مسقط...>أحسن صالون للعرايس

qute 15-01-2004 62 رد 3,826 مشاهدة
q
مرحبا بنات....

حبيت استفسر اذا أي وحده فيكم عندها فكره عن احسن صالون للعرايس في مسقط سواء من حيث الشعر و التسريحة او الميك اب,,,

هذا غير أصيلة لأن الحين أول ما تشوفي العروس تعرفي هذا كان شغل أصيلة أو لا..معظم العرايس تعدلهم بنفس الطريقة
اذا عندكم فكرة عن وحده ت تعدل بطريقة حلوة بحيث انها تكون بسيطة و راقية فياريت تخبروني
q
Im waiting for any resopnse
L
هلا عزيزتي

كلامك صح اصيلة صارت معروفة بمكياجها و هي ابد ما تغير من طريقة مكياج كل العرايس نفس الشكل
بصراحة انا عملت عندها مكياج و شعر مرة وحدو و ما عجبني كلش
بقول لك مالك غير مركز الطيف عند مريز بصراحة مكياجها يهبل
كل الي يشتغلون بالمركز لبنانيات

و اي خدمة انا موجودة
باي
L
هلا عزيزتي

كلامك صح اصيلة صارت معروفة بمكياجها و هي ابد ما تغير من طريقة مكياج كل العرايس نفس الشكل
بصراحة انا عملت عندها مكياج و شعر مرة وحدو و ما عجبني كلش
بقول لك مالك غير مركز الطيف عند مريز بصراحة مكياجها يهبل
كل الي يشتغلون بالمركز لبنانيات

و اي خدمة انا موجودة
باي
ع
مراااحب اختي
عندك
سمر صالون الملاك:cool2:
نادية العوفي صالون سما:cool2:
سارة البلوشي في الأفق:cool2:
ماريز(a)
زلفى(a)
سمية(a)
واخر ثلاث اسماء ماعندي فكرة عن اماكن تواجدهم
بس كل هذي الاسماء مكياجهم حلوووووووووووووووو:up:
:shy:
L
هاااااااااي :D2


اي مثل ما قالت اخت العمانية سمر مكياجها وايد حلو صالون ملاك في فندق رمادا

و مريز موجود في مركز الطيف الي بالخوير

و زلفى اعتقد بالقرم لو تبين عنوان بالضبط انا ممكن اجيبه

بس زلفى كياجها مو مثل سمر او مريز


و تحياتي:shy:
م
هلا..........

بصرااااحة واااايد سمعت يمدحون مكياج ماريز علشان كذا حجزت عندها وإن شاء الله يكووون وااايد حلو ....

وسمعت إن مكياج زلفى حلو و مكياج نادية العوفي حلو ....


ولج تحياتي

:shy:
q
Lilo
مشكوره حبيبتي على الرد بس تدرين ايش سالفة ماريز….. ماريز الي تعرفه تضبطله الميك اب و الي ما تعرفه تسويله أي كلام
بس زلفى أول مره أسمع عنه....كيف مكياجها حلو؟ وكيف بالنسبة للشعر
حبيبتي أنتظر ردك
q
عمانية
هلا والله...
الظاهر انه عندك خبره واسعه في هالمجال...... عاد ممكن تستحمليني اذا كثرت الاسئلة عليك....
سارة و نادية و ماريز شفت شغلهم و سمية هي الي ممكيجه بعض البنات في عرض الازياء العمانية الاخير بس سمر و زلفى ما سمعت عنهم ..ممكن تعطيني معلوما ت عن شغلهم اكثر يعني مقارنة بشغل نادية سواء المكياج أو الشعر
اسفه حبيبتي اذا طولت عليك بس على الله يكون الفرج على ايديك
q
ميرهان
مشكورة على الرد و ان شاء الله تكسويل لك مكياج حلو و تطلعي ست العرايس
مبروك مقدما
L
شوفي انا بقولج شي إذا انتي تبين مكياج مميز و على الموضى انصحك بمريز او سمر
انا بصراحة اتعامل كثير معاهم
سمر موجودة بصالون الملاك الي بصاروج بفندق رمادا اعتقد تعرفينه
و هم بالنسبة للتسريحات و الصبغات صالون ملاك احسن شي
انصحك بسمر لو انتي مو مرتاحة لمريز
بس سمر اسعارها اغلى من البقية :pain:

زلفى انا شفت مكياجها عند كذى وحدة من صديقاتي بس تعرفين هو عادي يعني ما فيه شي مميز ينفع علشان حفلى عادية
و اعتقد زلفى هي الي تعمل مكياج لشيماء بس انا مو متأكدة من ها المعلونة
بس الشعر بصراحة مو متأكدة لأني ما اتعاملت معاها شخصيا

و سلالالامتكم :shy:
ا
نطروني جاعده اخذ كورس في المكياج وبرجع للسلطنه بعد عشر شهور وامكيجكم ببلاش
لوووووووووول :D2


بصراحه عمان مافيها بنات من ذيج الخبره في المكياج
كل الي فيها انعدوا في الردود السابقه



انتظروا قنبله الموسم
الفارسيه قادمه (wink)


بس تعالي عندج سحر العزاوي
صج هي توها بس مكياجها رهييييييييييييييب
ر
مشكورة اختي qute على هالموضوع :clap:



بالنسبة للمكياج


سمر صالون الملاك فندق رمادا بس اسعارها غالية


مريز نفس الشى ومثل ما قالو عنها اذا تعرفج راح تخليج احلا عروس واذا ما تعرفج انصحج ما تروحين معاها


هالة اللى كانت فى مركز بيروت للتجميل وهى الحين اطلعت من عندهم مكياجها وايد حلو اذا بغيتى رقمها راح اعطيج عالخاص وممكن تسوين بروفة عندها



للشعر

صالون الين فى فندق كروان بلازا واسعارها حلوة تناسب الكل يعنى للتسريحة تاخذ 15 ريال


هذى كل المعلومات اللى اعرفها واتمنى البنات يفيدونا :up::up::up::shy:
q
حبيبتي Lilo:
اشكرك لتواصلك معي...والله لو تدرين اش جد انا متوهجه بهالزفافاف حتى احيانا اقول لنفسي انا ايش خلاني اتنيل و اوافق اتزوج!!!!!لو اقدر اتزوج من غير عرس كان زين
انا فعلا مو مرتاحة لماريز لأن كذا وحدة من قريباتي عفست لهم المكياج اما صاحبتي فلأنها تعرفها كان شكلها كثير انيق
زلفى ما شفت شغلها بس على حسب وصفك يمكن يكون نفس نادية ...مكياجها حلو بس ما فيه شي مميز
وسمر بعد ما شفته بس حبيت أسألك اذا تنصحيني فيها في صبغ الشعر "خصل"
q
الفارسية
حبيبتي شو رايك أأجل العرس عشرة أشهر علشان انتي تمكيجيني....كان زين اقدر بس ولا يهمك بنصير زباينك بعدين بس المهم عطينا خبر أول ما ترجعي عمان
كيف بالنسبة لسحر العزاوي عندها مشغل ولا تشتغل في البيت و ايش اسم مشغلها
حبيبتي انتظر ردك
q
روابى نجد
مشكورة على مشاركتك و الظاهر ان سمر فعلا شغلها حلو لأن كذا وحده من الاخوات ذكرتها بس هالة ما أعرفها يعني هي الحين تشتغل في البيت و كيف شغلها بالنسبة لسمر
انا الحين عندي مشكلة في الايميل المسجل في المنتدى بس رح ارسلك عالخاص ايميلي الثاني علشان تعطيني عنوانها او رقمها و مشكوره على المساعدة
L
هاي عزيزتي

:smile:

لا يا عزيزتي لا تتزوجي بدون عرس ترى بتندمي بعدين :pain: ترى هذي ليلة بالعمر و ما تتكرر:smile: عقباااالي:shy:


المهم انا قلت لك عن مكياج و انتي اختار ي طبعا يعتمد على نفسيتك لو تكوني مرتاحة مكياجك بيطلع جنان :up:

انا صبغت شعري خصلات في مركز الطيف عند فاطمة طلع وايد حلو

و عندك لطيفة في مركز الوادي هم هي بعد صبغات عندهم وايد حلو

و طبعا صالون ملاك بس اسعار عندهم وايد مرتفع :pain:

و عندك صالون راز هم شغلهم حلو

يلا اختاري عندك وايد خيارات :smile:

اوكي :up:
ر
انتي تأمري يالغالية


انا سمعت عن سمر وراح اجربها مكياجها حلو بس اسعارها غالية اذا بغيتيها تبدع فيج تاخذ 60 ريال هذا مب للعروس لغير العروس




بالنسبة لهالة هى بحرينية وهى تسويلج اما تروحين لها لبيتها او تجيج البيت اسعارها حلوة وممكن تاخذين بروفة من الحين او انج تروحين وتشوفين طريقة وضع مكياجها على اى عروس

انا انتظر منج الايميل



وصبغ الشعر انصحج تروحين مع امال فى صالون الين فى فندق كروان بلازا صبغاتها تجنن واسعارها حلوة :up::up::up:روحى وماراح تخسرين
غ
انا اخبركم.انا اعرف زلفى شخصيا و هي تسكن عند بيتنا في القرم.هي تمكيج نفس الطريقة للكل .وتسوي حلو حال اللي تعرفهم.واصيلة صارت موضة قديمة.صالون الملاك ما الى هناك مكياجهم.ومركز بيروت عند مدام عصمت لااااااااااااااااااا تروحي عندها للحوجب ابداااااااااااااااا لانها تخربه و لكن لقص الشعر فهي اووووووووووووووكي .انا قصيت عندها قبل كم يوم نفس قصة الفنانة مرام. ومريز اوكي بس للي تعرفهم اما اللي ما تعرفهم فما تعمل لهم حلو ابدا.

نصيحتي .... للمكياج روحي عند اخت مريز اسمها داليدا او داليا .هي اووووووووكي انا شفت مكياجها و على فكرة ترى هي مصورة بااااااااارعة تعرف تصورك و تطلعك مثل الملاك.اما للقص فعندك صالون بيروت.و للتسريحة ،ما في احسن من صالون الاجلال الي عند سنا في الوادي الكبير هناك وحدة هندية اسمها تلما تسوي الشعر جنان. للحواجب ما في احلى من صالون فندق روي نوفيتيل عندهندية اسمها تنوجا.انا اليوم كنت عندها.بس هي لازم تعملي عندها موعد قبل بفترة.بس هي كثير شاطرة .و اي شي انا حاظرة ,,,,,,,
ر
هلا هلا بيكم اتمنى مااكون تاخرت ...qute ...لالالالا والف لا لمــــريز ....مثل ما قالوا البنات ...هى مزاجية ...والله شوهت صديقتي بعرسها...:down:


اما الباقي فمكياهم عاااي جدا بس بصراحة ماشفت مكياج سحر العزاوى وبعدين انااعرفها شخصيا....ومااشوفها تتمكيج لذيك الدرجة ...عادي..

والله حاله..

بصراحة انا تعقدت من الصالونات...تصدقوا اني مكيجت نفسي بعرسي...
لاني تمكيجت مع وحده كانو جايبينها من المانيا في الزبرجد..
كانت سوريا...وطبعا هات يامدح مشكلتي اني صدقتها...
وليلة الزفه ...عينك ماتشوف النور...اطالع بالمراية ولا انا ....شرشبيل..!!!!!!!!:confused:
عاد ماكان في وقت اغير...
غسلت وجهي..ولاني اعرف امكيج طلعت كل خبرتي....
وطلع حلوو كثير ولحد الحين يسالوني وين عاملة مكياجك...!!:shy:
اقولهم سر..خخخ فشلة:o

ومن ذاك اليوم وانا اعمل مكياج لصحباتي بس..Free

مجانا...يعني
يقولولي ....ليش ما تعملي بزنس ...خخخخ
:cool2:

من يعرف يمكن بالمستقبل..:smile:
X