الله يمسيكم بانوار النبي العربي ..
ياسادة ياكرام بسبعة من رمضان كانت همتي عال العال :Oh:.. فقلت لحالي قومي ياصبية وعملي سفرة هنية .. واشتركي بمسابقة عروس .. بلكي بتربحي وبتجيبيلك على هالعيد ملبوس :lol:
وبلا طوووول سيرة عليكم ... هي سفرتي واطباقي ويارب تعجبكم اعداداتي
![]("http://www.3roos.com/files/ups/2012/106186/31404847529.jpg")
![]("http://www.3roos.com/files/ups/2012/106186/11404847529.jpg")
وجبتي الرئيسية يبرء يعني ورق عنب باللحمة
والطبق الجانبي كانيلوني بالدجاج
والمقبلات صحون خبز محمص بقلبها فتوش
وشوربة الدجاج بالدرة والفطر
وعصير التمر هندي وحلوياتي هيه قطايف عصافيري وستاتي
************
اليبرء :
منجهز الحشوة لحمة مفرومة ورز مصري مغسول وبهارات وملح وشوية زيت
منلف اليبرء ومنصفه بالطنجرة انا حطيت تحت الورق قطع بطاطا ولحمة اطيب
ومنحطه عالنار وفوقه لازم يكون في شي تقيل حتى مايسبح الورء بالمرقة
وبس يستوي منجهز خلطة التوم الاساسية بالطبخة وهي توم مدقوق وملح وحمض الليمون
ومنسكبهم فوق الورق وشغلة 10 دقائق ومنطفي النار عليهم
![]("http://www.3roos.com/files/ups/2012/106186/21404847529.jpg")
![]("http://www.3roos.com/files/ups/2012/106186/71404847529.jpg")
وبس منسكب اليبرء والف صحة وعوافي
![]("http://www.3roos.com/files/ups/2012/106186/21404848546.jpg")
شوربة الدجاج مع الفطر والدرة
نسلق صدر دجاج ونفتته لقطع صغيرة
ونجهز الصوص قطعة زبدة وملعقتين طحين وعلبة قشطة او كريمة خفق ومكعبين ماجي وكلهم عالنار ونضيف فوقهم مرقة الدجاج واخر شي نضيف قطع الدجاج مع الدرة والفطر
![]("http://www.3roos.com/files/ups/2012/106186/51404847529.jpg")
شوربة صارت جاهزة شي نااااهي
![]("http://www.3roos.com/files/ups/2012/106186/81404848546.jpg")
المقبلات والطبق الجانبي
عملت كانيلوني طبق خفيف ولذيذ
حشوتها هي قطع دجاج نشوحها بالزيت ونضيف عليها جزر مبشور وفلفل رومي وفطر وشوية بهارات واخر شي ضفت علبة قشطة ومكعب ماجي
وهيك حشوتنا جاهزة... ومنحشي قطع الكانيلوني ومنصفها بالصينية
منعمل صوص رب البندورة ومنصبه فوق قطع المعكرونة ومندخله عالفرن شي ربع ساعة
نجهزصوص البشاميل لكل كاسة ماء ملعقة طحين واتنين حليب وقطعة زبدة وجبنة موزاريلا
ومنصب خليط البشاميل فوق صينية الكانيلوني
![]("http://www.3roos.com/files/ups/2012/106186/91404848546.jpg")
![]("http://www.3roos.com/files/ups/2012/106186/41404847529.jpg")
ومندخلها عالفرن كمان مرة وبهيك بتكون جاااهزة صبايا والف هنا
![]("http://www.3roos.com/files/ups/2012/106186/61404848546.jpg")
الفتوش ياحلوين متل مابتعرفوا خيار وبندورة وخس ونعنع وبصل اخضر وبقلة اللي هي الرجلة
وخلطته هي توم مدقوق وخل تفاح ونعنع يابس وملح
![]("http://www.3roos.com/files/ups/2012/106186/01404847529.jpg")
صحون الخبز المحمص منقص دوائر من الخبز ومنشكلها بملعقة الغرف ومنقليها بالزيت متل الصورة
ومنسكب الفتوشات وياسلاااام عالطعم
![]("http://www.3roos.com/files/ups/2012/106186/11404848546.jpg")
![]("http://www.3roos.com/files/ups/2012/106186/81404847529.jpg")
عصير التمر هندي اللي الافطار مو حلو بدونه
منحط علنار قطع التمر الهندي مع السكر والماء وبعدين منعركهم بايدنا ومنضيف الماء عليهم ومنصفيهم منضفلهم ماااء الورد
![]("http://www.3roos.com/files/ups/2012/106186/61404847529.jpg")
اطيييب تمر هندي بيروي العطشان
![]("http://www.3roos.com/files/ups/2012/106186/01404848546.jpg")
وحلا الشام الحاضر بكل بيت شامي قطايف بالقشطة وبالجوز وجوز الهند
لعجينة القطايف كوبين طحين وكوب ماء دافئ وملعقة خميرة وبالخلاط ونتركهم نص ساعة يخمرو ومنصبهم احجام صغير للعصافيري وكبير للستاتي
![]("http://www.3roos.com/files/ups/2012/106186/31404848546.jpg")
منحشي العصافيري بالقشطة ومنزينها بالفستق الحلبي والستاتي نحشيها خلطة الجوز مع ملعقة سكرر وماء زهر .. وخلطة تانية هي جوز هند مع سكر وماء زهر ومنسكرهم منييح بعد الحشي ومنقليهم حتى يشقروو
وبعد القلي منغطسهم بالقطر عطووول
![]("http://www.3roos.com/files/ups/2012/106186/41404848546.jpg")
حلا القطايف جاهز ياصبايا ياحبيبات قلبي
![]("http://www.3roos.com/files/ups/2012/106186/71404848546.jpg")
وسفرتي تؤبشوا قلبي صارت جاهزة ان شالله تكون حازت على الرضى والقبووول
موماشي حالها يكووون:009:
وبالختام قولوا اميين ربي يفرجها عسوريا واهل الشام:rose:
![]("http://www.3roos.com/files/ups/2012/106186/91404847529.jpg")