بسرعه وصفه لزيادة ادرارالحليب!!!!

اهلا نانو .. السلام عليكم ورحمة الله وبركاته ..

في اكلات معينة تزيد من ادارا الحليب منها الرهش والجرجير والشوكولاته والتمر..

بالنسبة لي انا مجربة الرهش، ملعقة وحدة بعد الاكل تخلي الحليب يكفي الطفل وزيادة طول اليوم.. انا جربته في رمضان وظل الحليب والحمدلله لين وقت الفطور..

والله يحفظلك طفلك

شان قلتولي هالفكره قبل رمضان

لاكنها معلومه حلوه

السلام عليكم ورحمة الله وبركاته
مشكوره ياأم هدوله على هذه الوصفه وان شاء الله بجربها بس بعد ماتقولين لي ايش هو الرهش

الحلاوه الطحينيه هي الرهش
انا جربت الماء ةالكاكاو :up::up:
والتمر
جايه رايحه اشرب مويه وحاطه صحن تمر وكيسه ام&امز امممممممم
وكل شوي اكل والحمدالله الحليب كبر بنتي وصارت دبدوبه
يمكن من الكاكاو:think:

الرهش هو الطحينية
انا الدكتور قالي كلي رهش وكوب عصير الخلي حليبك يزيد ويكفي حتى عيال الجيران بس اول ما صدقته لين جربت الحمد الله في اليوم الي اكل رهش احس ولدي بع والحمد الله بعكس يوم ما اكل

سلاااااااااااااام


أأأأختي هذه الوصفة تزيد كمية الحليب ومضمونة

أأأأأأنا بروحي مجربتنهاااا وحدة خبرتني عنهااااا

أأأأطبخي الحليب ولازم يكون فرش طااااازج

حليب العين أأأأأو حليب المراعي أأأو أأأي

نوع المهم أأأنه يكون طااااااازج أأأأطبخية

وحطي له حلبة مطحونة وسكر ويوم يدفئ بندي عنه

وصبية داخل دلة وأأأأأأأشربي منه على طول اليوم

وشوفي النتيجة :up:

السلام عليكم ورحمة الله وبركاته ..

وصفة طيوف بعد ممتازة وتدر الحليب، بس المشكلة ان ريحة الحلبة صعب تروح، وموب عدله انج تنفرين اللي حوالينج.. فيكفي تشربين الحليب مع الحلبة يوم او يومين في الاسبوع، لان الحلبة بعد زينة لعظام الام والطفل..

والله يحفظكم ..

انا اقولج اللي يساعد على ادرار الحليب هو شرب السوائل بكثره والحلبه مع الحليب عااادي اشربيها وبعدها غسلي اسنانك وتروح الريحه على طول واكل الجرجير والبربير والبقدونس والبقل واااااايد زين لادرار الحليب .

جربي وانشاءالله بتدعين لي

أنا عندي بنات توأم و أحس حليبي ما يكفيهم

بس بعدين قالت لي الطبيبه آكل شوكلاته وسوائل وعسل

وانا طول يومي آكل جالاكسي :up:

لين كبروا بناتي الحمد لله بس ما صاروا دبدوبين :confused:

يبينون أصغر من عمرهم :pain:

جربي هالوصفه فهي اكيد بتزيد من ادرار الحليب

خذي حبوب الحلبه ونجعيها في الماي لمده ساعتين
بعدين اغلي الحلبه زين زين وبعدين خليها تبرد واضربيها بالخلاط مع الماي مالها


عندج طحين السميد حطيه في ماي واغليه مع الشوفان والحلبه المضروبه بالخلاط لين يصبح ثخين

ضيفي الحليب ( حليب حسب الكميه الي تبينها ) علشان الخلطه تصير اخف وتجدرين تشربينها
( لا تخلين الوصفه ثخينه كلش ولا تخلينها سائل كلش خليها مثل السموثي ) يعني تكون مثل الميلك شيك
ضيفي سكر معاه حسب الرغبه

يعني سميد وحلبه وشوفان
وعسى ان شا ء الله اكون افدتج بشي

شربي 4 اكواب يوميا

القمح المبرعم واايد مفيد لإدرارالحليب وتحصلينه عند الحواج (محلات العطاره) نصحتني الدكتوره اللي اراجعها باستخدامه والرهش يقولون مفيد:up:

بسم الله

هذة خلطة من الأعشاب تساعد على إدرار الحليب
1-ملعقة صغيرة كمون
2-ملعقة صغيرة يانسون
3-ملعقة صغيرة شمر
4-ملعقة صغيرة حبة سوداء
5-ثلأث ملأعق صغيرة شبت
تخلط جميع المقادير ويؤخذ منها ملعقة كبيرة على كوب ماء مغلى ويترك مغطى مدة عشر دقائق
ثم يحلى بلعسل ويشرب ثلأث مرات فى اليوم
****وصفة مجربة صدقونى بعدين ماتقدرون تلحقون على الحليب

عزيزتي

الله يعطيك العافيو

انا ما عندي الخبرة الكافية في هذا الموضوع
بس سمعت معلومة وأعتقد انها جداً مفيدة وراح تفيييييدك
أن شاء الله تعالي

انا دائماً أسمع الدكتورة مريم نور

تردد ان التييين يزود حليب الصدر كثير
وهي دائماً تعيد هذا الكلام وتنصح الكل فيه

أتمنى اني افتدك ولو بالقليل

كاتب الرسالة الأصلية : سرابي
بسم الله

هذة خلطة من الأعشاب تساعد على إدرار الحليب
1-ملعقة صغيرة كمون
2-ملعقة صغيرة يانسون
3-ملعقة صغيرة شمر
4-ملعقة صغيرة حبة سوداء
5-ثلأث ملأعق صغيرة شبت
تخلط جميع المقادير ويؤخذ منها ملعقة كبيرة على كوب ماء مغلى ويترك مغطى مدة عشر دقائق
ثم يحلى بلعسل ويشرب ثلأث مرات فى اليوم
****وصفة مجربة صدقونى بعدين ماتقدرون تلحقون على الحليب

هلا اختي سرابي عندي سؤااااالين
ايش تقصدين بالشبت ؟؟؟
لاني مره قريت في المنتدى ان الشبت هو الكمون ..
بس انتي هني ذاكره الكمون
وعندي سؤال ثاني ..نشرب منه 3 اكواب في اليوم تقصدين ؟؟
ياريت تجاوبيني لاني ناويه استخدم هالخلطه لاني حامل في شهوري الاخيره

ومشكوووره :up: