شو رايكم في السالفة

السلام عليكم

قبل كم يوم كنت متضايقة من عصبيتي الزايدة ولان زوجي وصل حده وقال انتي دايما معصبة .. ييت وحجزت لنا ليلتين في دبي قلت تغيير جو وسويت له مفاجأة واستانس وايد الحمدلله لكن من رجعنا لاحظت انه فليل يرن تلفونه ويطلع برع الشقة يتكلم ويرجع وامس بالليل قال انا بطلع مع اربيعي فلان وانا ادري ان بيت اربيعه هذا برع بوظبي ومستحيل اييه له في وقت مثل هذا وقلت اوكي تقريبا للساعه 3 وبعدين رجع واليوم الصبح نشيت من النوم ما لقيته عدالي دورته في الشقه ما لقيته انصدمت قلت وين سار وماخبرني غريبة ما عنده دوام المهم تغسلت وتلبست ويت بطلع لان عندي دوام سبحان الله والا اشوفه طالع من باب الدرج اليي في نفس طابقنا قلت له بسم الله شو صاير ووين كنت قال كنت اتكلم في التلفون قال خلاص سيري الدوام وانتبهي وبخبرج بعدين.. ياني فضووول وشك فضيع أستغفر الله هو لما خذا سيارته للتصليح شل كل اغراضه من السيارة وحطهم في سيارتي ف ييت انا وفتحت دبة السيارة كنت ادري ان بلاك بيري ماله ما يستخدمه وايد وشفته يحطه مع الاغراض وكان التلفون مغلق مافيه جرج ،، توني خذته وياي الدوام وقلت بجرجه في الدوام وبفتح اشوف لقيت عنده بنت وحده بس وقريت محادثه تقريبا قبل اربع شهور كاتب لها انه هو يعزها ويبيها تساعده وتعطيه فلووس على فكرة انا ما كنت اداوم قبل ثلاث شهور لكن انصدمت

تتوقعون حركاته لها علاقة بالبنت اللي في تلفونه ؟؟ لان ما لاحظت عليه شي الا من ثلاث ايام والمحادثة الي في البي بي من اربع شهور ؟؟

هل أصارحه بللي شفته في تلفونه

وهل اتم أساله اش فيك تتكلم وايد في التلفون هاليومين



انا اول مرة يراودني الشك فيه واول مرة افتش شي من اغراضه وندمانه ومتضايقه قلت يبت لنفسي الهم استاهل محد قال لي افتش تلفونه