ريلي يستغلني ماديا

صادقه والله شكلك عودتيه طنشيه ولاتدفعين فلس بيته ومجبور يصرف عليه
ذكرني بزوج بنت خالتي يقول لها تبغيني اعاملك تمام اشتري لي اغلى سياره !!
رجال اخر زمن ''اذا قال اعطيني قولي عندي جمعية موظفين وانا استلمها متاخر وادفع جزء كبير من راتبي ..
ادخلي في نن عينو ياروحي لاتستسلمي والله يصلح حالكم

صراحة نفس زوووجي كانه توام زوجك

لما توصل الأمور بين الزوجين لهدرجة انه الزوج يتخلى عن اهم واول دور له في حياتهم ..وبالأحرى الدور اللي يخليه ريال اللي يخليه صاحب بيت وله قوامة مسألة الذوق والاتيكيت بينهم تطيح وعلى الزوجة انها تكشر عن أنيابها وتوقف وقفة حازمة وتقول لا

هالكلام من منطلق العرف والدين .. الريال اهوه اللي يصرف على البيت .. الزوجة تساعد.. تساهم .. تشترك مو اهيه اللي تشيل

اللي عليج احين انج تقوين قلبج لما اتيي الأمور المادية ما تدفعين اي شي وعيالج ما تشترين لهم لا ثياب ولا اي شي غير اللي كلش كلش ضروري لأموركم الحياتية

يطلع من البيت اسبوع شهر سمحي لي على هالكلمة بس بالطقاق ، إذا ابوه موجود تشيلين التلفون تقولين له جذي وجذي وجذي عشان عيالج مو عشانج وتقولين حق اهلج بعد وإذا قال تصغريني جدامهم اهوه مصغر نفسه بنفسه

تعلمي ما تعطينه دينار وعلى طول طلبي منه الين ما تخلص حججه

حق رمضان طبخي الموجود وإذا قال لج ما في ذي ولا ما سويتوا ذي بكل بروود قولي الصج ما رحنا شرينا انت ما وديتني انت ما دفعت

بعد مو ناقص الا العصمة تكون في يدج وتطلقينه على كيفج!!!!!!!!!!

السلام عليكم ورحمة الله وبركاته
اختي الغالية نيران الكعبي
بماان زوجك لاينفع معه الكلام المباشر والصراحة اذن لابد ان تستخدمي معه الاسلوب غير المباشر
ان كان ممكن تخلصي من بطاقة الصراف
ثم قسمي راتبك اول حصولك عليه
مبلغ يكفي لبعض احتياجاتك ولكن لايلفت نضر زوجك ان معكي مال تحت تصرفك
وباقي المبلغ اماان تضعيه وديعة بالبنك او حتى تجمعيه عند والدتك
وان طلب زوجك مال قولي اشتركت بسلفة مع زميلاتي بالعمل
ولاتخبريه بالحقيقة حتى لو لم يصدق
في اثناء غيابه عن المنزل قومي بتفتيش اغراضه ان كان يضع فلوسه بالمنزل وليس بالبنك
لكن لاتخبريه ابدا برغبتك بعدم الصرف لكن تصرفي معه بدهاء
فزوجك قلبه قوي ولاتنفع معه الصراحة
ولاتغيري تعاملك معه ولكن جمعي فلوسك لنفسك
وبماان زوجك مراوغ اذن لابد من التعامل معه بمراوغة
وحاولي ان تجعلي اطفالك هم من يشاركون بطلب طلباتهم وليس وحدك تتكلمين بالنيابة عنهم
وان اشترى شيء لهم حتى وان كان قليل اظهري امتنانك له واشكريه واسمعيه فرحك بذلك
تمنياتي لمي بالسعادة
سلامي
اختك لارسا بغداد