السلام عليكم ورحمة الله وبركاته ..
هلا أخوي عزوبي الكويت ..
شدعوه اختي كل هذا شصااااير ؟؟
قامت القيااامه !!
اوكي هالدوره الرمضانيه ما عجبتني
ولا عجبت الناس ما طارت الدنيا ليش ما يشوفون قناة
غير الكويتيه تسليهم
قبل لا أكتب رد .. طبعاً في شي وايد أستغربت منه ..
وهو ضحكك على شنو مادري الصراحه ؟؟
ثاني شي ..
لا الصراحه ما قامت القيامه أكيد ..
تأكد أني بهالموضوع ما قصدت بالمره الدورات الرمضانيه ..
ومسلسلاتها .. ومتعة المسلسلات ..
بكثر ما عنيت ما تحتويه هالمسلسلات ..
وأكيد الانسان ما يشوف شي إلا أن يبي يستفيد منه شي ..
وكل واحد يحب يشوف شنو تعرض ديرته ..
وخاصه كالكويت هولييود الخليج ..
تعودنا نشوف كل ما هو مفيد ..
وتأكد نقدنا ما كان إلا حزن على ما عرض من شي مخزي ..
بعدين لو نذكر انه رمضان اللي طاف و اللي قبله
كانت دورات الرمضانيه السابقه ميه ميه
رغم هذا محد فكر بكلمه حلوه ولا كلمه شكر
ولا حتى بالاشاده للاعلام الكويتي !
يعني شنو ؟؟ ناطرين الشااره علينا !
يا اخواني و يا اخواتي
منو قالك إن ما كان في ولا كلمة شكر ؟؟
حفلات العشاء اللي كان يسويها الشيخ أحمد الفهد ..
عسالله يحفظه ان شاء الله ..
والجرايد ولقاءات التلفزيون والإذاعه أيام العيد ؟؟
وهتافات الجمهور لأولاد المنصور بشكل خاص ..
لأن كان مسلسلاتهم هي زبدة رمضان ..
مسلسل جرح ازمن مثلاً .. كم مره عرضته الكويت ..
وكم مره عرضت لقاء مع ممثلينه ..
وعلى دبي .. وقناة الامارات ؟؟
كل هذي مو إشاده ؟؟ ولا تشجيع ؟؟
يمكن لعب ؟؟؟
يا اخواني و يا اخواتي
لا نعقد الامور و نخلق المشاكل على غير داعي
كلنا جمهور خليجي و عربي وكلنا مثقفين
و بما انا جميعا شعوب مثقفه
( عارفين انه الامور اللي حصلت لا تمثل الشعب الكويتي
)
لأ طبعاً مو عارفين ..
لأن أنا يوم أروح مصر أو لبنان مثلاً ..
أشوف المناطق الحلوه كالمناطق السياحيه وبس ..
ومو وايد أختلط بشعبها ..
شلون أعرف هذي الشعوب ..
مو عن طريق إعلامها ؟؟؟؟؟؟
أنت جذي تلغي دور الإعلام ؟؟
إذا تقول أن تلفزيونا يعرض شي لا يمثل الشعب الكويتي ؟؟
عيل يمثل أي شعب ؟؟ البنغلاديشي ؟؟
يوم تعرض أحد مسلسلاتنا البنت اللي تروح تنام عند رفيجتها بشقه بروحهم ؟؟
ورفيجتها تقولها أنا أروح هالحفلات وأطلع بالأسبوع 400 دينار ؟؟
تعتقد شنو هالحفلات ؟؟
ما تعتقد أن الناس اللي ما زاروا الكويت ويجهلون شعبها وطبيعة حياتهم ؟؟
ياخذون فكره عن البنت الكويتيه أنها تطلع بكيفها وما عندها أهل ؟؟
وتعيش بشقه بروحها ؟؟؟
ما تمثل أختك أمك عمتك خالتك ؟؟
هذا ما يزعجك ولا يغضبك ؟؟
طبعاً يغضبنا ؟؟ أن ياخذ الغريب فكرة شيئه عنا ؟؟
والبنت ترد بيت أهلها ويرحبون فيها ولا كنا صار شي ؟؟
والأبو سكير ؟؟ وزوجها يموت بمخدرات ؟؟
تعتقد هذا هو الشعب الكويتي ؟؟
شباب الكويت دكاتره ومهندسين ..
وأكبر من جذي بوايد ..
واللي يخلط بالامور و يتأثر بهالمسلسلات على افكاره
اسمحولي هذا عايش بصندوق ولا يفهم شي
اللي يتأثر بالمسلسلات عايش بصندوق .. ههههه ..
لما صارت غزو العراق على الكويت سي أن أن أخذت أفضل محطه ..
بنقل الحقائق .. وبحرب تحرير العراق أبو ظبي (( ماشاء الله عليها ))
أخذت أفضل محطه بنقل الحقائق ..
ومسلسل الزير سالم .. ومسلسل الحجاج ..
كل هذا لأن كل العالم عايشين بصندوق وما يفهمون شي .. ههههه صح صح .. :)
وواضح أن أحنا عايشين بصندوق ..
وفكروا بمشاكل اهم من هالمشكله اللي صارت
سالفه قويه شوي و بتوصلونها الجامعه العربيه !
والدليل ردك ..
تتكلم وترد على نفسك ..
صح هو شي مو مهم وأحنا عايشين بصندوق ..
والدليل أن الوزير بنفسه شغله هالموضوع .....
وهذا الموضوع أنت حاطه مو أنا .. ؟؟
صح صح .. يجوز حتى الوزير عايش بصندوق ؟؟
(( مع إحترامي الكبير لوزيرنا الموقر ))
عالعموم ..
شكراً .. :smile: