نظره شرعيه في المنام اتمنا التفسير .."

السلام عليكم ورحمه الله وبركاته .."
كيفك ..؟! ان شاءالله كويسا .."
في الحقيقه نقابي ضايع وكونت ادورو مالقيتو وروحت نومت .. وكمان امس جاتني الدوره الشهريه يعني لست طاهره بس قبل مانام قريت المعوذات وايه الكرسي وقولت حسبي الله 3 مرات ..
انا حلمت اليوم اني كونت ادور النقاب تبعي ( غطاء الوجه ) و مو لاقيتو بعدين طلعت الدرج وادور النقاب وكان في جرس في الدرج شكل الجرس زي اللي يتعلق على بعض الحيوانات اكرمكم الله المهم دقيت الجرس باالغلط ونزلت دخلت المجلس و جاء عم امي ومعاه ولده وقال من دق الجرس قولت انا قال تبغي تتزوجي ولدي وسكتت انا جاء ولده وشافني انا كونت مرا مستحيه والعب بشعري بعدين راح وفجاءه كاننا ببيت ثاني واتوضيت بس مو بمويه اتوضيت بكريم مطهر واتممت الوضوء وقومت بصلي فرشت السجاده وجيت بلبس شرشف الصلاه بعدين اذكرت انو عندي الدوره الشهريه وتركت الشرشف بعدين وقفت عند الدولاب كان بيدي دفتر جات زوجه عم امي وتبغى تخطبني من امي وكانت واقفه جمب امي قامت قالت لي خلينا لوحدنا ضحكت انا قولت عارفه ايش بتقولي لها قامت ضحكت هيا وامي وجات امي جمبي وقالت شوفي كاتبه باالدفتر نشتري لك 50 من الملابس عشان لما تتزوجي طلعت من الغرفه وروحت غرفه ثانيه وقولت لاامي كثيره 50 قالت مااظن بيجيب لك خطيبك 50 وقالت لي ترا اهلو يمدحونك يقولون انك طيبه وقريبه من كل الناس وجلست على الارض عند الباب وجاء عم امي وولده معاه قامت امي قالت شوفها هنا عند الباب قام عم امي فتح الباب وولده شافني مره ثانيه ويقول لااخوه شوف زوجتي حلوه احلا من زوجتك اخوه ساكت وانا مره مستحيه وابغى اطالع فيه ماقدرت وباالقوه طالعت فيه واتخبيت ورا الباب قامت قالت امي لما طلع اول ترا ماكان زعلان بعدين جات اخت اللي خطبني ماشيه انا ابتسمت لها وسلمت عليها قالت لي غريبه مااتوقعت تسلمي عليه على بالي انك زي اختك بتطنشيني وضحكت انا بعدين راحت وجات اختو الكبيره تقول لي ناكل ولا نطلع قولت مو لازم ناكل اهم شي نطلع بس في مسلسل بتابعو الظهر ومسلسل اتابعو العصر بعدين نطلع من البيت 5 العصر ونرجع 11 الليل قالت طيب وكونا طالعين فتحت انا باب الشقه وطلع جارهم من شقتو رجعنا ودخلنا عشان مايشوفنا قامت قالت لي ترا محترم لو احنا مادخلنا كان هوا اللي دخل وقفلت الباب انا وجلست اسولف معاها وانتهى الحلم .. اسم عم امي عبدالرحمن . اللي بيخطبني في الحلم مو متزوج بالحقيقه ولا خاطب . انا كمان مو مخطوبه ولا في سيره خطوبه ولا شي منو . وانا قبل حلمت اني اتزوجت منو.. ويتكرر عليه كثير اني اكون لابسه العبايه في المنام .."
واتمنا تفسرو منامي ويعطيكم العاافيه على تفسير منامي .."