خبيرات صبغ الشعر ساعدوني

السلام عليكم

انا ما قط شاركت بأي منتدى بس من خوفي على شعري فكرت استشيركم

اليوم صبغت شعري لونين .. نصه فوق بني غامق بس افتح من لون شعري بشوي والنص التحتي هايلات نحاسي

طبعا انا ما بغيتها جذي .. كنت ابي الاطراف لونها افتح بشوي مو نص الشعر وكنت ابيها بني فاتح مو هايلايت نحاسي

انا جازفت واول مره اصبغ شعري وخايفه انه ما يرجع مثل قبل .. اللون طبعا الكل قال عنه حلو ومناسبني بس بغيته يطير بسرعه ويرجع لون شعري الطبيعي

شلون اقدر ارجع لوني الطبيعي بدون ما اضر شعري؟؟ .. طبعا بعيد عن سحب اللون او الحنى او صبغه مره ثانية .. بغيت شي طبيعي ممكن يساعد

مثلا لو لحقت عليه هالاسبوع اغسله اكثر من مره مع حمام زيت ممكن يساعد؟
يا ريت الخبيرات يعطوني حل

وحبيت اقول شعري طويل وايد وراح اتعب عما يطول وينزل الشعر واقصه .. خصوصا اخر السسنوات ما يطول بسرعه ابدا