روائع عيال الفيصل....

وقّـــــــــــف
وقف ترا لي والهوى وانت ميعـــــاد
* * * يامن جمع بشفاه جمرة وماهـــــــــــــا

طق اللثام و لا تبيـــــن لحســــــاد
* * * لا لا تخلي كل عينِ تراهـــــــــــــــــــــا

في شفتك جمر حمر فيه وقــــــاد
* * * اغليت انا لون الجمر من غلاهــــــــــــا

اخاف من واهج شفاياك يــــــــزداد
* * * ويحرق ورود الخد واهج سناهــــــــــــا

ورد على غصن من البـــــان ميــــاد
* * * ورد نما في ظل رمش كساهــــــــــــا

رمش على جال النواعيس صيـــــاد
* * * ذبح القلوب اللي تعرض حماهـــــــــــا

عقلي وقلبي منك في حرب وجهاد
* * * واشوف دق القلب ميل خطاهـــــــــــا



الامير الشاعر
خالد الفيصل
…………….
ليتني ما شفت
ليتني ماشفت في عينك دموع
... منظر الدمعه على خدك هلاك

يامضوي في دجى عمري شموع
... الحزن ماخلق لعيون الملاك

اتحمل عنك كل امر يروع
... خذ هنا قلبي ,وخلف لي عناك

واتقدم لك بقلبي في خضوع
... ضح به في هيكل الحب لهواك

او تلطف به وضمه في الضلوع
... علها تورق غصونه في حماك


من سهومك ماحمى قلبي دروع
... والشفا ياروح روحي في شفاك


عبدالله الفيصل
…………..

يقول دايم السيف..
خالد الفيصل…

ليه اذا حبيتك أكثر زدت قسوة

و ان دريت بحاجتي لك زدت جفوة

و ان عطيتك من حياتي ما تريده

ما كفاك و تحسب أن الحب نزوة

و الله اني يا أحب الناس أحبك

و الله ان الروح لو ترضيك فدوة

و الله اني تارك غيرك و جيتك

مزعل الزعلان و العذال عنوة

كل دقة قلب فيني لك قصيدة

تكفي الدنيا مع الأحباب غنوه

و كل هاجس ما يجيب الا خيالك

سلوتي بالعمر هي صحوة و غفوة

أجمع احساسي و أشواقي و أجيلك

و ألبس ثياب الهوى و العشق كسوة

و أنتقي لك من سواليفي حسنها

و القصايد من غزلها كل حلوة

و أنثر العبرات و الضحكات عندك

تاخذ اللي تنتقي لك فيه سلوة

و أذكر الله كل ما شاهدت حسنك

أشهد انك فوق عرش الزين ذروة

ما قصدت بكل هذا أتجمل

أو أقول اني أحق الناس حظوة

أدري اني عادي ما فيني ميزة

و أدري اني كادحن ما حاش ثروة

و أدري اني في خريف العمر ماضي

ما بقى بيني و بين القبر خطوة

لكن اني صادقن فيما أقوله

و أطلب من الله عن الزلات عفوة

………………..
رائعة عبدالله الفيصل
ثورة الشك
أكاد أشك في نفسي لاني

أكاد أشك فيك وانت مني

يقول الناس إنك خنت عهدي

ولم تحفظ هواي ولم تصني

وانت مناي أجمعها مشت بي

إليك خطى الشباب المطمئن

وقد كان الشباب لغير عود

يولي عن فتى في غير أمن

وها أنا فاتني القدر الموالي

باحلام الشباب ولم يفتني

كان صباي قد ردت رواه

على جفني المسهد أو كأني

يكذب فيك كل الناس قلبي

وتسمع فيك كل الناس أذني

وكم طافت علي ظلال شك

أقضت مضجعي واستبعدتني

كأني طاف بي ركب الليالي

يحدث عنك في الدنيا وعني

علي اني اغالط فيك سمعي

وتبصر فيك غير الشك عيني

وما أنا بالمصدق فيك قولا

ولكني شقيت بحسن ظني

وبي مما يساورني كثير

من الشجن المورق لاتدعني

تعذب في لهيب الشك روحي

وتشقي بالظنون وبالتمني

أجبني إذ سالتك هل صحيح

حديث الناس خنت؟ام لم تخني؟



عبدالله الفيصل
……………
اسمحولي اني اختم لكم القصايد بقصيدة رائعه اتمنى انها تنال اعجابكم…
وعتبروها خاتمه مني للموضوع…
الرائعه لخالد الفيصل… افهموا القصيدة…
لا تصد هناك ياعمري دقيقه
… العمر محسوب بحساب الدقايق
في بحر عينك تبينت الحقيقه
… في كل موجه تنقل لعيني حقايق
الهواى دلتني عيونك طريقه
… ثم سوت وسط قلبي لك طرايق
كم نفس في هواء عينك غريقه
… انا اشهد اني رحت من ضمن الغرايق
كل مافرجت يامحبوب ضيقه
… غبت عني واصبح الخفاق ضايق
التفت يمي ترى عمري دقيقه
… ليتني اضيع في سماء عينك دقايق
………
خاتمه مني …
ان غبت عنك دمعتي لك رساله **وان غبت عني .زارني عقبك الطيف **والحب موت …وموت حبي الحاله **وتجاربي بالحب ...من قبل ذا زيف **مثل الوحيد اللي .. يخيفه ظلاله **واتخيل ان العمر .. من دونك امخيف **مير البلا مثلك..صعب مناله ****مثل الغريق اللي يبي رملة السيف