شلون تتعاملون وي ناس تحقد و تحسدك على نعمة انت فيها

انا عندي مشكلة يمكن هي بسيطة بنظركم بس حزت بخاطري شوي انا اعوذ بالله من قولة أنا الحمدالله محبوبة من الكل بشغلي و بحياتي الاجتماعية وي الناس و انا اللي بتكلم عنه بيئة شغلي الحمدالله اقوم بشغلي و زوود و محصلة تقدير من رئيسي من الشغل اني اكتف و معتمد علي بكل شي لكن صادف لي فترة مرضت فيها و اضطريت اخذ اجازة اضطرارية و طبعاً يابو بدالي موظفة تغطي فترة غيابي و طبعاً أدائها مقارنة بشغلي و لا شي و يوم رديت الشغل الا مصرة تبي اتبادل وياها اروح مكان شغلها و اهي تتم مكاني انا طبعاً ما عندي مانع بحسن نية بكلمكان اشتغل بس طبعاً ما صار الا تبيه و حصلت انذار لانه مارجعت مكانها الا بالغصب بالحنة و الزنة و طبعاً حقدت علي من يومها و منبطة ليش ما صار الا تبيه و تمت تكيد لي و تشوه سمعتي جدام الاولي و التالي بالقسم الا اهي فيه عبارة شغلنا له كذا فرع و وصلت صورة سيئة عني عند المدير العام اني مدلعة و حالة من هالحجي و ناس ناس و طبعاً تمت اشهر على هالحال لين ما صار الا تبيه عقب شكوى قدمتها ضدي و انا خبر خير كافية خيري و شري عن الكل مالي خص باي احد اسوي شغلي و امشي و انتقلت لفرع ثاني و يابو بدالي موظفة غير مو اهيه نفسها لا وحدة غيري اهم شي انشلت من مكاني و انتقلت لنفس الفرع الا هي فيه خلاص برد خاطرها بس طبعاً ما اعرف الطريقة الا شلون لازم اتصرف فيها ان داومت لان من اسبوع الياي بكون بقسم يديد معاها و الموظفين الا هناك ماخذين فكرة غلط عني طبعاً انا اقدر اشتكي و اتظلم بس الشكوى لغير الله مذلة لان أتاقلم مع الكل بس متخوفة من ردة الفعل هناك بالاخص ان ماخدين فكرة اني مو مالت شغل و ادائي سيء بالعمل و انا بشهادة مسئولي و كل الا تعاملت معاهم من افضل الستاف بس شنقول لو لا الحسد ما مات احد ، فيا ريت تساعدوني شلون امحي هالصورة السيئة الا وصلتها بالاخص ان اعرف بيحطون البال عدل علي مو جني من 5 سنين موظفة فضفضت وايد لان بداخلي مضايقة وايد و مو عارفة اتصرف و حتى زوجي ما عرفت اشكيله لان صج عقب هالتعب و المجهود مجهودي كله صفر بسبة وحدة ما تخاف الله و ادارتنا مافيها انصاف تاخذ الحجي من صوب واحد