صبحكم ،، مساكم ،، الله بكل خير ،،
بنات تكفين ابي مساعدتكم وبذات مساعدت خبيرات المكياج ،، والله تعبت الله يجزاها خير ويجزاها ربي الجنه و والديها ومن تحب اللي تساعدني ،،
اولا ،،
ابي اسئلكم عن كريم bb :
اسمه smashbox
يمدحونه ويقولون فيه منه خمس درجات ،،
هذي صورته ،،
وش رايكم فيه وهل في منكم من جربته ،،
والدرجات اللي فيه وش فيها وليه خمس درجات يعني كل درجه وش يميزها عن غيرها
واي درجه تناسبني بعد ماتقرون نوعية بشرتي ،،
،،،،،
الثاني كريم bb الكوري ،،
في منه انواع الوري والذهبي والبرتقالي ،، البرتقالي يناسب اللي عندهم تجاعيد ،،
اللي ابي اسئلكم عنه الوري والذهبي ،،
هذي صورتهم ،،
ابي اعرف الوردي يناسب اي بشره ،،
والذهبي يناسب اي بشره ،،
انا بحثت ب نت بس كل وحده كاتبه شي ف احترت وماعاد عرفت شي ،،
،،،،،،،،
الشي الثالث :
يابنات ودي اعرف وش كريم الاساس اللي يناسبني انا مو يم المكياج برغم انو اعشقه مره واحب دايم اتفرج ع مقاطع المكياج ،،
بس تعبت كل مارحت محلات مكياج وشفت الانواع وشفت كثرة المكياج ضعت والمشكله انو يوم تسئلين اللي يبيع مايفيدك بس يبي يمشي البضاعه واطلع من المحل وماشتريت شي ،، والله تعبت ابيكم تشورون علي وتقولون وش اللي يناسبني من تجاربكم بلمكياج عشان اذا رحت بشتري اللي قلتوه لي واطلع ع طول مابي احتار بلاختيار ومثل كل نتيجه ادخل واطلع فاضيه ،،
،،،،
انا يابنات بشرتي حلوه اقدر اقول عليها عاديه لا دهنيه ولا جافه ولا مختلطه ،، لكن اذا غسلت وجهي بموية المغسله تتأثر بشرتي ويصير فيها شوية تقشر ات. ،، لكن اذا غسلتها بمويه صحيه اللي هي حق الشرب ،، تصير حلوه ومافيها اي قشور او مشاكل ،، ولونها اللون السايد للون العربيات قمحي فاتح ،، مايل خفيف للبياض ،،
وبعد ابي اسئلكم كريم الاساس هل لازم يكون نفس لون البشره او افتح منها بدرجه ،، والبودره هل تكون نفس لون درجة كريم الاساس ولا افتح منه بدرجه ،،
ابيكم تنصحوني بكريم اساس وبوده يكون خفيف ويبقى طول اليوم وينفع لدوامات والطلعات الخفيفه ،، وابي كريم اساس يكون ثقيل شوي ينفع للمناسبات ويثبت ماينحاس مع الوقت والحر ،، وابي يكونون بعيدين كل البعد عن اللمعه او اليضائه مابي يكون فيها اضائه لاني ماحبه يوم يكون فيها لمعه ،،
واسعارهم تقريبا بكم ،، يمدحون اساس ماكس فاكتور وش رايكم ،،؟
،،،،،،
وابي بعد اسئلكم عن الكونسيلر :
انا تحت عيوني فيه سواد بس خفيف مره مره ،،
الكونسيلر هل يكون نفس لون كريم الاساس او افتح منه ،،،
،،،،،،،ً،،ًًً،ًً