خاااااااااايفة

مافهمت شنو قصدك بالعمليه اذا قصدك خياطه عاااادي بسطي
انا برجلي بعد خياطه ومو شايله همها
توكلي على الله
لا تنسين دهني جسمك كله بزيت الزيتون يوميا تحل مشاكل الجسم

السلام عليكم ورحمة الله وبركاته
اختي الغالية اريد حلا ارجومنكي التمتع بالثقة بالنفس فأثرالعملية الجراحية قدلايكون ظاهرا الابعدالتركيز عليه والتدقيق بالنظر
ان لم يلاحظ زوج المستقبل الموضوع خير على خير وربمايتمتع زوجك المستقبلي بمايكفي من الكياسة واللباقة بحيث لايدفعه الفضول للأستفسار عن اثار العملية
لكونه على علم بها
نفرض انه نسى وسألك ماهذا؟لاداعي للأحراج اجيبي بكل صراحة انهااثارعملية جراحية اجريتهافي الطفولة
لاترتبكي ولاتعطي الموضوع حجمااكبرمن من استحقاقه
وان تعرفتي على دكتورة جلدية موثوقة فأستشيريها بخصوص الموضوع اذانني قرأت مرة عن كريم يزيل اثار الندبات الناتجة عن العمليات الجراحية
وصدقيني الازواج ليسوخبراء تجميل وليسو خالين من العيوب
لو وجدتي بذراع زوجك اثار حرق او جرح حدث بالسابق هل ستستهزئين به او تحاولين تحطيم معنوياته
والجواب بالطبع لااظن انكي ستتعاطفين معه
لذاان لاسامح الله علق زوجك تعليق جارح قولي له لو كنت انت بمكاني لماكان كلامي سيكون جارحا كما جرحتني
ولم اكن سأتمنى لك سوى الخير
تمنياتي لكي بالسعادة
سلامي
اختك لارسا بغداد

عزيزتي ..
أولا : مفرووض كنتي تخبريه من قبل ان عندي اثر عملية .. >> لاتقولو هالشيء مو مهم لا مهم .. عشان يتهيئ نفسيا للموضوع ويكون عادي عنده ..
ثانيا : حفزي نفسج وقوولي ترا الا مجرد عملية واثرها موجود .. ما يحتاج اكبر الموضوع ... ولا احسسه ان هالموضوع كبير عشان يصير مثلي ( ماتقللي قيمتج ابدا عشان اثر )
ثالثا : اذا تضايقتي من الاثر كثير حطي طبقة كريم اساس وامسحيها بالباودر العادي ..( هذا من باب التغيير )

خليه ياعزيزتي اخر اهتماماتج مافي جسم انثى ولا ذكر متكامل من دون عيب صغير ..
البعض يعاني من عدم توحد لون البشرة والبعض من امراض والبعض من السمنة او النحافة .. البعض من اثار حريق والخ .. لكن الحياة مستمرة
والله يوفقج ويتمم عليج

اختي جحبيبتي اختي برجلها شامه على شكل خريطة العالم برجلها اليمين ولونها ابيض واختي سمرا وعادي معاها الموضوع دام الثقه موجوده مافي شيء يكدرج

اختي النظره اللي تنظرين فيها لنفسج ترى الناس تنظر لج بهذه النظره

مثال انتي تشوفين ان اثر صغير برجلج من عمليه جراحيه سابقه عيب الناس راح تشوفها عيب واذا انتي شفتيها جمال الناس راح تشوفها جمال

اختي الغاليه لا تغتمين ولا تشيلين هم اثر من عمليه احمدي ربج العمليه مو انتي بمزاجج سويتيها هذا قدرج

احمدي ربج يابنت انها جت على اثر من عمليه سابقه مو مرض جلدي

اختي عليج بزبدة الشيا سمعت انها تشيل اثار الحروق ووايد ناس تعالجوا منها ولله الحمد

والله يوفقج والحياة الزوجيه ما توقف على جرح برجلج

نمي الثقه بنفس واهتمي بأشياء ثانيه غير هالجرح والله يوفقج

والله يجعل بينكم موده ورحمة

حبيبتي بنت عمي حصل لها حادث وهي صغيرة
وفي فخذها ندب كبييير حق العملية

كانت قبل زواجها توريني إياه
وتقول رجلي تشوهت وش بيقول ولد الناس

بس الحمدلله صار لها 3 سنين متزوجة ولا شافه
او يمكن شافه وماحب يحرجها ويجرحها

والحمدلله عندهم بنوتة قمر

والحياة تمشي


وانتي لاتكلمي عنها إلا إذا انتبه عليها

وقولي له هذا اثر عملية الحمدلله اللي جات ع كذا

عادي جدا..اختي بجبهتا علامة الحادث الي سوته بدباب وبرجلها وبفخذها
والحمدالله متزوجه وكانت خايفه موت مثلك والحمدالله

وحتى يدها صاير االيمين ومنظرها مرة واضح لانه صاير بااارز ولونه غيييير صاير ع شكل
دوده عريضه الحمدالله مشت الامور.وعسى الله يشفيها

عادي حبيبتي خليك واثقه ولاتكبرينها وتكبر براسك
اختي سوت حادث بدباب تأثرت جبهتها وفخذها ويدها وكان الي بيدها على شكل دوده بارزة
ولونه غيييير مرة منظرة يعور القلب والحمدالله تزوجت

سوري على كثرة الردود بس النت علق وفكرت ردي ماوصل
تمنيااااتي لك بتوفيق

لا تخافي ان شاء الله ما يلاحظها ولو لاحظها برضو عادي المهم لاتكبري المموضوع وتوكلي على ربكك حبيبتي
والف مبروك
الله يتمم لك ع خير
.....

مشكوووووووووووورررررررررين فديتكم على الردود اللي خففت عني همي

بالنسبة للي سالوني عن اثرها والله كبير ومو واحد تقريبا ثلاثة واحد ع امتداد فخدي تقريبا يجي له 25 غرزة وواحد صغير من جوه الفخذ والاخير اسفل بطني

عشان كذا انا متازمة وهي مررررررة واضحة ماخفت مع السنين الا شي بسيط لكن الله يكون في عوني

دعواتكم