مشكلة بنت خالتي والله مشكله ساعدونا ياجماعة الخير

السلام عليكم ورحمة الله وبركاته
اللهم صلى على محمد وآل محمد
وبعد....
ابغاكم تشوفون مشكلة بنت خالتي وتحكمون وتقولون لنا ايش الحل
ترى والله مشكلتها مشكله
:down::confused:
المهم راح اقول لكم القصه
بنت خالتي في مثل عمري يعني 18 سنه
تعرفت على شخص وحبته وهو حبها بكل اخلاص وصدق
هي تعرفت عليه عن طريق الماسنجر ادري من البديه انها طريقه خطأ مليون بالميه :down:
لكن ايش اقدر اقول
المهم هو كان يعرف اسمها من اول ماكلمها ويعرف اخوانها وهي باي منطقه ساكنه
يعني تقريبا كان يعرف عنها كل شي هي كانت مستغربه منهو هذا اللي يعرف عنها كل شي المهم حاولت تصده وماتكلمه لكن الفضول هو اللي وصلها الى هالمرحله تبغي تعرف منهو هذا اللي يعرف عنها كل شي
ومع مرور الايام بدت علاقتهم تكبر وهي صارت تعرف عنه كل شي وما اكذب عليكم اذا قلت لكم انهم حبو بعض حب جنوني وحب ماتتصورونه كيف
هذا الموضوع صار يوم كنا انا مع بنت خالتي في ثاني ثانوي واللحين حنا متخرجين هالسنه
هو اكبر منها باربع سنوات
المهم هم اللحين يبغو يتزوجون لكن اهله رافضين هالفكره لانه متعرف عليها عن طريق النت
هم حكموا عليها من غير مايعرفوها او يسمعون كلامها او يعرفون اهلها وسمعتهم وسمعت بنت خالتي
على فكره الكل يقول لها انها اكبر من سنها وهذا الواقع صحيح
طبعا امها اللي هي خالتي تعرف بالموضوع وبنت خالتي ما خبت على امها اي شي
والله يكسرون الخاطر اهله مهم موافقين وهم متمسكين في بعض مستحيل يتركون بعض عندهم الموت اهون من انهم يتركون بعض
من قبل فتره مو طويله يمكن شهر قال لها خلاص ما ابغى اعذبك زياده
انا مستحيل انساك والله العظيم لكن ما احب اعذبك معاي واطلب منك طلب اذا احد تقدم لك وافقي عليه ما ابغى اكون عقبه في طريقك
:confused::confused: هي ما استحملت ها الكلام طبعا مرضت وتعبت وهو بعد مرض ودخل المستشفى وحالته ماكان يعلم فيها الا الله
طبعا تركو بعض من قبل مدة 3 شهور علشان يتاكدون من مشاعرهم ماقدرو يستحملو ورجعو الى بعض تقدرون تقولون هي حياتها من غيره ولا شي وعندها الموت ارحم وهو نفس الشي
بعد مادار بينهم ها الكلام انهم يبغون يفترقون وبعد ماطلعو من المستشفى رجعو الى بعض وتعلقو في بعض اكثر من اول بزيااااااده
وكل ما زاد اصرار اهله انهم مهم موافقين كبرت علاقتهم وكبر حبهم بعد
كيف نقنع اهله نبغاهم يوافقون على زواجهم حرام يضلون كذا لازم شي يربطهم ياخطوبه او زواج

طبعا هو يكلمها من ورا اهله لانهم مايعاملون معامله زينه كانه غريب بين اهله
انتو شرايكم وش الحل وش يعملون علشان يتزوجوا
كيف يقنعو اهله كيف نخليهم يوافقو حاول معاهم بكل الطرق مانفع
:confused::confused::confused:
تكفون لاتبخلون علينا برايكم ونصايحكم
وعذراً للأطاله
اختكم
ام صبا