دردشة الديكور * _ *

السلام عليكم ورحمة الله وبركاته
درشة حلوة و موضوع رائع جدا جدا يا نور الهدى
بالنسبة لتصميم بيتي.... عادي و بسيط جدا..لأنه جاهز
و أكيد فيه الكثير من الأخطاء و بعض الديكورات اللي ما تعجبني ...
فبالتدريج بغير كل ركن بالبيت تغير شامل و في كل شيء ...
و صالة الجلوس أول ما غيرت,,
و الحمدلله طلعت...روووعة :up:
و أحين ناويه أغير غرفة الأولاد...
و بغيت بعض الأفكار...و تسلمين
:up:

مرحبا غاليتي نور الهدى
وهلا وغلا بكل أعضاء الديكور
وموضوعك جدا رائع نور الهدى
وأنشاء الله راح نتواصل عبر هادردشه بأستمرار
بصراحه المنازل لا تخلو من العيوب
ولكن لازم يكون لربة المنزل القدره والفكر المتجدد
دوما في عمل حيل لأخفاء هذه العيوب ولو بشكل مؤقت
تحياتي وأشواقي لكم
عذبة الأحساس

السلام عليكم ورحمة الله وبركاته

هلا با الغالية فوانيس

تسلمين على المشاركة اوكى قولى شنو هي العيوب والتغيرات

الى انتى غيرتي فيه علشان الكل يستفيد

السلام عليكم ورحمة الله وبركاته

هلا يا الغالية عذبة الأحساس وفي أنتظار المشاركة

معنا في هذا الموضوع

السلام عليكم ورحمة الله وبركاته

طيب راح ابدأ في بيتنا وكل يوم لما أذكر شي راح اكتب

راح اتكلم عن الصاله هي الحجم اوكى بس فيها أبواب كثيرة

وخل التحكم في تنسيق الأثاث صعب

يعنى الصالة المفروض ما اصير فيها أبواب كثيرة علشان اسهل عملية وضع الأثاث

يالله من راح يتكلم بعدي :up:

حبيبتي نور الهدي مشكورة علي الموضوع


عندي غرفة بارزة فيها كا شي من كاربيت وستائر لونهم ازرق ولون جدار ابيض وحين فكرت اسويها غرفة نوم حق ولدي وسويت لة خزانة وسرير

وكمدينو بس محتارة في لون ماادري اي لون اختار او شنو اسوي فيها حتي تتغير شوية لوسمحتوا ساعدوني بافكار

واللة يعطيكم العافية

بدوووووووووون أحراج وبكل صراحة


بيتنا من فوق لتحت غلط في غلط


:down:



بيتنا يبغى له هدام وبناء من جديد والديكور خليه على صوووووب

ولا شيء متناسق غير غرفتي يعني هه

لسه ما تزوجت ... ولما اسكن في بيتي المستقبلي أكيد براعي كثير في الديكور ... :up:


أشكرج يا مشرفتنا على هذه الدعوة ...

السلام عليكم ورحمة الله وبركاته

بنات الى تدخل اتقول بعض الأخطاء الى شافته

في بيتهم للفائدة

مثلاً وضع النوافذ والأبواب شكل الصالة أو وضع الصالون وكذا

السلام عليكم ورحمة الله وبركاته

أختى الفاضلة العفراء

ممكن اتقول لى شنو هو لون السرير ولون الخزانة

وراح اساعدك بأذن الله

السلام عليكم ورحمة الله

موضوعك راااااااائع اختي نور الهدى

والله الصاله اللي بيبانها وايد مشكله :pain: ..

من العيوب اللي بغرفتي واللي مو عاجبتني السجادة الارضية فيها نقوش كبار مثل ما سبق وتناقشنا يا نور الهدى ومشكوووره على المساعده

بعد في عيب ثاني في غرفة امي وهو ان غرفة الملابس تصير بالدخله يعني اول مادشين من الباب غرفة الملابس وبعدين الحمام الله يعزكم على يساركم ووبعدين ادشون الغرفه والصراحه كلش التصميم غلط وامي منقهره على غرفتها ولاهي راضيه تسوي لها كباته بغرفة الملابس تقول مب حلوة الواحد اول مايدش من الباب يشوف كباته :down: مادري منو عندها حل لهالمشكلة؟؟

وبعد بقولكم عن سالفة خالي هو باني بيته من زمان وعقب ما ياته اليهال احتاج غرفة للكمبيوتر لهم .. وفي نفس الوقت عنده بلكونه مو مستفيد منها ابد قام ودخلها على الصاله وسواها غرفة صغيره للكمبيوتر حق اليهال :smile:

بعد بقولكم صديقتي غرفتها صغيره وعشان توفر مساحه حطت لها التلفزيون على الجدار مثل اللي في المستشفيات :s2

:smile:

يالله نبي نستفيد من خبراتكم وتجاربكم يا بنااااااااات

السلام عليكم ورحمة الله وبركاته
شكرا اختي العزيزة نور الهدى لانك اثرت موضوع مهم لربات البيوت بالنسبة للاخطاء لابد من ظهورها في كل بيت و لكن تتفاوت هذه الاخطاء من حيث تصميم البيت و توزيع الاقسام الداخلية و كذلك اختيار نوع الديكور المناسب

السلام عليكم ورحمة الله وبركاته

أختى عروس الشرقيه ممكن اتقول الأمور الى شفته غلط
وراح اتغيرها في بيت المستقبل الواحد اتصير عنده خبرة
وخصوصاً إذا صار بعض الأخطاء في بيته

في أنتظار ردك

شكرا عالفكرة الرائعة , و الله يديمج و يوفقج:up:

وعليكم السلام ورحمة الله وبركاته

هلا بالأخت نوره ما شاء الله مشاركة فعلاً رائعة
كان عندك مشكلة في الفرش وتناسق الألوان وهذا يعتبر عيب ثانوي
يكون الحل له أفضل من الخطأ في التصميم

لأن الخطأ في التصميم لازم يحتاج تغير كامل بالهدم

بالنسبة الى غرفة أمك انا رسمت صورة الى غرفة أمك الى وضع الحمام
وغرفة الملابس هل هو بهذه الصوره

السلام عليكم ورحمة الله وبركاته
يا هلا يا نور الهدى...
أول خطأ بالصالة...انه المكيف (سبليت يونت) له مكان محدد و هو مقابل السلم (الدرج) بالضبط....فالهوا كله نازل على السابق الأسفل....و النتيجة....حر لا يطاق و خاصة بالصيف....و كان الحل الوحيد هو تفصيل باب...و فعلا فصلنا باب خشبي بديكور رائع و بسيط على شكل قوس.. و الحمدلله حلينا المشكلة من الجذور....و صارت الصالة و لله الحمد باردة (ثلج بالصيف).....و الباب أضفى لمسة ساحرة..
هذا الخطأ الأول...و خلصنا منه..:cool2:
و الخطأ الثاني أنزله بعدين -إنشاءالله-:smile:

لالا انا مو في بيت امي الحين ولا كان صورت لج اياها بالتلفون ودزيتها لج :D2

لحظة بحاول ارسمها لج

ماشالله عليكم يا فوانيس والله فكرة رووووووعه خصوصا ان الباب الخشبي بيضفي لمسة على لمكان على قولتج :up:

السلام عليكم ورحمة الله وبركاته

هلا يا الغالية فوانيس تسلمين على المشاركة

احنا بعد كان عدنا نفس المشكلة بالنسبة الى التكيف ليس موقع التكيف
بل الصاله كلها مفتوحه
في البداية تم وضع أبواب في الصاله من الخشب لأنها مفتوح بشكل كبيرة جداً وتم غلق حائط واحد علشان الصالة تأخذ شكل منظم أكثر
والمشكلة الثانية الضوء ما يدخل الصاله

ما فى نافدة في الصالة وتم حل هذه المشكلة بوضع باب فيه:up: زجاج الباب كله زجاج وطبعاً كان مقابل ممر الممر يدخل فيه الضوء بعد وضع هذا الباب
صارت الصالة تمام :up:

السلام عليكم ورحمة الله وبركاته

رسمى يا نورة بنشوف الرسم

:D2