(مميز)(فعالية مطبخ عروس) طبق ال "بيتزا"

اليوم حابة أشارك معكم في مسابقة فعالية مطبخ عروس واللي عجبتني فكرتها كتير
ورح اقدم لكم البيتزا بطريقتي الخاااصة والمميزة وبتمنى تعجبكم :F

تمام بالنسبة الي أهم شيء ممكن يميز أي نوع بيتزا هو (( الصلصة المستخدمة للبيتزا)) وأنا شخصياً بحب أصنع الصلصة بنفسي وبمكوناتي السرية الخاصة اللي بتخلي طعهما خياالي وساااحر إلى أبعد الحدوود ..
ومشان هيك رح أبدا أكشفلكم عن أسراري .. بس لحبيباتي في منتديات عرووس

أول اشي مشان نجهز الصلصة محتاجين
بصلة .. حبتين بندورة .. صلصة بندورة .. شطة فلفل أحمر :y: زعتر فلسطيني :oh: وملح .


بنفرم البصلة .. وبنحطها على النار ..


انا مابدي البصلة تستوي .. بس مجرد ابدا اشم رائحة البصل بضيف على طول البندورة مقطعة مكعبات ..



وبنتركها على نار هادية تستوي منيييييح .. وبعد ما تصير بهالشكل هدا ..



بنضيف عليها صلصة البندورة والشطة والزعتر والملح ..



وبنتركهم يتسبكوا مع بعضهم منيييح وبعدين بنطفي عليهم النار .. وبنضل ندوق لحد ما نزبط الملح واديش بدنا ياها تكون حراقة انا بحبها تكون فيها لسعة حرقان خفييفة بتعطي طعم رهيب يااالهوي :094: :094: والزعتر كمان بيعطيها نكهة خرااافية بلاقيه ازكى بكتير من الاوريجانو او اي نوع من الزعتر الناشف .. :y:

الآن صلصتنا العزيزة جاااهزة ..
وبهادي الاثناء عبال ما تبرد شوية بنبدا نجهز بالعجينة
وبالنسبة الي ما بحب اغلب حالي بقصة العجينة :NO: معتمدة على اسلوب انه بحط كل الاشياءات مع بعض وبعجنها وبتطلع معي رووعة ..

اللي بيلزمني للعجين ..


3 كوب طحين .
3 ملاعق حليب بودرة كبار .
2 ملعقة خميرة
2 ملعقة سكر
1 ملعقة ملح
ربع كوب زيت ذرة ..



بحط المكونات كلها مع بعض ما عدا الماء الدافئ وزيت الذرة ..
أول اشي بعجن العجينة بالماء الدافئ منيح وبالاخر ضيف زيت الذرة وبتركها تخمر .. وهي النتيجة النهائية ..



طبعاً اثناء ما بتخمر العجينة ببدا أجهز بالجبنة والخضروات اللي بدي ازين فيها البيتزا ..



بالنسبة الي بحب استخدم اكتر من نوع جبنة على البيتزا .. لانه بطلع الطعم ازكى والنكهة بتكون مميزة اكتر .. اليوم استخدمت المتوفر بالنسبة الي وهي الموزريلا والتشدير ..


وهنا قطعت الخضروات المتوفرة برضو بالطريقة المناسبة وممكن اضافة الزيتون واي نوع تاني من انواع الخضروات او بعض اللحوم .. لكن انا اكتفيت بالمتوفر عندي ..

وهلئيت .. العجينة خمرت .. الصلصة جاهزة .. الخضار .. والجبنة .. وحااان دووور اللعب قصدي الشغل المزبووط :up: وبالنسبة الي هادي الز مرحلة بالشغل .. بحس حالي بلعب GAME على الموبايل


أول إشي بفرد العجينة بالصينية وانا بحب العجينة تكون سميكة نوعاً ما .. وبتكون طرية كتير وطيبة .. وممكن نرققها حسب الرغبة ..


بعد هيك بنضيف صلصة البندووورة السرية اللي حكيتلكم عنها بالأول


وبعدين برضو رشة خفيفة من الزعتر السحري :oh:


ومن ثم الجبنة



وبعدين الخضروااات .. :perfect: الدقة الشديدة بالترتيب بتكون مملة .. حلو يكون في عشوائية منظمة بالموضوع :-*


وإلى الفرررررررن



ومن ثم استوووت وهي الصور بعد الاستواء بتمنى تعجبكم وحابة أسمع آراءكم يا عروسات يا حلوااااات :y: :y: :y:

:y:



:y:



:y:



:y: