بنات البحرين من يراجع بالحمل مستشفى الأمريكي

حبيبتي رانياودي اساعدك بس الصراحة ما اعرف عنهم بنسبة للمواعيد الحمل
انا ذهبت الي الامريكي قبل مااحمل وراجعت الدكتورة ليلي او للي هي هندية وايد زينة بس بعد ما وصفت لي دواء وحملت لاني تاخرت في الحمل ماحملت الابعد سنة من الزواج بعدها راجعت المركزالعادي

استفسري عنها

وان شاء اللة تولدي بسلامة

مشكورة يالعفراء، بس هاذي الدكتورة تركت المستشفى من كم سنة، ياترى أنت متى كنت زرتيها، أو ربما دكتورة غير اللي في بالي...

عزيزتي رانيا أنا من تجربتي إنك تأخذين أبرة التسمم من المراكز أحسن من المستشفيات الخاصة وبالنسبة للدكاترة الله يعينك بصراحة ما في دكاترة زينين سأليني أنا عنهم أذوني في حماي من دكتور لدكتورة لغاية ما الله سلمني منهم وسافرت الأردن للعلاج من العملية الخاطئة القيصرية اللي سوها لي وألحين ما يندرى أحمل أم لا نصيحتي إذهبي للمراكز هم عندهم خبرة أكثر من المستشفيات الخاصة والله يسلم حمالك وتولدين بالسلامة بالغالية ...........

رانيا حبيبتي زرت المستشفي في سنة 2000

وبعدها ما رحت ما ادري عنهم تغيرت الدكتورة او لحد الان موجودة

واللة يعطيك العافية

حبيبتي المراكز عندهم خبرة وتعامل افضل من الخاص

انا رحت الامريكي في بداية الاشهر وكنت تعبانة وقامت عطتني بندول مع انه مب زين للحامل لأنه يسبب تشووهات......:eek2:

انا من بدايه حملي لنهايته كنت اتعالج بالامريكي

و ايد و ايد زين


بالعكس و يعطون بعد ابره التسمم و كنت اشرب كل الحبوب اللي يعطوني اياهااااااا بس بصراحه نسيت اسم الدكتوره اللي اتعالجني

بسأل خالتي و بقول لج ان شاء الله


انا كل شي سويته اهناك بس شي واحد ما سويته اهناك التحاليل مال بدايه الحمل سويتها في السلمانيه لانها نفس الشي و بصير من غير فلوس و عندهم بيصير و ايد غالي تقريبا و يا التسعين دينار


تحليل السكر و الابره و التصوير و العلاج كله سويته اهناك و لا مره رحت المركز .


الله يوفقش و يتمم لج حملج و يوقومج بالسلامه .

سحر المودة ........

لو سمحتي اختي كم تكلف المراجعة والمعالجه عندهم ؟؟؟؟؟

انه سمعت من صديقتي انهم احسن من المراكز الصحية يعتنون بالحامل أكثر ويهتمون بالجنين اكثر ؟؟؟؟

ان شاء الله اذا الله عطاني براجعهم بس ابي اعرف كم تكلفتهم ؟؟؟

رحت الأربعاء الماضي عند دكتورة ألكا بالأمريكي وكانت بصراحة حبوبة وبشوشة عكس الشهر الماضي رحت عند دكتورة ثانية بنفس المكان بس مارتحت معاها لكن مع هذه الدكتورة أحسن وعملت لي Ultra Sound وجفت الجنين ودقات قلبه وعملوا لي تحليل وأنتو بكرامة للبول وعطتني موعد بعد شهر .

الأغلبية يمدحون المراكز بس عيبهم مافي تصوير لازم يحولونك مركز ثاني يعني هاذي بعد شغله روحه ورده وتعب وطبعاً نقعي إلى مايصير دورك...