منو أحسن دكتوره يا بنات الامارات

حبيبتي دلوعة مب شرط اوراس يعني الله ما خلق غيرها انا اعرف دكتورة شاطرة وحبوبة وكنت اتعالج عندها اسمها جميلة وهي في عيادة الامارات التشخيصية ومانها في السطوة لكن عليها مخ واصلها هندية واتعرفين الهنود خبرة واسعارها جدا معقولة 100 او بالكثير 150 وليش ما اتسيرين عند زينب هذي ام الدكاترة كلهم وقديمة خطيرة اتسكت الكل لكن هاي مب فقر هاي بعد ام الفقر كله............................ز

بنات انا عندي مشكله وهي الاسقاط المتكرر حد سمع عن دكتوره مختصه

في هالمجال لاني تعبت والله صارلي اكثر من ست دكاتره تعاملت معاهم

وسبحان الله كاني كوكب غريب ياي على الارض يعني يستغربون مني

ومحد الين الحين فادني ..

:confused:

لو سمحتوا تسون فيني خير مع ان كل بيد الله والنعم بالله لكن انا عندي

مبدأ الأخذ بالاسباب ..

:shy: :shy:

مرحبـــــا ..

أكيد سمعتوا عن الدكتورة فوفو .. في عيادة السلامة بمدينة العين

الصراحة الدكتورة ماهرة وخبرتها من سنوات طويلة ..

وأسعارها جدا مناسبة ..

أنا شخصيا أتعامل معاها ...


أختي التوأم الله يكون في عونج ..

أنا أعرف بنات في مثل حالتج .. واايد يعانن

دائما ينصحونهن الأطباء بعدم الحمل مباشرة بعد الإسقاط علشان

الجسم يرتاح ..

وإذا حملت ما يخلونها تتحرك طول الوقت مسدوحة على السرير ولا

تبذل جهد .. لان طبيعة جسمها ما تتحمل وأقل جهد يأثر على الجنين

ويعطونهن إبر تثبيت طبعا مع الفيتامينات الي تحتاجها الحامل ..

أختي .. وكلي امرج لله ومثل ما قلتي نحن نأخذ بلأسباب والباقي

على رب العباد الي ما ينسى عباده ..

تحياتي لكن ..

السلام عليكم ورحمة الله وبركاته عزيزتى دكتوره أمال البيلى في الخالديه ممتازه جدا وأسعارها أكثر من معقوله:up:

بنات ،،، شو رايكم بالدكتورة العراقية جوان؟ وشو عن اسعارها؟ّّ

انا اسير عند اوراس دوم،،، ولو انه اسعارها زينة بس الله يهديها تنتظرينها ساعتين ويوم تدشين عندها تمين بس دقيقتين،،، حتى ما يوحيلج تسألين اللي في بالج من كثر ماهي مستعيلة وتبا تلحق على باقي الحريم،،،،

ياريت لو البنات يفيدونا اكثر وخصوصا الداكترة او قصدي "الدكتورات :D2:D2:D2"اللي في مستشفى الوصل

انا اروح لدكتوره اسمها غزل فى العين...

هى وااااااااااايد زينه بس المشكله الزحمه اللى عندها...و اسعارها زينه بعد يعنى 100 او 150 تقريبا ..

وعلى فكره هى طيبوبه وايد و تتعامل معاج كانها تعرفج من زمان ...و اللى نصحونى بها ناس وايد

ابصراحه ما اظن اروح عند غيرها

شفتوا الاخلاص كيف...:shy: :D2 :D2

التوام ......

يمكن عندج ميكروبات بالدم لازم اتسوين تحليل

لانه الميكروب ما يخلي الجنين اتم في البطن ينزله

وهذا الشي بسيط يمكن يكون من جرح استوى لج ... ما يخوف علاجة مثل السعال ( الكحة)

جي بسيط ولازم ما تحملين لين تتعالحين منه لانه اذا حملتي بينزل

والله يرزقج الذرية الصالحة ...






DalOoO3a_S

اوراس زينه وشاطرة خالتي اتعالج عندهاااا


بس بصراحة عن الاسعار ماعرف ؟؟

:smile:

اختي التوأم

انا عندي لج حل

و بارسله لج على الخاص


التزاما بقوانين المنتدى

و انشاء الله فيه الحل الاكيد

اختي a7saaaaaas


حبيت اسالج عن الدكتورة اللي اتسيرين لها و الله قلتي اسمها جميلة

و ين عيادتها بالظبط

لاني انا في جميرا

و اذا هي في السطوه فمعناته قريبة

هلا اختي اوبرا

الدكتورة جميلة موجودة في البناية اللي فيها ملك البن اللي هو بالضبط ورا جمعية الاتحاد اللي في السطوة واسم العيادة الامارات التشخيصية

ما قصروتي خواتي وانا يوم اقول خواتي صدق اعنيها لان ما في بنات

يكون قلبهم على بعض الا الخوات وانتو خواتي وانا احبكم (u) (u) (u)




اختي خوله اشكر شعورج الطيب وكلامج اللي يطيب الخاطر .. :smile:




واختي ام ماجد بخصوص الميكروب على فكره انا من اسبوعين راجعت عند

دكتوره في الشارجه اسمها فاطمه ابو شوك واول مره اتعامل معاها بس

امي وخالاتي من 20 سنه يعرفونها على قولة امي ما ادري كيف فاتني

اقولج تروحين لها المهم اني رحت لها قالت في وحده من شهر راجعتها

وعندها نفس اللي عندي يعني اسقاط متكرر بدون سبب وسوت لها

هالتحليل وطلع عندها مكروب في الدم .. المهم قالت اول شي بسوي لج

هالتحليل وبالفعل سويته وبعد يومين طلعت النتيجه وقالت عندج

هالمكروب استغربت لاني صار لي اكثر من سنه ونص وانا ما خليت دكتور

ودكتوره الا راجعت عندهم محد فكر يسويلي هالتحليل المهم ما ادري

عطتني حبوب علاجها لمدة اسبوع بس وتكون في ايام الدوره الحمد الله

خلصت الاسبوع بس بعدين يتني حساسيه وتقولين كان جرب وجسمي

ورم ورحت المستشفى وقالو لي وقفي الدواء لان مش عارفين اي واحد

فيهم اللي مسوي لج الحساسيه المهم اني خلصت الاسبوع اللي

مفروض هو فترة العلاج ... :smile:

بس اذا عندج فكره هل طريقة علاهجها بس جي ولا شي ثاني وكم بعدها

اقدر احمل لان الدكتوره سافرت وبترجع بعد 3 اسابيع يعني عادي اقدر

احمل ... واسفه اني طولت ... :pain:

اختي اوبرا اشكرج مره ثانيه على رسالتج الخاصه ..



:shy: :shy:

هلا خوااااااااااااااااااااتي .....


أنا انصحكم بدكتـورة زينب الصراحه عجيييييييبه واااايد وام الخبرات .. وانا بكــر ومن بدا حملي وانا اراجع عندها ........



والسمووووووووووووووووووحه

[انا اانصحكم اتسيرون عند الدكتورة نهلة ابو سمرة لانها الصراحة

وايد حبوبة اوخبيرة في الولادة . انا كنت اراجع عندها في الحمل

الاول والحمدلله كل شي عد على خير او كانت الولادة طبيعية

او الحين بعد اراجع عندها في الحمل الثاني.


او هى عيادتها فى شارع المكتوم فى بناية الدوحة سنتر فى الطابق

الخامس.

مشكورة احتي a7saaaaaas على الرد و التوضيح



مرحبا اختي sbair_dubai

انا بعد سامعه عن الدكتورة نهلة يمدحونها وايد

مرحبا اخواتي
وكل عام وانت بخير بمناسبة عيد الاضحى المبارك اعاده الله عليكم باليمن والبركات .

وعساكم من عواده .


سؤال شو رايكم في الدكتورة نهلة تنصحواني فيها

رورو,,,,,,,,,,,

أخواتي اا بعد أنصحكم بالدكتوره نهله بصراحه أنا أراجع عندها تعاملني جني أختها وتخاف علي وايدوكانت إذا كنت اتعب لدرجة إنها تتصلي في اليوم أكثر من مره علشان تطمن عليه يعني وااايد تخاف على اللي يراجعن عندها وأسعارها معقوله كل زياره 200 درهم بس التحاليل اللي تسويها في الشهر الرابع يوصل سعرها 400 درهم

السلام عليكم ورحمة الله وبركاته


اعطيج نصيحة اقري المعوذات على عمرج واذكار الصباح والمساء لا تفوتج بعد الصلاه في وقتها وكثرة السجود والدعاء في السجود.......لانه اقرب ما يكون العبد من ربه في سجوده ......ويارب تبشرينااااااا:up: