منع تساقط الشعر..

السلام عليكم ورحمة الله وبركاته

شلونكم ؟؟ انشاءالله بخير وعافيه ,,

(( أخواتي العزيزات ارجوا منكن قراءة الموضوع بتمعن وتركيز قبل كتابة أي رد عليه )) وجزاكن الله خيرا ..

حبيت اشارك ولأول مره و في موضوع يهم كل البنات وخاصة اللي يعانون

من تساقط الشعر ,,

وراح انقل لكم تجربة خالتي اللي مازالت ولله الحمدمستمره عليها وكلنا

لاحظنا التغير ويارب تحفظها من كل شر..

اولا : خالتي من سنين طويله تعاني من تساقط الشعر ولاخلت خلطه ولا

علاج الا واستخدمته لدرجة جلدة راسها واضحه شعرها خفيـف جدااااا.,,

وكل ما حصلنا علاج جديد نعلمها وكانت شغلنا الشاغل..

ثانيا : آخر مره شفت خالتي قبل التغيرات كان في شهر 6 اللي طاف ,

وشفتها في رمضان ماشاءالله تبارك الرحمن , الله لايضرها بشر, المنطقة

اللي في مقدمة الرأس مغطيها الشعر بكثره , واللي كنا نشوف جلدة

راسها الحين لاإله إلا الله موباينه..,, فسألناها وقالت :

وحده صديقتها مدحت لها علاج على هيئة بخاخ يرش على فروة الرأس

ويدلك جيدا ويستخدم مرتين باليوم مره الصباح ومره بالليل وبعدها

يغسل ,, بشروط :

1- عدم استخدام أي علاج آخر في هذه الفتره واقتصارها عليه فقط .

2- عدم ملامسة السائل للأذنين أو الجبهة لانه يسبب ظهور الشعر فيها , أو أي منطقة

اخرى بالجسم.

وبالنسبة لخالتي فهي تداوم بالنهار و ماتستعمله إلا في المساء وتنام فيه

والصباح تغسل شعرها

وعلى فكره هو ييبس الشعر وقت ماتحطينه عليه مب على طول واللي تبي فائدة تستمر عليه , والأهم من

ذلك الإتكال على الله عز وجل ..وياليت تستشيرون دكتور جلدية وأنا حبيت افيدكم مو أكثر ..

وذا اسم العلاج (( Regaine Axtra strength minoxidil For men ))

على فكرة هو خاص لتساقط الشعر للرجال واول ماتسألين الصيدلي عنه بيقولك هالشي .

وسعره في الرياض اعتقد اكثر من 100 ريال وبإذن الله اتأكد لكم , وخالتي

تأخذه من (صيدلية السقاف ) وقبل اسبوع دورت عليه فمالقته عندهم

ومادري إذا فيه عند غيرهم , أنا سالت في الشمال وحصلته بسعر 82

ريال والباقي عليكم ويارب تلقون بأرخص ... وبالتوفيق يابنياااااات .:smile:

الله يزيدكم بركه و يهنيكم ويكسيكم بهاء وجمال ولاتنسونا انا وخالتي من دعواتكم ..

..
مع تحيــــــات اختكــــــــم ** توليـــــب **
:no: