باقي على زواجي أسبوع ساااااعدوني

السلام عليكم ورحمة الله وبركاته

الله يسعدكم يا أحلى عرايس محتاجة مساعدتكم مالي إلا الله ثم إنتوا لأني تعبت كثير من الاراء والأشياء اللي أسمعها وأقراها وودي أحد يريحني, بس مقضيتها بكى ;-( طول الوقت من التوتر لأنو أمي ماتساعدني بعد وما أقدر أدخل معاها بأي نقاش وباقي على زواجي أسبوع واحد, أبغاكم تريحوني وتجاوبوني على الأسئلة :plz: الله يجزاكم الجنة وماراح أنساكم من دعائي, ومعليش لو الأسئلة سخيفة بس ماتتخيلوا نفسيتي كيف مدمرة :oh:

1- سواد المنطقة الحساسة وترهلها من الحلاوة, جربت كثير من سنين كريمات وخلطات بس مافاد إلا خفيف والحين مداومة على الليمون ليا شهور وكمان مافي فايدة, أحس المنطقة بشعة, هل الرجال يركز على هالشي ويهتم فيه كثير؟ :Oh: هلموضوع عاملي أزمة :plz:

2- بالنسبة لدوالي الرجلين, رجولي مليانة منها, لأني بيضا وهالشي واضح, وكل مالها وتزيد ;-( , هل بعد زوجي بيهتم بالهشي؟؟, وهوه بطبعه مايتكلم كثير ولا يعلق :-(

3- محتاسة جدا بترتيب أغراضي, وزوجي اللي بينقلهم للشقة بعد كم يوم, هل الموضوع عادي لو حطيت جزء من أرغاضي بكراتين عادية ولا ماينفع؟؟, لأنو أغراضي وتجهيزاتي كثيرة وأبغى أوديهم مرة وحدة مع شنطي, وطبعا ماحد بشوف هالكراتين الا زوجي :NO:

4- زوجي من الجنوب وأنا غريبة عنهم, عندهم عادة إنهم يجيبوا لأم العروس طقم ذهب وجابوا لأمي, هل لازم أجيب لحماتي يوم العرس هدية؟؟؟ ولا عادي لو ماجبت شي :-?

5- بس بنجلس في الفندق يوم واحد بعد العرس, إيش أحط في الشنطة؟؟

6- بسافر ثاني يوم لشهر العسل, إيش الملابس اللي أخدها معاي والدنيا صيف, زوجي يقول لا تكثري, بس كيف يعني لا أكثر :-? كم قميص نوم وكم بنطلون وجاكيت يعني :-?

7- أهل زوجي مايلبسوا بناطلين أبدا ولا قصير, هل لازم أمشي على عاداتهم ولا أكون بالوسط مرة زي ما ألبس عند أهلي ومرة زيهم؟؟

عارفة طولت عليكم جدااااااااااااا بس قلتلكم كيف حالتي الله يجزاكم الجنة جاوبوا على كل الأسئلة وادعولي يسخرلي زوجي وأهله :009: