طفلي. تعبني

لسى صغير اصبري عليه شوي لين يكبر وراح ترتاحين ان شاء الله

الله يصلحه مره تعبني

من عشر شهور ودك ينام بدون ما يحتاجك!!؟؟

احس هذا عند الأجانب بس لان قلوبهم قويه


اذا بغيتي هالشي قوي قلبك

بس في المقابل هو راح يقوى قلبه عليك لما يكبر


آسفه عكلامي اذا مزعج
بس معصبه شوي الحين ومش عارفه شو اكتب


أخذت وقت لأهدى وأفكر وأرجعلك بكلامي التالي

شوفي اخيتي

كنت احاول مثلك كثير بس هذا اللي فهمته بالأخير


طبيعة الأطفال تختلف


الطفل اللي يجيك حركي وملتهي باللعب طول الوقت
آخر اليوم ينهد حيله وماتلاقيه الا وهو راقد


بس الأطفال اللي لعبهم اقل ومايندمجون مع اللعب كثير ومتعلقين في امهاتهم

صعب انهم يناموا وهم يلعبوا مهما حاولتي
وحتى لو تعبوا من السهر راح يضلوا يبكوا لين يحصلوا حنان واطمئنان

الأطفال مشاعرهم مرهفه ويحسوا ويخافوا أمهم تبتعد عنهم

اصبري عليه الحين


ولما يبدأ يكبر ويفهم الكلام ويعرف معنى الانتظار
مثلا وقت اتنوميه قوليله انتظرني في فراشك بتوضأ وبصلي

شوفي وقت اتكوني في الحمام عزك الله ممكن ينام او ممكن ينتظرك
صلي جنبه وطمئنيه انك جنبه وأنك لما اتخلصي صلاه راح اتنامي جنبه

راح يظل يشوفك وهو في فراشه وممكن ينام

وممكن ينتظرك
عادي خلصي صلاتك وبعدها نامي جنبه

مع الأيام راح يفهم انك بعد هذا الروتين راح اتكوني جنبه ويطمئن
فبالتالي يمكن مع الأيام أتلاقيهه نائم وانتي في هذا الروتين لانه عارف ومطمن انك جنبه


طبعا هذا مثال فقط

بإمكانك القيام بأشياء اخرى

ولكن الأهم هو تطمين طفلك
وتشجيعه

ولكن احس الان في عمره هذا صعب
وتنظيم جدول النوم يساعد في هالخطوه كثيرا




تعرفي متندمه قد شعر راسي اني كنت أعصب عليها واخليها تبكي

وللأسف مازلت احيانا أعصب وقت النوم ودي تنام بدون تعب ومحاولات ومجهود

لما أتبع الخطوات اللي قتلك عليها يمشي الحال
بس لما اكون مستعجله ومعصبه أزيد الامر سوء

الله يعطيك العافية

ياحبيبتي ولدي ماقدر اسوي منه شي الله يصلحه