراف الورق تكون أكبر من القالب عشان تقدرين تشيلتها بعدين. وحطيها في الثلاجة
اخلطي الباقي من الخلطة مع الكاكاو.. بالنسبة لي أحب أحط وايد لأنه يطلع.. يمممممممممممممممممممم..
وصبيها فوق الطبقة الأولى اللي بيكون لونها أصفر. وحطيها في الثلاجة.
لما تجمد قطعيها مربعات صغيرة و دحرجيها في مبشور جوز الهند وحطيها في قوالب ورقية.
ولاهنا والشفاء.. تراها سهلة ولذيذة.. جربوها وانشاءالله تعجبكم
حلو على كيفكم
d
27-05-2002 | 03:45 AM
ا
27-05-2002 | 05:29 PM
مشكوره يالغاليه على المشاركه الطيبه وتسلم ايدج
d
28-05-2002 | 12:07 AM
مشكورة حبيبتي وانشاء الله تجربينها وتعجبك..وإذا عجبتك ياريت تقولين لي يالغالية..
ح
28-05-2002 | 12:17 AM
مشكورة اختي
انا اموت في الحلى ...........
وبما انه الاجازة بدات اكيد اجربها
انا اموت في الحلى ...........
وبما انه الاجازة بدات اكيد اجربها
d
28-05-2002 | 12:28 AM
حبوبة ياحلوة الحلو ما يحب الا الحلو اللي مثله.. عموما جربيها وإذا عجبتك أطرشلك غيرها..
ر
28-05-2002 | 12:36 AM
يم يم
باين علية سهل ولذيذ
شكرا لك
اختك :D
باين علية سهل ولذيذ
شكرا لك
اختك :D
أ
03-06-2002 | 05:40 PM
ممكن أستخدم شيرة بدل الجيلاتين ؟؟ ..
d
03-06-2002 | 11:45 PM
هلا أم سواف..
للأسف ما يصير تحطين غير الجلاتين لأنه ضروري عشان تتماسك الخلطة.
للأسف ما يصير تحطين غير الجلاتين لأنه ضروري عشان تتماسك الخلطة.