بنات دبي تعالو دلوني - منتديات عروس

السلام عليكم ورحمة الله وبركاته.....

انا من السعوديه ولي حوالي اسبوعين متزوجه.. عاد جيت لدبي قعدت يومين ورحت المالديف :cool2:
والله انها وناسه :up: صح اني كنت اصغر الموجودين بس استانست (كل اللي كانو هناك متقاعدين:D2)

المهم انا رجعت لدبي وبقعد اسبوع باذن الله عاد ابي منكم تدلوني على الاماكن الحلوه اروحها لأن زوجي مره ما يحب يسأل ويومنا كله يروح في الاوتيل واذا تحركنا نزلنا اللوبي ولا اتعشينا يا في المحاره ولا المنتها الين طفشت :confused:

عاد قولولي اذا فيه اماكن زينه ومطاعم........

بس تكفون عجلو علي انا مو مطوله ....

سنكيووووووووووووووووووووووووووووووووووووو:cool2:

ما اعرف شو تحبين اماكن ترفيه او اسواق ..؟

لكن على العموم ممكن تروحين ابراج الامارات .. جزء منه فندق والجزء الثاني مركز تسوق حلو للتمشي و فيه مطاعم .. مطعم النافوره لبناني اكله لذيذ :up:

اذا حبيتي تركبين تلفريك و تتمشي على شاطئ الخور ( الجو يخبل و المنظر روعه بعد المغرب ) روحي حديقة الخور .

اذا تبغين عشاء على ظهر السفينه التراثيه ما بتنسينه في حياتج بياخذ له لفه كامله من اول الخور لآخره روحي مطعم البوم ( البوم يعني سفينه) الجلسه فوق احلى .

اذا تحبين الالعاب والترفيه .. عندج وندر لاند .. او حديقة العاب مائيه اسمها وايلد وادي عند برج العرب ..

اذا تحبين تشوفين فنادق فخمه تفطرين او تتغدين او تتعشين عندج جراند حياه للفطار .. و الغداء مأكولات بحريه لذيذه في مريديان اللي عند المطار .. او عشاء في مطاعم مغربيه في رويال ميراج و فندق شانجريلا ..

فنادق حلوه بعد : فيرمونت .. دوست .. السلام .. كلها تستحق الزياره .