قصيده بعنوان (قصة خيانه) لاتفووووووتكم

لارد الله ولااطلب تردين 000حلفت ادعي عليك بعثره في صلاتي
عثره تشلك بعدها ماتقومين000ياقاتلتني يوم صرتي حياتي
خدان لك كانت بالقلب بساتين00وريضان وغصون بها يااعناتي
كنتي مناة القلب والروح والعين00واليوم عينك لعلها ماتباتي
كنت احسبك للعهد والحب توفين000قلتي الغدر بالحب ماهي بسواتي
وحلفتي يمين الله مامنك ثنتنين000وانك ملاك دون كل البناتي
وانك على عهد الموده تسيرين000ولاتسمعين لاهل الحسد والوشاتي
وصار اليمين ستار خلفه توارين000ورماح غدرك بالخفا مشرعاتي
كلي سقيتك حب واليوم تناسين000تقولين حلم ايام واليوم فاتي
خذتي بالهوى لعبه على ماتحبين000الين عصفت بالهوى عاصفاتي
من زينك يابنت بالشعر تزيين000من صورك بابياته الطيلاتي
انا من غرامي قلت كانك تذكرين000قلت الخجل صاب البدر من مناتي
وصرتي بشعري على العذارى تباهين000تقولين انا شمس العصر بحلاتي
بالشعر غليتك على كل غالين00واثرك دنيا وتعشقين الدناتي
ناديت لكن لي ابد ماتسمعين000عمري وروحي فكري في ثباتي
تحسبين انك بالمهافه ترقين00كيف الصعود يكون للهاوياتي
وخنتي وبعتي كل عهد وايامين000ماعاد تفرق بين ماضي وآتي
صبري نفذ واليوم ثارت البراكين000مضلوم وانا باكر تحل دعواتي
يمين الله لاافضحك في شعر وداووين00وارقص واغني يوم خبر الوفاتي
واخلي يشمت بذكرك منهو بالصين00ومن قاصي اليمن الى نهر الفراتي
سمعي عسا من بعدها ماتسمعين000سمعي دعا من صار قلبه حصاتي
وعساك عوق منه ماعاد تبدين000عوق تشافق له قلوب العداتي
ويالله عسى يحتار فيك المداوين000تبين الممات والا يجيك المماتي
ويالله عسى كف الندامه تعضين000تندمين يوم انه يفوت الفواتي
وتبكين دم يسيل من مقلة العين000وتحتار امك في عناك وتحاتي
عسى ماتلاقين من له القلب تهدين000وان هو حصل ادعي عساك الشتاتي
عسى بعمرك ساعه ماتهنين00ويضيع عمرك بين هم وشقاتي
يالله عساك النار يأم وجهين000كله انكشف لاماتفيد اللعباتي
يالله عسى تلبسك الجن والشياطين000وتكونين مدعاة الحكي والشماتي
ويادمعة التمساح ل لا تذرفين000العيون رغم دموعها كاذباتي
الذيب يعوي قبل غدره بمسكين000وانتي غدرتي خافقي في سباتي
لو كان غدرك في كفوف الموازين000لكان رجح على كل غدر البناتي
والبادي اضلم سنة العين بالعين000ولافي ذي عاداتي ولاصفاتي
وياشبه الانسانه براس ورجلين000اعوذ بالرحمن منك في صلاتي