زوجي ما يجيبلي هدايا!

السلام عليكم ورحمة الله وبركاته
أخواتي أبغا مساعدتكم في حالتي ، أنا متزوجة من شهرين و نص و الحمد لله مبسوطة مع زوجي و هو يحبني مرره و الحمد لله و ما يقصر معايا و كريم، وداني شهر عسل و ما بخل عليا في ولا شي ، كانت خطوبتنا قصيرة يعني شهرين و نص بس و طول فترة الملكة ( الخطوبة ) ما جابلي غير مرتين ورد و مرة دبدوب مع ورده و أنا عاذرته لأنه باله كان مشغول بالبيت و الجهاز و الفرح ، لكن بعد الزواج و بعد ما رجعنا لشهر العسل ما خطر على باله يفاجإني بهدية أو حتى وردة طيب مثلاً قهوة على الماشي ، و الشي إللي حز في نفسي إنه في العيد أنا رحت جبتله هدية هو كان نفسه فيها و لفيتها و أعطيتله هي أول يوم العيد و كنت متأكده إنو ما جابلي هدية لأنه عنده شغل حتى في العيد و أنا والله أعرف إنو يحبني بس نفسي يفاجإني بهدية غير متوقعة مو مهم تكون غالية اي شي ،
ساعدوني يا بنات ايش اسوي عشان أخليه يحس مع العلم إنه قاللي قبل الفرح أنا زعلان إني ما جبتلك و لا هديه محترمة طول فترة الملكة و كمان يوم العيد حسيت انو اتأثر عشان بس انا اللي جبت الهدية ، ساعدوني يا بنات ايش اسوي ؟