زفة عروستين مع بعض.. شو رايكم؟

ر

روح الأمل

عروس نشيطة

05-12-2003 | 04:45 PM

السلام عليكم بنات..

حبيت استشيركم في زفتي.. لأني بكون ويا عروس ثانيه بنفس الوقت.. ومحتاره.. مره أقول انزف بروحي وهي بروحها.. وناس نصحوني ننزف مع بعض في نفس الوقت..

حبيت هالفكره لأني حضرت أكثر عن عرس انزفوا فيه عروستين كل وحده بروحها.. وتصير أحقاد وعداوات بين أهل كل عروسه.. قلت يمكن لو انزفينا مع بعض تكون زفه جديده ومافي أحقاد ومشاكل من اول يوم..

شو رايكم؟؟

وإذا انزفينا ويا بعض... شو أفكاركم... وشو الزفه اللي تنصحونا بها.. بشرط تكون بدون موسيقى..

وتسلموون :)

s

shahad999

عروس نشيطة

05-12-2003 | 05:08 PM

هلا اختي ..في البداية الف مبروك لكم ثنتينتكم..

واذا تبين راي انا افضل تنزفون مع بعض ..لعدة اسباب.. اولها مثل ما قلتي يصير الحقد بين الأهل لأن بعضهم يتحمسون لزفة وحدة من العرايس اكثر من الثانية ..فاالثانية ينكسر خاطرها .. او تكون زفة وحدة منهم احلى من الثانية من ناحية الحركة..فانا افضل انكم تدخلون مع بعض وهذي الشي راح يشجع الأهل انهم يقدمون احسن ما عندهم لأنجاح لزفة والعروستين يكونون راضيات والأهل بعد..وانا رحا كذا عرس في عروستين وانا براي انهم ينزفون مع بعض احسن علشان كل وحدة تاخذ حقها

اما بالنسبة للزفة من غير موسيقى فما عندي فكرة بس اذا حصلت ان شاء الله اساعدج.. بس ربيعتي زفتها كانت وايد حلوة ومن غير موسيقى دخلت على اسماء الله الحسنى

غ

غالية الأثمان

عروس برونزية

05-12-2003 | 05:15 PM

الله يوفقج يالغاليه

وانا نصيحتي من نصيحة الأخت

انزفو ثنتينكم احسن

أحسن بواايد الغاليه

كل وحده بتاخذ حقها من الزفه

واتمنالج حياة سعيده حبوبه

مع خالص محبتي
غاليه

l

ladan

عروس جديدة

05-12-2003 | 05:26 PM

وانا بعد بانصحك تنفون مع بعض بتكون احلى وبتحسوا بفرحة اكبر وان شاء الله يارب بالرفاه والبنين ليكم انتو الاثنين .والله يرزقم بالولد الصالح وتكون احلى زفة

ز

زوبعه

عروس مبدعة

05-12-2003 | 06:02 PM

أنا راي من راي خواتي العضوات

وألف ألف مبروك

c

co0o0ol

عروس جديدة

05-12-2003 | 06:29 PM

اذا كنتو قريبات او صحبات

انزفوا سوا احسن عشان ما يصير في مشاكل

اما بدون اغاني فما عندي فكرة بس ممكن تنزفون بالطار

اتمنى اكون ساعدتك

تحياتي

ر

روح الأمل

عروس نشيطة

06-12-2003 | 02:32 AM

ماشالله :o يزاكم الله خير خواتي وتسلمون على هالردووود الحلوه :up:

هلا اختي شهد ومشكوره على الرد.. الله يبارك فيج الغاليه.. رايج نفس رايي :) وتسلمين على المساعده.. وودي لو تسئلينها أكثر عن الزفه...

هلا اختي غالية الأثمان.. تسلمين الغاليه على المشاركه والله يوفقج :)

هلا اختي ladan .. تسلمين اختي على هالرد الحلو والدعاء.. ولج بالمثل آمين :)

هلا اختي زوبعه.. تسلمين على الرد.. والله يبارك فيج الغاليه :)

هلا اختي كوول.. بصراحه نحن قريبات بس مب وايد.. هالشي اللي مخوفني.. انا حابه اتفق وياها عالزفه بس اخاف ما اقدر.. والله ايسر اللي فيه خير.. تسلمين والله :)

بصراحه استغربت اتفاقكم وياي.. اتوقعت تعارضون الفكره.. شجعتوني :) أتمنى من البقيه المشاركه بآراءهم وساعدوني في ترتيب الزفه :)

K

KiM

مشرفة سابقة

06-12-2003 | 12:52 PM

الف مبروك لكم أنتوا الثنتين

وهذا رابط ممكن تستفيدي منه:

عروستين في يوم واحد ممكن افكاركم ?

ه

هند3

عروس مبدعة

06-12-2003 | 01:09 PM

استخيري

ر

روح الأمل

عروس نشيطة

06-12-2003 | 11:32 PM

هلا اختي KIM .. تسلمين على الرد والرابط.. والله يبارك فيج ويوفقج :)

هلا اختي هند3... يزاج الله كل خير ذكرتيني بنقطه وايد مهمه.. بستخير ان شالله.. يزاج الله كل خير :)